பெட்ரோல் விலை லிட்டருக்கு ரூ.3.14 உயர்த்தப்பட்டுள்ளது. இந்த விலை உயர்வு இன்று நள்ளிரவு முதல் அமலுக்கு வருகிறது.
மும்பையில் இன்று நடைபெற்ற எண்ணெய் நிறுவனங்களின் நிர்வாகிகள் கூட்டத்தில் இதற்கான முடிவு எடுக்கப்பட்டது.
சர்வதேச சந்தையில் அமெரிக்க டாலருக்கு நிகரான இந்திய ரூபாய் மதிப்பில் ஏற்பட்டுள்ள வீழ்ச்சியின் காரணமாக, கச்சா எண்ணெய் கொள்முதல் செய்யும் இந்திய எண்ணெய் நிறுவனங்கள் அதிக தொகை செலுத்த வேண்டிய நிலையில் உள்ளது.
தற்போதைய சர்வதேச விலைப்படி இந்த ஆண்டு மட்டும் ரூ.9 ஆயிரம் கோடி கூடுதலாக செலுத்த வேண்டியிருக்கும் என கணிக்கப்பட்டுள்ளது. இதனால் எண்ணெய் நிறுவனங்கள் பெட்ரோல் விலையை உயர்த்த முடிவு செய்தன.
ஒரு லிட்டர் பெட்ரோல் விலையை ரூ.3.14 அளவில் உயர்த்தப்படுவதாக எண்ணெய் நிறுவனங்கள் அறிவித்துள்ளன. இந்த விலை உயர்வு இன்று நள்ளிரவு முதல் அமலுக்கு வருகிறது.
சென்னையில் ஒரு லிட்டர் பெட்ரோல் விலை ரூ.67.50 ஆக விற்கப்பட்டு வருகிறது. இது தற்போது ரூ.70.64 ஆக உயருகிறது.
No comments:
Post a Comment