அமிதாப்பச்சனுடன் தனுஷ் சந்திப்பு

நடிகர் தனுஷ் மும்பை சென்று அமிதாப்பச்சனை சந்தித்து பேசினார். முன்னதாக நட்சத்திர ஓட்டலில் தங்கி இருந்த தனுசை அழைப்பதற்காக அபிஷேக்பச்சன் நேரில் சென்றார். காரில் தனுசை ஏற்றிக்கொண்டு வீட்டுக்கு சென்றார். அவரை அமிதாப்பச்சன் வாசலில் வந்து வரவேற்றார். இருவரும் நீண்ட நேரம் பேசிக்கொண்டு இருந்தனர்.

அமிதாப்பச்சனும், தனுஷ் மாமனார் ரஜினியும் நெருங்கிய நண்பர்கள் என்பது குறிப்பிடத்தக்கது. தனுஷ் எழுதி பாடிய “ஒய்திஸ் கொலை வெறிடி” பாடலை அமிதாப்பச்சன் ஏற்கனவே பாராட்டி இருந்தார். நேரில் சந்தித்த போதும் பாடல் சிறப்பாக இருந்தது என மீண்டும் பாராட்டு தெரிவித்தார்.

அதன் பிறகு அபிஷேக் பச்சனும் தனுசும் அங்கிருந்து புறப்பட்டு மிஸின் இம்பாசிபிள் ஆங்கில படத்தின் சிறப்பு காட்சியை பார்க்க தியேட் டருக்கு சென்றனர்.