Monday, February 28, 2011

காரைக் கவுத்திட்டீங்களேப்பா! -கவலைபடும் நடிகர்

கடும் குடிபோதையில் நடிகர்கள் பிரேம்ஜியும், விஜய் வசந்த்தும் பயணம் செய்த கார், டிரைவரின் கட்டுப்பாட்டை மீறி சாலையோரம் கவிழ்ந்து விட்டதாக பரபரப்பு ஏற்பட்டுள்ளது. காரைப் போலீஸார் கைப்பற்றி விசாரித்து வருகின்றனர்.

நடிகர் விஜய் வசந்த், காங்கிரஸ் எம்.எல்.ஏ வசந்தகுமாரின் மகன் ஆவார். இவர் நாடோடிகள், சென்னை 600028 உள்ளிட்ட படங்களில் நடித்துள்ளார்.

நேற்று முன்தினம் இரவு தி.நகர் வடக்கு உஸ்மான் சாலை, பசுல்லா சாலை சந்திப்பில் ஒரு பிரமாண்ட பிஎம்டபிள்யூ கார் கவிழ்ந்து கிடந்தது. இதைப் பார்த்த அப்பகுதியினர் போலீஸாருக்குத் தகவல் கொடுத்தனர்.

போலீஸார் விரைந்து வந்து காரை மீட்டு அதுகுறித்து விசாரித்தபோது அந்தக் கார், வசந்தகுமார் எம்.எல்.ஏ.வுக்குச் சொந்தமானது என்று தெரிய வந்தது. மேலும் காரில் நடிகர்கள் பிரேம்ஜியும், விஜய் வசந்த்தும் இருந்ததாகவும், இருவரும் நல்ல குடிபோதையில் இருந்ததாகவும் கூறப்படுகிறது.

இருப்பினும் காரை அவர்கள் ஓட்டவில்லை. டிரைவர்தான் ஓட்டி வந்தார். வேகமாக காரை ஓட்டுமாறு இரு நடிகர்களும் வற்புறுத்தியதால் வேகமாக காரை ஓட்டி அது சாலையோரம் கவிழ்ந்ததாக கூறப்படுகிறது.

இந்த விபத்தில் டிரைவர் அக்பர் அலி காயமடைந்துள்ளார். அவரை போலீஸார் மருத்துவமனையில் அனுமதித்துள்ளனர்.

இருப்பினும் இதுதொடர்பாக பிரேம்ஜி, விஜய் வசந்த் மீது வழக்கு ஏதும் பதிவு செய்யப்பட்டதா என்பது தெரியவில்லை.

என்ன கொடுமை சார் இது, இப்படியா விபத்து ஏற்படுவது போல ஓட்டுவது?


ஒரு போதும் கமலுடன் இணைய மாட்டேன் : மிஸ்கின்


டைரக்டர் மிஷ்கின் கூறியது: ரசிகர்கள் மீது நிறைய நம்பிக்கை வைத்திருக்கிறேன். அதில் ஒருபோதும் ஏமாற்றம் அடைந்ததில்லை. வெவ்வேறு களங்களில் கதை அமைப்பதை வரவேற்கிறார்கள். சினிமாவில் ஏ, பி, சி என்று எந்த எல்லையும் இருப்பதாக நான் கருதவில்லை. நந்தலாலாÕ படத்தில் காமெடி, ஹீரோயிஸம் எதுவும் கிடையாது. ஆனாலும் படத்தை பாராட்டினார்கள். தமிழ் சினிமா வளர்ச்சிக்கு இது உதாரணம். அடுத்த ஸ்கிரிப்ட் முடித்துவிட்டேன். இதன் மூலம் பாலிவுட்டில் அறிமுகமாகிறேன். இந்தியா, பாகிஸ்தான் சம்பந்தப்பட்ட மக்களின் பிரச்னை. ஆனால் நிச்சயமாக இது Ôவார்Õ படமாகவோ ராணுவ கதை கொண்ட படமாகவோ இருக்காது. இதில் இரண்டு ஹீரோக்கள். ஒருவர் ஜான் ஆப்ரகாம். மற்றொருவருக்கான தேர்வு நடக்கிறது. ஹீரோயினையும் தேடிக் கொண்டிருக்கிறேன். கமல்ஹாசனை இயக்கும் திட்டம் என்ன ஆனதுÕ என்கிறார்கள். அந்த திட்டத்தை கைவிட்டு விட்டேன். இனி அவருடன் இணையும் திட்டம் இல்லை. ஆனால் அவருக்காக எழுதிய கதையை ஹாலிவுட் படமாக எதிர்காலத்தில் இயக்குவேன். இவ்வாறு மிஷ்கின் கூறினார்.



