அமெரிக்காவின் நாசா விண்வெளி ஆய்வு மையம், அண்டத்தில் உள்ள விண்கோள்கள் குறித்து ஆராய்வதற்காக கடந்த 3 ஆண்டுகளுக்கு முன்பு கெப்ளர் டெலஸ்கோப்பை நிறுவியது. இதன் மூலம், விஞ்ஞானிகள் குழு, புதிய கோள்களை ஆராய்ந்து வருகிறது. இந்த குழுவினர் பூமியை போன்ற ஒரு கிரகத்தை கண்டுபிடித்துள்ளனர். இது உயிரினங்கள் வசிப்பதற்கான சூழலை கொண்டிருப்பதாக ஆரம்ப கட்ட ஆராய்ச்சியில் தெரிய வந்துள்ளது.
இது பற்றி, கெப்ளர் விஞ்ஞானிகள் குழுவின் துணை தலைவர் நடாலி படால்கா கூறியதாவது: பூமியைப் போன்று நிலம், நீர் உள்ள ஒரு கிரகத்தை கண்டுபிடித்துள்ளோம். இது சூரிய வட்டத்திற்கு வெளியே இன்னொரு வட்டத்தில் உள்ளது. இதற்கு கெப்ளர்&22பி என பெயரிட்டுள்ளோம். சூரியனை போன்ற ஒரு கோளை சுற்றி வரும் கெப்ளர்&22பி, பூமியில் இருந்து 600 ஒளி ஆண்டுகள் தொலைவில் உள்ளது. ஒரு ஒளி ஆண்டு என்பது 6 லட்சம் கோடி மைல்கள்.
பூமியை விட 2.4 மடங்கு பெரியதாக உள்ளதால், அந்த கிரகத்தின் கால அளவுகள் மாறு படும். அதே போல், பாறைகள், நிலம், நீர் ஆகியவற்றின் தன்மைகள் உயிரினங்கள் வசிக்க ஏற்றவையா என இன்னும் ஆராய வேண்டியுள்ளது. இவ்வாறு விஞ்ஞானிகள் தெரிவித்தனர்.
No comments:
Post a Comment