அதிமுக கூட்டணியி்ல் கடந்த சட்டமன்றத் தேர்தலில் 35 இடங்களில் வைகோவின் மதிமுக போட்டியி்ட்டது. அந்தக் கூட்டணி அமைவதற்கு முதல் நாள் வரை திமுக கூட்டணியில் மதிமுக இருந்தது. மதிமுகவுக்கு 27 இடங்கள் கொடுப்பதாக திமுக கூற, அதை ஏற்க மறுத்து திடீரென அதிமுக கூட்டணிக்கு மாறினார் வைகோ.
இதையடுத்து அவருக்கு 35 இடங்கள் தந்தார் அதிமுக பொதுச் செயலாளர் ஜெயலலிதா. ஆனால், அதில் 4ல் மட்டுமே வென்று ஜெயலலிதா கூட்டணியின் தோல்விக்கு முக்கிய காரணமாக அமைந்தார் வைகோ.
இந் நிலையில் அடுத்து வந்த மக்களவைத் தேர்தல், இப்போது நடக்கும் சட்டசபைத் தேர்தலில் காங்கிரசுக்கு வலை விரித்துப் பார்த்தார் ஜெயலலிதா. காங்கிரசுடன் கூட்டணி அமையப் போகிறது என்று ஜெயலலிதா ஆதரவு பத்திரிக்கைகளிலும் செய்திகள் போட்டனர். ஆனால், அப்படி ஒன்று நடக்கவி்ல்லை.
இதையடுத்து யாரை குடிகாரர் என்று சொன்னாரோ அதே விஜய்காந்துடன் கூட்டணிக்கு ஜெயலலிதா முயன்றார். இரு தரப்பிலும் கடும் இழுபறிக்குப் பின்னர் யாரை ஊத்திக் கொடுத்தவர் என்று சொன்னாரோ அவருடனே கூட்டணி அமைத்தார் விஜய்காந்த். இதற்கு ஒரு பத்திரிக்கையாளர் தான் மிகவும் முயற்சி எடுத்தார்.
மதிமுகவை ஒழித்துக் கட்ட திமுக தீவிரமாக உள்ள நிலையில் வைகோவுக்கு ஜெயலலிதாவை விட்டால் வேறு வழியும் இல்லை.
இப்போது அதிமுக கூட்டணியில் 15 கட்சிகள் உள்ளன. இதில் மனித நேய மக்கள் கட்சிக்கு 3, புதிய தமிழகம் கட்சிக்கு 2, சேதுராமனின் மூவேந்தர் முன்னேற்றக் கழகத்துக்கு 1 என சின்ன சின்ன கட்சிகள் சிலவற்றுக்கும் தேமுதிகவுக்கும் ஒதுக்கப்பட்டது தவிர முக்கிய கட்சிகளான மதிமுக, இடதுசாரிகளுக்கு இடங்கள் ஒதுக்கப்பட வேண்டும்.
இதனால் மதிமுகவுக்கு அதிகபட்சமே 17 இடங்கள் தான் கிடைக்கும் என்ற நிலை உருவாகியுள்ளது. இதில் சரத்குமாரும் கார்த்திக்கும் ஓரிரு இடங்களுக்கு எல்லாம் நாங்கள் ஒப்புக் கொள்ள மாட்டோம் என்று கூறி வருவதும் குறிப்பிடத்தக்கது. இடங்கள் போதவில்லை வைகோவோ, கார்த்திக்கோ, சரத்குமாரோ, இடதுசாரிகளோ முரண்டு பிடித்தால் விஜய்காந்த் உள்ள தைரியத்தில் அவர்களை வெட்டிவிடவும் அதிமுக தயங்காது என்கிறார்கள்.
இதனால் கொடுப்பதை வாங்கிக் கொண்டு போக வேண்டிய நிலைக்கு அவர்கள் தள்ளப்பட்டுள்ளனர்.
இதனால் தான் சமீபத்தில் நடந்த தனது கட்சியின் பொதுக் குழுக் கூட்டத்தில் பேசிய வைகோ, நிலைமை மாறிவிட்டது. நாமும் அதற்கேற்ப மாறிக் கொள்ள வேண்டும் என்று கட்சியினருக்கு பொடி வைத்தார்.
கடந்த ஒரு மாதமாக அதிமுகவுடன் நடத்திய தொகுதி்ப் பங்கீடு பேச்சுவார்த்தைகளில் மதிமுக 36 இடங்கள் கோரி வந்தது. அதாவது கடந்த தேர்தலில் போட்டியிட்டதை விட ஒரு சீட் அதிகம் வேண்டும் என்று கோரியது.
மதிமுகவுக்கு ஒற்றை இலக்கத்தில் தான் சீட் தர முடியும் என்று ஆரம்பித்த அதிமுக கொஞ்சம் கொஞ்சமாக 17க்கு வந்துள்ளது. ஆனால், 36 இல்லாவிட்டாலும் பரவாயில்லை 27 இடங்களாவது வேண்டும் என்று வைகோ கோரி வருகிறார். ஆனால், கடந்த தேர்தலில் தரப்பட்டதில் பாதியைத் தான் இம்முறை அதிமுக தரவுள்ளது. மிக அதிகபட்சம் என்றால் 20 சீட் தான் என்கிறார்கள்.