அமெரிக்காவில் மோசமான ஆலிவுட் படங்களுக்கு பிரீ ஆஸ்கார் விருது


கடந்த ஆண்டு வெளியான சிறந்த படங்களுக்கு ஆஸ்கார் விருது வழங்கும் விழா அமெரிக்காவின் லாஸ் ஏஞ்சல்ஸ் நகரில் இன்று நடந்தது. ஆனால், மிக மோசமான படங்களுக்கு விருது வழங்கும் விழா லாஸ்ஏஞ்சல்ஸ் நகரில் நேற்று நடைபெற்றது. இதற்கு பிரீ ஆஸ்கார் விருது என பெயரிடப்பட்டுள்ளது.

இந்த விருது ஏர்பென்டர் என்ற ஆலிவுட் படத்துக்கு வழங்கப்பட்டது. அதே போன்று செக்ஸ் அண்டு தி சிட்டி 2 என்ற படமும் இந்த விருதை பெற்றது.   செக்ஸ் அண்டு தி சிட்டி 2” என்ற படம் ரூ.1275 கோடி ரூபாய் வருமானம் ஈட்டியுள்ளது. இருந்தும் அது தரமான படம் அல்ல என்று கருதி அதை கேலி செய்யும் விதமான இந்த விருது வழங்கப்பட்டது.

மோசமான நடிகர் விருது ஆஸ்தான் குட்சருக்கு கிடைத்தது. கில்லர்ஸ், மற்றும் வேலன்டைன்ஸ் டே ஆகிய படங்களில் அவர் நடித்துள்ளார். மோசமான நடிகைக்கான விருது சாரா ஜெசிக்கா பார்கர், கிறிஸ்டின் டேவிஸ், கிம் கேட்ரால், சிந்தியா நிசான் ஆகியோருக்கு கிடைத்தது.

துணை நடிகைக்கான விருது ஜெசிக்கா அல்பாவுக்கு வழங்கப்பட்டது. தி கில்லர் இன்சைடு டீ, லிட்டில் பாக்சர்ஸ், மாசட் அண்டு வேலன்டைன்ஸ் டே ஆகிய படங்களில் இவர் நடித்துள்ளார்.



பொன்னியின் செல்வனில் மகேஷ் பாபு அப்போ விஜய்...?


விஜய்-விக்ரம்-விஷால் ஆகிய மூன்று நாயகர்களை வைத்து மணிரத்னம் இயக்கும் "பொன்னியின் செல்வன்" படத்தில் நான்காவது நாயகனாக தெலுங்கு நடிகர் மகேஷ் பாபுவும் நடிக்க ஒப்பந்தம் ஆகியுள்ளார்.

ராவணன் படத்தை தொடர்ந்து மணிரத்னம் இயக்கும் அடுத்தபடம் "பொன்னியின் செல்வன்". கல்வியின் நா‌வலை மையமாக வைத்து உருவாக்கும் இந்தபடத்தில் நடிக்க விஜய்-விக்ரம்-விஷால் ஆகியோர் ஒப்பந்தமாகியுள்ளனர். மிகுந்த பொருட்ச் செலவில் தயாராகும் இப்படத்தில் இன்னொரு நாயகரும் இணைந்து இருக்கிறார். தெலுங்கு விஜய் என்று வர்ணிக்கப்படும் மகேஷ் பாபும், இந்தபடத்தில் நடிக்க இருக்கிறார். இதை அவ‌ரே தன்னுடைய டிவிட்டர் வலைதளத்தில் ஒப்புக்கொண்டுள்ளார்.

இதுகுறித்து டிவிட்டரில் மகேஷ்பாபு கூறியதாவது, எல்லா நடிகர்களை போல் எனக்கும் மணிரத்னம் படத்தில் நடிக்க வேண்டும் என்பது ஆசை. நீண்டநாளாக நிறைவேறாமால் இருந்த இந்த கனவு இப்‌போது தான் நிறைவேறி இருக்கிறது. இது மிகுந்த மகிழ்ச்சி அளிக்கிறது என்று கூறியுள்ளார்


டைரக்டரை கதற வைத்த கார்த்தி!


ஆக்ஷனும் காமெடியும் கைகூடும் ஹீரோக்களுக்குதான் இன்றைய கோடம்பாக்கத்தில் கொட்டுமேள சப்தம்! சமீபகாலமாக அந்த ஸ்டைலை சரியாக பிடித்து சாமர்த்தியமாக சவாரி பண்ணிக் கொண்டிருப்பவர் கார்த்தி மட்டுமே! கண்ணா... லட்டு திங்க ஆசையா என்று அதிர்ஷ்டம் இனிப்பு மேல் இனிப்பு கொடுத்துக் கொண்டிருக்கிறது பிரதருக்கு. இந்த நேரத்தில் குழப்பமும் கூடவே வந்து கும்மியடிக்கிறதாம்.

