விழியே பேசு...

விஜயகாந்த்தை அவரது கூட்டணியே நம்பவில்லை: திருமா

அதிமுக கூட்டணியில் உள்ளவர்களே விஜயகாந்த்தை நம்புவதில்லை என, விடுதலைச் சிறுத்தைகள் கட்சித் தலைவர் தொல்.திருமாவளவன் கூறியுள்ளார்.

சேலம் மாவட்டம் மேட்டூர் தொகுதியில் போட்டியிடும் பாமக தலைவர் ஜி.கே.மணியை ஆதரித்து, விடுதலைச் சிறுத்தைகள் கட்சித் தலைவர் தொல்.திருமாவளவன் பிரச்சாரம் செய்தார்.

அப்போது செய்தியாளர்களிடம் பேசிய அவர், கடந்த 5 ஆண்டுகால திமுக ஆட்சியின் சாதனைகள் பொதுமக்களிடம் நம்பிக்கையை ஏற்படுத்தியுள்ளது. கலைஞர் சொன்னதை செய்வார். புதிய திட்டங்களை அறிவிப்பார். பாமகவும் விடுதலைச் சிறுத்தைகள் கட்சியும் சேர்ந்திருப்பது திமுக கூட்டணிக்கு வலுசேர்த்துள்ளது.

நடிகர் விஜயகாந்த்தின் நடவடிக்கைகள் மக்கள் மத்தியில் நாளுக்கு நாள் அவரது மதிப்பை குறைத்து வருகிறது. அதிமுக கூட்டணியில் உள்ளவர்களே விஜயகாந்த்தை நம்புவதில்லை. தேர்தல் ஆணையத்தின் நடவடிக்கைகள் ஜனநாயகத்திற்கே ஆபத்தில் முடியும் என்றார்.

இன்றைய பதிவுகள்...

சீமான் மீது கொலை மிரட்டல் வழக்கு

நாம் தமிழர் கட்சி தலைவர் சீமான் உட்பட நான்கு பேர் மீது, போலீசார் வழக்கு பதிந்தனர்.

அனுமதியின்றி வைத்த பேனரை அகற்றிய அதிகாரிகளுக்கு, கொலை மிரட்டல் விடுத்ததாக, நாம் தமிழர் கட்சி நிறுவனர் சீமான் உட்பட நான்கு பேர் மீது, போலீசார் வழக்கு பதிந்தனர்.

சிவகங்கையில் இந்திய கம்யூ., வேட்பாளரை ஆதரித்து நேற்று, அவர் பேசினார். மேடையில் இருந்த பேனருக்கு, அனுமதி பெறாததால், அதை அகற்ற டி.எஸ்.பி., இளங்கோ உத்தரவிட்டார். பேனர், கட்சி கொடிகளை போலீசார் முன்னிலையில் அலுவலர்கள் அகற்றினர்.

இதற்கு சீமான், மாவட்ட அமைப்பாளர் தீனதயாளன், நிர்வாகிகள் அன்வர்ராஜா, சோமசுந்தரம் எதிர்ப்பு தெரிவித்து, மிரட்டல் விடுத்தனர். வி.ஏ.ஓ., கோபிநாத் புகாரின்படி, 143 (கூட்டம் கூடியது); 188 (அனுமதியின்றி கொடி, பேனர் கட்டுதல்); 353 (அரசு பணியை தடுத்தல்); 506(1)(கொலை மிரட்டல்) பிரிவுகளின் கீழ், இன்ஸ்பெக்டர் சங்கர், எஸ்.ஐ., வடிவேல்முருகன் வழக்கு பதிந்தனர்.

இன்றைய பதிவுகள்...

ஆர்யாவிடம் துக்கம் விசாரிக்கும் ரசிகர்கள்

தமிழ் சினிமாவில் நடித்து பணம் சம்பாதித்துக்கொண்டிருக்கும் மலையாளி ஆர்யா, ஒரு மலையாள திரை விழாவில் தமிழ் சினிமாவைப்பற்றி மிகவும் கேவலமாக பேசினார்.

இதற்கு கடும் எதிர்ப்பு கிளம்பியது. ஆர்யா படத்திற்கு செறுப்பு மாலை அணிவித்து ஆர்ப்பாட்டங்கள் நடந்தன. கடைசிவரை ஆர்யா மன்னிப்பு கேட்கவில்லை. வருத்தம் மட்டும் தெரிவித்தார்.

இந்நிலையில் உலக கோப்பை கிரிக்கெட் அரை இறுதி போட்டியில் இந்தியா-பாகிஸ்தான் அணிகள் நேற்று மோதின. இதில் பாகிஸ்தான் அணி வெற்றி பெறும் என்று நடிகர் ஆர்யா கருத்து தெரிவித்தார்ர். இந்திய அணி ஜெயிக்காது என்று நினைக்கிறேன்.

பாகிஸ்தான் அணி சிறந்த அணியாக உள்ளது. இந்த உலக கோப்பை போட்டியில் அவர்கள் நிறைய ரன் எடுத்துள்ளனர். சாகித்அப்ரிடி பாகிஸ்தானுக்கு வெற்றி தேடித்தருவார் என்று கூறியிருந்தார்.

இதற்கு கடும் எதிர்ப்புகள் நிலவியது.

இந்த நிலையில் நேற்றையை போட்டியில் பாகிஸ்தான் அணி தோற்றது. இந்திய அணி அபார வெற்றி பெற்றது. இதனால் மூக்கு உடைபட்டு வெட்கி தலைகுணிந்துள்ளார் நடிகர் ஆர்யா.

துக்கம் விசாரிப்பது போல் அவரை ரசிகர்கள் விசாரித்துக்கொண்டிருக்கிறார்களாம்.

இன்றைய பதிவுகள்...