மகாராஷ்டிரா அரசை எதிர்த்து நடிகர் இம்ரான்கான் வழக்கு

மகாராஷ்டிராவில் மது அருந்தும் வயது 21 ஆக உள்ளது. இதை 25 ஆக உயர்த்த மாநில அரசு முடிவு செய்துள்ளது. மேலும், குறைந்தளவு அல்கஹால் உள்ள பீர் போன்ற மது பானங்களை அருந்தும் வயதை 21 ஆக உயர்த்தவும் மகாராஷ்டிரா அரசு முடிவு செய்துள்ளது.

இளைஞர்கள் மத்தியில் பெருகி வரும் மது பழக்கத்தை கட்டுப்படுத்தவும், மது விற்பனையை குறைக்கவும் இந்த முடிவு எடுக்கப்பட்டதாக மகாராஷ்டிரா அரசு அறிவித்திருந்தது. மேலும், இது தொடர்பான மசோதா, சட்டப்பேரவையில் தாக்கல் செய்யப்பட்டுள்ளது.

மகாராஷ்டிரா அரசின் இந்த நடவடிக்கைக்கு பிரபலமான பலர் கடும் எதிர்ப்பு தெரிவித்து வருகின்றனர். இந்த நிலையில், இந்த மசோதாவை எதிர்த்து பிரபல இந்தி நடிகர் இம்ரான்கான் மும்பை உயர் நீதிமன்றத்தில் வழக்கு தொடர்ந்துள்ளார். அவர் தாக்கல் செய்துள்ள மனுவில், ‘மகாராஷ்டிரா அரசின் இந்த நடவடிக்கை அரசியல் சட்டத்துக்கு முரணானது.

மது அருந்தும் வயதை உயர்த்துவதன் மூலம் மாநில அரசு சமத்துவ உரிமையிலும், தனிநபர் சுதந்திரத்திலும் தலையிடுகிறது. எனவே, இந்த மசோதாவுக்கு இடைக்கால தடை விதிக்க வேண்டும்’ என்று கோரப்பட்டுள்ளது.

இந்த மனு விரைவில் விசாரணைக்கு வரவுள்ளது.