சமீபத்தில் யு டிவி நிறுவனத்திற்கு ஒரு கதை சொன்னாராம் 'ராமன் தேடிய சீதை' படத்தின் இயக்குனர் ஜெகன். இவர் சேரனிடம் உதவி இயக்குனராக பல படங்களில் பணியாற்றியவர். யு டிவிக்கு போவதற்கு முன்பே கார்த்தியிடம் ஒரு கதை சொன்னாராம். அது சிரிக்க சிரிக்க பின்னியெடுப்பது மாதிரியான ஆக்ஷன் வித் காமெடி!

முதலில் கால்ஷீட் தரவும் சம்மதித்தாராம் கார்த்தி. நம்பிக்கையோடு யு டிவிக்கு போன ஜெகன், கதையை அவர்களுக்கு பிடித்த மாதிரி சொன்னதுடன், கார்த்தி கால்ஷீட்டும் தருவார் என்று கூறினாராம் நம்பிக்கையோடு. அந்த நம்பிக்கையை அதே தினத்தில் காலி பண்ணிவிட்டாராம் கார்த்தி. இப்பதான் ஒரு காமெடி படத்தில் நடிச்சேன். அடுத்த படமும் அதே மாதிரி இருந்தா சரிப்படாது. நான் வேற மாதிரி ஒரு படத்தில் நடிச்சிட்டு அப்புறம் சொல்றேன் என்றாராம்.

குறிஞ்சி பூவேன்னு கொஞ்ச போனா, நெருஞ்சி முள்ளேன்னு நெஞ்சுல தைக்குதாம் விதி



தடை படுமா பகலவன்:பகலவன் தயாரிப்பில் புதிய குழப்பம்!

விஜய் நடிக்க, சீமான் இயக்குவதாக உள்ள பகலவன் படத்தைத் தயாரிப்பது யார் என்பதில் தொடர்ந்து குழப்பம் நிலவுகிறது.

இந்தப் படத்தின் கதை - திரைக்கதை - வசனத்தை வேலூர் சிறையிலிருந்தபோது எழுதிமுடித்தார் சீமான். காட்சிகள் ஒவ்வொன்றும் விஜய்யை இலங்கைத் தமிழர்களின் பங்காளராகக் காட்டும் வகையில் அமைக்கப்பட்டுள்ளது.

இன்னும் இரு மாதங்களில் இந்தப் படம் ஆரம்பிக்கப்படும் என்று கூறி வந்த நிலையில், ஒரு பக்கம் தேர்தல் வந்து சீமானை அதில் பிஸியாக்கிவிட்டது. இன்னொரு பக்கம் விஜய்யும் தேர்தல் - வாய்ஸ் என புது ரூட்டில் பயணிக்க ஆரம்பித்துள்ளார். எனவே தேர்தல் முடியும்வரை இந்தப் படம் ஆரம்பிக்கப்படாது என்கிறார்கள்.

இந்த நிலையில், படத்தைத் தயாரிக்கப் போவது யார் என்பதிலும் குழப்பம் நீடிக்கிறது. இந்தப் படத்தை முதலில் தாணு தயாரிப்பார் என்றார்கள். ஆனால் விஜய்யோ, வேலாயுதம், 3 இடியட்ஸ் முடிந்ததும் சூப்பர் குட் பிலிம்ஸுக்கு கால்ஷீட் கொடுத்துள்ளார். சீமானோ தாணுவிடம் அட்வான்ஸ் வாங்கியுள்ளார்.

இந்தப் படங்களுக்குப் பிறகு மணிரத்னம் படத்தில் நடிக்கிறார். எனவே பகலவனை தாணு தயாரிப்பாரா, சூப்பர் குட் சவுத்ரி தயாரிப்பாரா? என்பதில் குழப்பம் நீடிக்கிறது.



போகட்டும், நான் இருக்கேன்... மிஷ்கினுக்கு ஆர்யா சப்போர்ட்


எவ்வளவு பெரிய பிரச்சனையாக இருந்தாலும் க்ளைமாக்சில் வந்து சுபம் போடும் போலீஸ் மாதிரி, மிஷ்கினுக்கு வருகிற பிரச்சனைகளும் கடைசியில் சுபத்தோடு முடிவதுதான் விசேஷம். யுத்தம் செய் படத்திற்கு பிறகு லிங்குசாமியும் இவரும் இணைந்து உருவாக்கவிருந்த படம் கைவிட பட்டதாக தகவல் பரவிக்கிடக்கிறது. அதை உறுதி செய்கிற விதத்தில் இவருக்காக ஆர்யா கொடுத்திருந்த தேதிகளை அதே லிங்குசாமி தயாரிப்பில் படம் இயக்கவிருக்கும் பிரபு சாலமனுக்கு மாற்றிக் கொடுத்திருக்கிறார்களாம்.

