மு.க.ஸ்டாலின் மருத்துவமனையில் அனுமதி: இதயக் கோளாறு?

திமுக பொருளாளர் மு.க.ஸ்டாலின் திடீரென சென்னை ராமச்சந்திரா மருத்துவமனையில் அனுமதிக்கப்பட்டுள்ளார்.

இதயக் கோளாறு தொடர்பான பிரச்சனை காரணமாக அவர் மருத்துவமனையில் சேர்க்கப்பட்டுள்ளதாகத் தெரிகிறது.

இதையடுத்து திமுக தலைவர் கருணாநிதி மற்றும் திமுக மூத்த தலைவர்கள் மருத்துவமனையில் குவிந்துள்ளனர்.

எம்எல்ஏ அலுவலகத்தை காலி செய்ய இடைக்காலத் தடை:

இந் நிலையில் ஸ்டாலினின் கொளத்தூர் தொகுதி எம்எல்ஏ அலுவலக இடத்தை மாநகராட்சி திரும்ப எடுத்துக் கொள்வதற்கு சென்னை உயர் நீதிமன்றம் இடைக்காலத் தடை விதித்துள்ளது.

இந்த அலுவலகம் அமைந்துள்ள இடம் சென்னை மாநகராட்சிக்கு சொந்தமானது என்று கூறி அதை திரும்ப எடுத்துக் கொள்வதற்காக மாநகராட்சியில் நேற்று தீர்மானம் நிறைவேற்றப்பட்டது. இதை எதிர்த்து உயர் நீதிமன்றத்தில் ஸ்டாலின் மனுத்தாக்கல் செய்தார்.

மனுவை விசாரித்த நீதிமன்றம் எம்எல்ஏ அலுவலகத்தை காலி செய்ய இடைக்காலத் தடை விதித்து இன்று உத்தரவிட்டுள்ளது.

அலுவலகம் கையக்கப்படுத்தப்பட்டால், ரோட்டில் நாற்காலி-மேஜை போட்டு பணியாற்றுவேன் என்று ஸ்டாலின் கூறியுள்ளது குறிப்பிடத்தக்கது.