உண்மையிலேயே பாவம் நம்ம வைகோ!
இப்போது அதிமுகவில் குறைந்த தொகுதிகள் தர முன்வருவதால் மதிமுக , மற்றும் மார்க்சிஸ்ட் கம்யூனிஸ்ட் , இந்திய கம்யூனிஸ்ட் கட்சிகள் வெளிவந்து திமுகவுடன் கைகோர்த்தால் கூட ஆச்சரியப்படுவதற்கு இல்லை.
இதை தவிர ஜெயலலிதா காங்கிரசை தனது கூட்டணியில் இணைத்துகொண்டால்! காங்கிரஸ் அதிமுகவோடு போய் சேரும் என்று வைத்துகொண்டால்! இழத்தமிழர் பிரச்சனையில் காங்கிரச்சை எதிர்க்கும் மதிமுக வெளியேற வேண்டிய கட்டாயத்திற்கு தள்ளப்படும். இடதுசாரிகளும் வெளியேற வேண்டியது தான்! அப்படி வெளியேறுபவர்களுக்கு திமுக கூட்டணியில் இணைவதை தவிர வேறு வழியில்லை. தொண்டர்களே இல்லாத காங்கிரச்சை விட இவர்களை இணைத்து கொள்வது திமுகவிற்கு பலமே! அதுமட்டுமின்றி இவர்களோடு காங்கிரஸ் எதிர்ப்பாளர்களான சீமான் போன்றவர்களையும் தங்கள் பக்கம் இழுத்து கொள்ளலாம்! அதுவும் ஒரு திமுகவிற்கு கூடுதல் பலமே !
அதேநேரம் நட்டாற்றில் தவிக்க விடப்பட்டிருக்கும் காங்கிரஸ் கட்சியினர் அதிக தொகுதிகளையும், கரன்சிகளையும் காட்டி விஜயகாந்தை தங்கள் பக்கம் இழுத்து மூன்றாவது அணி அமைத்து தேர்தலை சந்திக்கும் சாத்தியகூறுகளும் உள்ளது. அப்படி சந்திக்கும் பட்சத்தில் அதன் பலன் திமுகவிற்கு சாதகமாகவே இருக்கும். அதிமுகவின் பலம் குறைந்துவிடும் வாய்ப்பே உள்ளது.
இப்போது கதிகலங்கி இருக்கும் காங்கிரசார் இன்று இரவே சோனியாவை வைத்து கலைஞரோடு தொலைப்பேசியில் பேசி சரி செய்து விடலாம் அது எப்படி தெரியுமா? 'கேட்கும் தொகுதிகள் வேண்டாம். ஆனால் 60 தொகுதிகள் என்று வாங்கினால் அது தாங்கள் இறங்கி வந்ததாக இருக்கும் அதனால் ஒரு 61 தொகுதிகள் கொடுங்கள்' என்று கீழே விழுந்தாலும் மீசையில் மண் ஒட்டவில்லை என்ற கதையாக பேசி வாங்கி கொண்டு இருவரும் சமாதானமாக போகவும் வாய்ப்புள்ளது . காரணம் இங்கு முரண்டு பிடித்தால் திமுக மத்தியரசுக்கு அளிக்கும் ஆதரவை விலக்கி கொள்ளும் பட்சத்தில் மேற்குவங்க சட்டசபை தேர்தலில் மம்தாவிடம் அதிகம் தொகுதிக்கு முரண்டு பிடிக்க முடியாமல் போகிவிடும் . மொத்தத்தில் இரண்டு பக்கமும் மண்டியிட வேண்டிய கட்டாயத்திற்கு தள்ளப்படும்.
ஆனால் , இவர்கள் இருவரும் தமிழினத்திற்கு செய்த துரோகத்திற்கு தண்டனை என்றால் இவர்களின் கூட்டணி பிரிவாகவே இருக்கும். ஆனால் கலைஞர் நிச்சயம் மனம்விட்டு அழுவார். எந்த பதவிக்கு ஆசைப்பட்டு காங்கிரசாரின் தமிழின அழிப்பை வேடிக்கை பார்த்துக்கொண்டு ஆதரவு அளித்தரோ அதே பதவிக்கு இப்போது அந்த காங்கிரசாரே ஆப்பு வைத்து விட்டதை எண்ணி எண்ணி அழுது புலம்ப வேண்டியது தான்.
மொத்தத்தில் இந்த தேர்தலில் தற்போது நடந்து கொண்டு இருப்பவை எதுவும் இறுதியானது இல்லை. இது ஒரு ஆரம்பமே முடிவு என்ன என்பது இன்னும் சிறுது நாட்களில் தெரிந்து விடும்.
No comments:
Post a Comment