ஆனால் மிஷ்கின் சொன்ன கதையில் மனதை பறி கொடுத்த ஆர்யா, லிங்குசாமி தயாரிக்கலைன்னா பரவாயில்லை. வேறொரு தயாரிப்பாளரோட வாங்க. உங்களுக்கு என் கால்ஷீட் எப்பவும் தயாரா இருக்கு என்று கூறியிருக்கிறாராம்.

பல்லுக்கு நடுவில உரிக்காத பலாப்பழத்தை செருகிய மாதிரி ரொம்ம்ம்ம்ம்ப சிரமம் கொடுக்கிற விஷயம் ஒன்றும் இருக்கிறது இந்த பட விஷயத்தில். ஆர்யா கால்ஷீட் கொடுக்க முன் வந்தாலும் மிஷ்கின் வைத்திருக்கும் பட்ஜெட் 35 கோடியாம்.

இவ்வளவு பெரிய பட்ஜெட் ஆர்யா-மிஷ்கின் கூட்டுக்கு தாங்குமா என்று கால்குலேஷனில் இறங்கியிருக்கிறார்களாம் மிஷ்கின் அணுகும் தயாரிப்பாளர்கள்!



அபலை பெண்களுக்கு உதவ “நைட் கிளப்” பாரில் நிதி திரட்ட தயாராகும் நடிகை


விஜய் ஜோடியாக வேலாயுதம் படத்தில் பிசியாக இருக்கிறார் ஜெனிலியா. போர்ஸ் என்ற இந்திப் படத்திலும் நடிக்கிறார். இரவு விருந்துகளில் பங்கேற்பது ஜெனிலியாவுக்கு பிடித்தமான விஷயம்.

தற்போது நைட் கிளப் பாரில் நடக்கும் நிகழ்ச்சியொன்றில் பங்கேற்று அபலை பெண்களுக்காக நிதி திரட்டவும் முடிவு செய்துள்ளார். இதுபற்றி ஜெனிலியா கூறுகிறார்.

ஆதரவற்ற பெண்களுக்கும், கஷ்டப்படுகிற பெண்களுக்கும் உதவி செய்கிற அமைப்பு நிதி திரட்டும் நிகழ்ச்சிக்கு ஏற்பாடு செய்துள்ளது. இதற்காக நைட் கிளப்பில் ஒரு நாள் முழுவதும் இருக்க முடிவு செய்துள்ளேன். அங்கு வருபவர்களை வரவேற்பேன், கலந்துரையாடவும் செய்வேன். இது போன்ற சமூக சேவை பணிகளில் எனக்கு ஈடுபாடு உண்டு.

கொடுமைகள், கஷ்டங்களை எதிர்த்து போராடும் பலம் பெண்களிடம் இருக்கிறது. ஒரு பெண்ணுக்கு கல்வி அறிவு கொடுத்தால் அந்த பெண்ணின் குடும்பமே நன்றாக இருக்கும், அவர்களின் வாழ்க்கைத் தரமும் உயரும்.

இவ்வாறு ஜெனிலியா கூறினார்.

அது சரி மாமியார் கோபப்பட  மாட்டாங்களா....?

இந்தியில் அதிகம் சம்பாதிக்கும் நடிகர்


இந்தியில் அதிகம் சம்பாதிக்கும் நடிகர்களின் சல்மான்கான் முதல் இடத்தில் இருக்கிறார். அவர் நடித்த படங்கள் ஒவ்வொரு ஏரியாவிலும் பல கோடிக்கு விலை போவதால் சல்மான்கான் கேட்ட சம்பளத்தை கொடுத்து புதுப்படங்களுக்கு ஒப்பந்தம் செய்ய தயாரிப்பாளர்கள் போட்டி போடுகின்றனர்.

இதனால் சல்மான்கான் சம்பளத்தை உயர்த்தியுள்ளார். படத்தின் லாபத்திலும் பாதியை வாங்குகிறார். ரெடிபடத்துக்கு ரூ.17.5 கோடி சம்பளம் வாங்கியதாக தகவல் வெளியாகி உள்ளது. அந்த படத்தின் லாபத்திலும் பாதியை தரவேண்டும் என்று முன்கூட்டியே ஒப்பந்தம் போட்டாராம்.

மெகாஹிட் ஆன தபாங்இந்திப்படத்துக்கு பின் சல்மான்கானுக்கு ரூ.30 கோடி வரை சம்பளம் கொடுக்க பலர் முன் வந்தனர்.


