ஆரண்ய காண்டம் இடம் பெறாதது ஏன்?

சென்னையில் 9ம் ஆண்டு உலக திரைப்பட விழா  டிசம்பர் 14ம் தேதி முதல் 22ம் தேதி வரை நடைபெற இருக்கிறது. இந்த ஆண்டு சுமார் 154 படங்களை திரையிட இருக்கிறார்கள்.

தமிழில் இருந்து 12 படங்கள் இம்முறை தேர்ந்தெடுக்கப்பட்டு உள்ளன. 'அவன் இவன்', 'ஆடுகளம்', 'மைதானம்', 'முரண்', 'எங்கேயும் எப்போதும்', 'வாகை சூட வா', 'வர்ணம்', 'வெங்காயம்', 'தெய்வத்திருமகள்', 'தூங்காநகரம்', 'அழகர்சாமியின் குதிரை', 'கோ'ஆகிய படங்கள் இம்முறை திரையிட தேர்ந்தெடுத்து இருக்கிறார்கள்.

தமிழகத்தில் வெளியாகும் முன்பே பல்வேறு திரைப்பட விழாக்களில் கலந்து கொண்டு விருதுகளை அள்ளிய படம் ஆரண்ய காண்டம். தமிழகத்தில் சினிமா விமர்சகர்கள் மத்தியிலும் பாராட்டையும் பெற்றது.

ஆரண்ய காண்டம் படத்தினை தேர்வு செய்யாததால் பல்வேறு சர்ச்சைகள் எழுந்தன. படத்தின் தயாரிப்பாளர் எஸ்.பி.பி.சரண் தனது டிவிட்டர் இணையத்தில் " நான் வெளிநாட்டில் இருந்ததால் சென்னையில் நடைபெற இருக்கும் உலக திரைப்பட விழாவில் பங்கேற்க ஆரண்ய காண்டம் படத்தை அனுப்ப இயலவில்லை. மன்னிக்கவும். " என்று தெரிவித்துள்ளார்.