த்ரிஷா நாலு முறை பார்த்த படம்

கல்யாண வயசு வந்தாச்சு என்பதை த்ரிஷாவுக்கு அடிக்கடி நினைவு படுத்திக் கொண்டிருக்கின்றன பத்திரிகைகள். அதன் காரணமாகதான் இவருக்கும் தொழிலதிபர் ஒருவருக்கும் விரைவில் திருமணம் என்று எழுதிக் கொண்டிருக்கிறார்கள். ஆனால் அவர்கள் மீது நேரடியாக கோபப்பட முடியாத த்ரிஷா, இப்படியெல்லாம் வதந்தியை கிளப்புகிறவர்கள் யாரென்று எனக்கு தெரியும். அவர்களாக அடங்கியிருந்தால் நல்லது என்று எச்சரித்திருக்கிறார். த்ரிஷாவின் செய்தி தொடர்பாளர் போலவே செயல்படும் அவரது அம்மா உமா கூட சில நிருபர்களுக்கு போன் செய்து, எதுவா இருந்தாலும் எங்கிட்ட கேட்டுட்டு செய்தி போடுங்க என்கிறார்.

இது ஒருபுறம் இருக்க, தொழில் விஷயத்தில் அவர் தடுமாறியதே இல்லை. இந்தியில் தீபிகா படுகோனே கதாநாயகியாக நடித்த லவ் ஆஜ்மல் என்ற படத்தின் ரீமேக்கில் த்ரிஷா நடிக்கிறார். இவருக்கு ஜோடியாக நடிப்பது பவன் கல்யாண்.

பொதுவாக ரீமேக்கில் நடிக்கும் நடிகைகள் ஒரிஜனல் படத்தை ஒருமுறை கூட பார்க்க மாட்டார்கள். ஏனென்றால் தன்னையறியாமல் அப்படத்தில் வருகிற கேரக்டரை காப்பியடித்தால் என்னாவது என்ற அச்சத்தினால்தான். ஆனால் த்ரிஷா அப்படியல்ல. நான்கு முறை இப்படத்தை பார்த்தாராம். காப்பியடிக்கிறதுக்காக இல்லை. படமே அந்தளவுக்கு எனக்கு பிடித்திருந்தது என்றார்.