கற்பழிப்பு காட்சி! தூக்கம் கெட்டுப் போச்சி!! - சமீரா ரெட்டி


ரெட் அலர்ட் படத்தில் கற்பழிப்பு காட்சியில் நடிச்சதால பல நாள் தூக்கமே வரல என்று சமீரா ரெட்டி கூறியிருக்கிறார். பாலிவுட்டில் வெளியான ரெட் அலர்ட் படத்தில் நக்சலைட் பெண்ணாக நடித்திருப்பவர் நடிகை சமீரா ரெட்டி. இந்த படம் குறித்து அவர் அளித்துள்ள பேட்டியில், நக்சலைட்டா நடிக்க ரொம்பவே தயங்கினேன். என் முகத்துல அப்படி ஒரு ரியாக்ஷனைக் காட்ட முடியுமான்னு தெரியல. அப்புறம் ‌டைரக்டர் கொடுத்த தைரியத்துல நடிச்சேன். நிஜமான நக்சலைட் பிரச்னையைப் பற்றி நான் சொல்ல விரும்பல. ஒரு நடிகையா அந்த படத்துல என்னை கற்பழிப்பது போன்ற ஒரு காட்சியில், நடிச்சுட்டு பல நாள் தூக்கமே வரலை. தனிமையில் கண் கலங்கியிருக்கேன். ரெட் அலர்ட் படம் வேறு யாரும் நடிக்கத் தயங்குற நக்சலைட் வேடம். இதை ஏன் என்னை செய்யச் சொல்லணும். ஏதோஒரு விஷயத்துக்கு நான் ரொம்ப சரியா இருப்‌பேன்னு டைரக்டர்கள் நினைக்கிறாங்க. அதே சமயம் ரசிகர்களுக்கு கவர்ச்சி காட்டுறது ஒரு பெரிய குற்றமா நினைக்கல. கவர்ச்சியும் நடிப்பில் ஒரு பகுதிதான், என்று கூறியுள்ளார்.

ரெட் அலர்ட் படத்தில் லட்சுமி என்ற பெண்ணாக சமீரா ரெட்டியை, போலீஸ்காரர்கள் போலீஸ் நிலைய கழிவறையில் வைத்து கற்பழித்து விடுகிறார்கள். அதன் பின்னர் அவர் நக்சலைட் இயக்கத்தில் சேர்த்து பழிவாங்குவதுதான் படத்தின் மொத்த கதையும் என்பது கூடுதல் தகவல்.


"வெறும் நூர் இல்ல. கோகினூர்" -வாலி பாராட்டிய இசையமைப்பாளர்!


நீ வெறும்  நூர் இல்ல. கோகினூர்" என்றாராம் கவிச்சித்தர் வாலி! "உம்மை என்னவோன்னு நினைச்சேன். நீர் ஏழைகளின் ஏ.ஆர்.ரஹ்மானய்யா" என்றாராம் கவிப்பேரரசு வைரமுத்து. இப்படி கவியுலக மாமேதைகளையும் கவர்ந்திருப்பது யார் தெரியுமாவம்சம் படத்தில் அறிமுகமாகி சுமார் அரை டஜன் படங்களுக்கு இசையமைத்துக் கொண்டிருக்கும் இசையமைப்பாளர் தாஜ்நூர்!

கம்பன் வீட்டு கட்டுத்தறி என்பார்கள் அனுபவசாலிகளிடம் பணியாற்றியவர்களை.  தாஜ்நூரும் அப்படிதான். இசையமைப்பாளர் ஏ.ஆர்.ரஹ்மானிடம் 15 ஆண்டு காலம் பணியாற்றிய அனுபவம் இருக்கிறது இவருக்கு. "நான் வெளியில் வந்து இசையமைக்க ஆரம்பிச்சிட்டேன். இருந்தாலும் சார் சென்னைக்கு வந்தா " நூர்... வந்திட்டு போங்க" என்பார். அவர் என் மேல் வச்சுருக்கிற அன்பும் பாசமும் அப்படியேதான் இருக்கு. அதே உரிமையோட இப்பவும் அவர் படத்தின் வேலைகளை செய்ய அழைப்பார். அதுதான் எனக்கு பெருமையா இருக்கு" என்று ரஹ்மான் பற்றி நெகிழ நெகிழ பேசுகிறார்  தாஜ்நூர்.

