அஜீத்தின் ஹிட் லிஸ்ட் - ஆர்வத்துடன் இயக்குனர்கள்

ஒவ்வொரு முறை தன் படம் வெளிவரும் போதெல்லாம் நிருபர்களை அழைத்து ஒரு ஹாய் சொல்வது அஜீத்தின் வழக்கம். தனிப்பட்ட முறையில் பேட்டி கொடுத்தா மற்றவங்க கோவிச்சுக்கிறாங்க. அதனால் எல்லாருக்கும் ஒரே நேரத்தில் பேட்டி கொடுப்பதுதான் சரியா இருக்கும். கேளுங்க... என்பார் அப்போதெல்லாம். ஆனால் எல்லா விதிகளையும் அவரே மீறியது போலாகிவிட்டது மங்காத்தா விஷயங்கள்.

முன்னணி நாளிதழ்களுக்கும், வார இதழ்களுக்கும் மட்டும் பேட்டியளித்தவர், இரண்டாம் தரப்பு மேகசீன்களை கண்டு கொள்ளவே இல்லை. இந்த சோகம் பலருக்கும் இருப்பதால், சென்னையில் இருக்கும் அவரது மேனேஜரிடம் என்னங்க இப்படி பண்ணிட்டாரே என்று குறை கூற, விஷயம் கோவாவில் இருக்கும் அஜீத்தின் காதுக்கு போனதாம்.

பில்லா-2 படப்பிடிப்பில் இருந்ததால்தான் இப்படி ஆகிடுச்சு. இம்மாத இறுதியில் சென்னைக்கு வருவேன். நிச்சயம் எல்லாரையும் சந்திப்பேன். விரிவான பேட்டிக்கு நான் ரெடி என்று கூறியிருக்கிறாராம். இதற்கிடையில் இன்னொரு செய்தியும் கசிகிறது கோடம்பாக்கத்தில். பில்லாவுக்கு பின்பு வெங்கட்பிரபுவுடன் மீண்டும் ஒரு படத்தில் நடிக்க இசைந்திருக்கிறாராம். அவரது ஹிட் லிஸ்ட்டில் இருக்கிற மேலும் இரு இயக்குனர்கள் ஜெயம் கொண்டான் கண்ணன், ஆரண்ய காண்டம் தியாகராஜன் குமார ராஜா.