தயாரிப்பாளரான சித்தார்த் !

சித்தார்த், அமலாபால் நடித்து வரும் படம் 'காதலில் சொதப்புவது எப்படி'. பாலாஜி மோகன் இயக்கி வருகிறார்.  இப்படத்தின் பெரும் பகுதி படப்பிடிப்பு முடிவுற்றது.

இப்படத்தின் மூலம் தயாரிப்பாளர் ஆகி இருக்கிறார் நடிகர் சித்தார்த்.  சித்தார்த், நிரவ் ஷா, Y NOT STUDIOS இணைந்து இப்படத்தினை தயாரித்து வருகிறார்கள். சித்தார்த்தின் கம்பெனி பெயர் EKATI Entertainment.

இது குறித்து சித்தார்த் தனது டிவிட்டர் இணையத்தில் " தெலுங்கில் 'LOVER FAILURE ', தமிழில் 'காதலில் சொதப்புவது எப்படி' என்கின்ற பெயரில் தயாராகும் படத்தில் நடித்து வருகிறேன்.

இப்படத்தின் மூலம் தயாரிப்பாளர் ஆகி இருக்கிறேன். என்னுடன் இணைந்து இப்படத்தினை தயாரித்து இருக்கும் சசிகாந்த் (Y NOT STUDIOS) மற்றும் நிரவ் ஷா ஆகிய இருவருக்கும் எனது நன்றியை தெரிவித்து கொள்கிறேன்.  பாலாஜி மோகனின் ஸ்க்ரிப்ட்  எங்களை தயாரிப்பாளர் ஆக்கியது " என்று தெரிவித்துள்ளார்.

'காதலில் சொதப்புவது எப்படி' என்கின்ற குறும்படத்தினை இயக்கி 'நாளைய இயக்குனர்' நிகழ்ச்சியில் விருது வாங்கினார். அக்கதையை தான் இப்போது படமாக்கி வருகிறார் என்பது குறிப்பிடத்தக்கது.