"ரஹ்மான் சார் ஸ்கூலில்தான் நான் ட்ரெய்னிங் எடுத்துகிட்டேன் என்றாலும் நான் வேற மாதிரி ஸ்டைலில் பயணம் பண்ணனும்னு நினைக்கிறேன். என் முதல் படமான வம்சம் படத்தின் பாடல்கள் தயாரானதும் ரஹ்மான் சாரோட பேமிலிக்குதான் முதலில் போட்டுக் காட்டினேன். அவங்களுக்கு ரொம்ப சந்தோஷம். நல்லாயிருக்குன்னு வாயார பாராட்டினாங்க. கடைசியாக ஒரு சின்ன வெட்கத்தோடும் தயக்கத்தோடும் ரஹ்மான் சாரிடம் போட்டு காட்டினேன். கேட்டுட்டு ரொம்ப பாராட்டினார். அதுமட்டுமில்ல, ' தாஜ்நூர் பெரிய ஆளா வந்திருவாரு போலிருக்கு. இனிமே நாம நினைச்ச நேரத்துக்கு அவரை கூப்பிட முடியுமான்னு தெரியலையே'ன்னாரு சிரிச்சுக்கிட்டே"

"நான் இப்போ இசைமைச்சிருக்கிற 'எத்தன்பட பாடல்களையும் இன்னும் பல பாடல்களையும் நிறைய பேர் பாராட்டுறாங்க. ஆனால் ரஹ்மான் சாரோட மனம் திறந்த அந்த பாராட்டுகளைதான் நான் பொக்கிஷமா நினைக்கிறேன்" என்று குருநாதரின் அண்மையை விட்டு விலகி வரவே முடியாமல் பேசுகிறார்  தாஜ்நூர்.

இவருக்கு முதலில் வெளிவந்த படம் வம்சம். ஆனால் அதற்கு முன்பே கமிட் ஆன படம் ஆயிரம் முத்தங்களுடன் தேன்மொழி. இதை சேரனின் உதவியாளர் ஷண்முகராஜ் இயக்கியிருக்கிறார். நான் ரஹ்மான் சாரிடம் இருக்கும்போதே என்னை வந்து சந்திச்சவர் இவர். ஒரு பாடல் உருவாகி அது டைரக்டர் கைக்கு போன பின்பு நமக்கும் அதுக்கும் சம்பந்தமில்லை என்று ஒதுங்கிக் கொள்வார்கள் இசையமைப்பாளர்கள். ஆனா ஷண்முகராஜ் விஷயத்தில நானும் சரிஅவரும் சரிஅப்படியில்லை. இது படமாவதை கூட நான் ஆர்வமா கவனித்தேன். அவரும் என்னிடம் வெரிகுட் வாங்கணும்னு நினைச்சார்.

"படமும் பாட்டும் பட்டைய கிளப்பும் பாருங்க" என்ற தாஜ்நூர், 'எத்தன்படத்தின் ஸாங் மிக்சிங்கை அமெரிக்காவில் நடத்தினாராம். ச்சும்மாவா.... ரஹ்மானின் வளர்ப்பாச்சே!


மத்திய பட்ஜெட் 2011 : முழு விபரம்


2011-12 நிதியாண்டிற்கான பட்ஜெட்டை மத்திய நிதியமைச்சர் பிரணாப் முகர்ஜி நாடாளுமன்றத்தில் இன்று தாக்கல் செய்தார் இதன் விபரம் வருமாறு : நாட்டின் உணவு பணவீக்கம் அதிகரித்து வருவது கவலை அளிக்கிறது; வேளாண்மை துறை தேவைகளை அதிகரிக்கவும் திட்டமிட்டப்பட்டுள்ளது; நடப்பு நிதியாண்டில் இந்தியாவின் பொருளாதார வளர்ச்சி 9 % ஆக உள்ளது; பொருளாதார நெருக்கடியும் சரி செய்யப்படும்; விவசாய துறையும் 5.4% வளர்ச்சி பெற்றுள்ளது; தொழில்துறை 8.1%, சேவை துறை 9.6 % வளர்ச்சி பெற்றுள்ளது; அரசு துறை வங்கிகளுக்கு கூடுதலாக ரூ.6000 கோடி நிதி வழங்க அனுமதி வழங்கப்படும்; மகளிர் சுயஉதவிக் குழுக்களுக்கு கூடுதல் நிதி ஒதுக்கீடு செய்யப்படும்; வேளாண் துறையில் புதிய திட்டங்கள் அமல்படுத்தப்படும்; கைத்தறி நெசவாளர்களுக்கு நபார்டு வங்கிளுக்கு ரூ.3 ஆயிரம் கோடி ஒதுக்கீடு; புதிய திட்டங்களின் மூலம் 3 லட்சம் ‌நெசவாளர்கள் பயன் பெறுவர்; விவசாயத்தை மேம்படுத்த கூடுதலாக ரூ.7860 கோடி ஒதுக்கீடு; வேளாண்துறையில் தனியார் முதலீடுகளை அதிகப்படுத்த புதிய திட்டங்கள்; உணவு பணவீக்கத்தை கட்டுப்படுத்த உணவு பதப்படும் திட்டங்கள் ஊக்குவிக்கப்படும்; நாட்டின் மேற்கு பகுதியில் பசுமை புரட்சியை அதிகரிக்க கூடுதலாக ரூ.400 கோடி ஒதுக்கீடு; குறிப்பிட்ட தேதிக்குள் கடன்களை திருப்பிச் செலுத்தும் விவசாயிகளுக்கு கடனில் 3 சதவீதம் விலக்கு அளிக்கப்படும்; எண்ணெய் வித்து உற்பத்தியை அதிகரிக்க ரூ.300 கோடி ஒதுக்கீடு செய்யப்படும்; உள்கட்டமைப்பு கடன் பத்திரங்களுக்கு வரி விலக்கு; வீட்டு கடன் தொலை ரூ.20 லட்சத்தில் இருந்து ரூ.25 லட்சமாக அதிகரிக்கப்படும்; விவசாயிகளுக்கு கூடுதல் கடன் திட்டங்கள்; உணவு பாதுகாப்பு மசோதா இவ்வாண்டு முதல் அமல்படுத்தப்படும்; பாரத் நிர்மாண் திட்டங்களுக்கு ரூ.58 ஆயிரம் கோடி ஒதுக்கீடு; கல்வி திட்டங்கள் 24 % அதிகரிக்கப்படும்; பொதுத்துறை திட்டங்களும் அதிகரிக்கப்படும்; 9 மற்றும் 10ம் வகுப்பு பயிலும் எஸ்.சி., எஸ்.டி., மாணவர்களுக்கு ஸ்காலர்ஷிப்பு தொகை அதிகப்படுத்தப்படும்; கல்வித்துறைக்கு ரூ.52 ஆயிரம் கோடி ஒதுக்கீடு; வெளிநாடுகளில் இருக்கும் கறுப்பு பணத்தை மீட்க 5 அம்ச திட்டம் அறிமுகம்; சர்வ சிக்ஷா அபியான் திட்டத்திற்கு ரூ.21 ஆயிரம் கோடி ஒதுக்கீடு; கிராமப்புற தொலைத்தொடர்பு திட்டங்களுக்கு ரூ.1000 கோடி ஒதுக்கீடு; பிபிஎல் ஓய்வூதிய திட்டத்தின் கீழ் வயது வரம்பு தளர்த்தப்படும்; நதிகளை சுத்தம் செய்ய சிறப்பு நிதி ஒதுக்கீடு; அங்கன்வாடி ஊழியர்களுக்கு ஊதியம் ரூ.1500 லிருந்து ரூ.3000 ஆக உயர்வு; முதியோர் ஓய்வூதிய வயது வரம்பு 65 லிருந்து 60 ஆக குறைப்பு; பழங்குடி மக்களுக்கான நிதி ரூ.244 கோடியாக அதிகரிப்பு; புதிய நீதிமன்ற கட்டிடங்களுக்கு ரூ.1000 கோடி நிதி வழங்கப்படும்; இலக்கிய துறைகளுக்கு ரூ.21 ஆயிரம் கோடி ஒதுக்கீடு; 80 வயதிற்கு மேற்பட்ட ஏழைகளுக்கு ஓய்வூதிய தொகை ரூ.500 உயர்வு; நக்சலைட்டு பாதிப்புகளுக்கு உள்ளான பகுதிகளின் மேம்பாட்டிற்கு ரூ.55 கோடி ஒதுக்கீடு; புதிய உர கொள்ளை திட்டங்கள் அறிமுகம்; தனிநபர் வருமானவரி உச்சவரம்பு ரூ.1.6 லட்சத்திலிருந்து ரூ.1.8 லட்சமாக உயர்வு; மூத்த குடிமக்கள் தகுதி பெறுவதற்கான வயது வரம்பு ரூ.60 ஆக குறைப்பு; சேவை வரி மற்றும் சுங்க வரியில் மாற்றம் இல்லை; உள்ளூர் மற்றும் வெளியூர் பயணத்திற்கான சேவை வரி 10% அதிகரிப்பு; உணவு மற்றும் எரிபொருட்களுக்கான சுங்க வரி நீடிக்கும்; அடிப்படை சுங்க வரி 5% உயர்வு; பெண்களுக்கான புதிய வரிவிலக்கு ஏதும் இல்லை; விமான பயணத்திற்கான சேவை வரி உயர்வு;


சூடு பிடிக்கும் தேர்தல்களம் நித்யானந்தா சந்தானம் புதிய கூட்டணி


காமெடி நடிகர் சந்தானம், சர்ச்சைக்குரிய சாமியாரான நித்தியானந்தாவை நேரில் சந்தித்து பேசினார். நடிகை ரஞ்சிதாவுடன் உல்லாசமாக இருப்பது போன்ற வீடியோ காட்சிகள் வெளியாதன் மூலம் சர்ச்சைக்குரிய சாமியார்களின் பட்டியலில் இணைந்தவர் நித்தியானந்தா. ரஞ்சிதா தனது பக்தை என்று கூறி வரும் நித்தி, அவர் மீதான புகார்களை மறுத்து வருகிறார். பெரும் தொகை கேட்டு அரசியல்வாதிகள் சிலர் தன்னை மிரட்டியதாகவும், அதற்கு அடிபணியாததால்தான் அதுபோன்ற போலீ வீடியோ ஒன்றை வெளியிட்டு என்னையும், என் பக்தர்களையும், ஆசிர‌மத்தையும் களங்கப்படுத்தி விட்டனர் என்றும் பேட்டியில் கூறியிருந்தார்.

இதற்கிடையில் நித்தியானந்தாவை தமிழ் சினிமா பிரபலங்கள் பலரும் அவ்வ‌ப்போது சந்தித்து வருகிறார்கள். அந்த வரிசையில் புதிதாக நித்தியானந்தாவை சந்தித்து ஆசி பெற்றிருப்பவர் காமெடி நடிகர் சந்தானம். தமிழ் சினிமா காமெடியர்களில் வேகமாக வளர்ந்து வரும் காமெடி நடிகர் சந்தானம், பெங்களூருவில் நித்தியானந்தா ஆசிரமத்திற்கு சென்று அவரை நேரில் சந்தித்து பேசினார். முப்பொழுதும் உன் கற்பனைகள் என்ற படத்தின் சூட்டிங் பெங்களூருவில் நடந்து வருகிறது. இதில் பங்கேற்பதற்காக ‌அங்கு சென்றிருந்த சந்தானம், சாமியார் நித்தியானந்தாவை நேரில் சந்திக்க விரும்பினார். இதையடுத்து ஆசிரமத்திற்கு சென்று சந்தித்து பேசியிருக்கிறார். சந்தானத்துடன் படத்தின் தயாரிப்பாளர் வெங்கட்டும் சென்றிருந்தார்.
போற போக்கை பார்த்தால் இந்த மாதிரி ஆளுங்க எல்லாம் சேர்ந்து திமுக, அதிமுக விற்கு மாற்றாக மூன்றாவது அணி அமைத்து ஆட்சியை பிடித்தாலும் ஆச்சரியப் படுவதற்கில்லை. ஓட்டு போடத்தான் மானமுள்ள தமிழன் இருக்கானே..!




தமிழுக்காக தெலுங்கை தவிர்த்தார்


தமிழுக்காக தெலுங்கு வாய்ப்பை தவிர்தேன் என்றார் அஞ்சலி. அவர் மேலும் கூறியதாவது: தொடர்ந்து எனது படங்கள் ரசிகர்களின் வரவேற்பை பெறுவது மகிழ்ச்சியாக இருக்கிறது. நான் வெளியூர்போகும்போது என்னை ரசிகர்கள் நடிகையாகப் பார்ப்பதில்லை. தங்கள் குடும்பத்தில் ஒருவராக பார்க்கிறார்கள். நம்பர் ஒன் நடிகை, கவர்ச்சி நடிகை என்பதை தாண்டிய இந்த இமேஜ், எனக்கு பிடித்திருக்கிறது. இந்த ஆண்டு இறுதி வரை எனக்கு தொடர்ச்சியாக படங்கள் இருக்கிறது. அதனால் இரண்டு தெலுங்கு பட வாய்ப்புகளை தவிர்த்தேன். தமிழில் எனக்கு ஏற்ற மாதிரியான கேரக்டர்கள் தொடர்ந்து அமைவதால் மற்ற மொழிகளில் நடிப்பது பற்றி யோசிக்கவில்லை.


83வது ஆஸ்கார் விருதுகள் அறிவிப்பு


83வது ஆஸ்கார் விருதுகள் வழங்கும் விழா லாஸ் ஏஞ்சல்ஸ் நகரில் நடைபெற்றது.

இதில் சிறந்த பின்னணி இசைக்காக இந்திய இசையமைப்பாளர் ஏ.ஆர்.ரகுமானின் பெயர் பரிந்துரை செய்யப்பட்டிருந்தது. இருப்பினும் இவ்வாண்டிற்கான சிறப்பு பின்னணி இசைக்கான விருதை டிரன்ட் ரெஸ்னர் மற்றும் அடிகஸ் ரோஸ் ஆகியோர் ‌பகிர்ந்து கொண்டுள்ளனர்.

இன்ஸைட் ஜாப் சிறந்த ஆவணப் படத்துக்கான ஆஸ்கர் விருதை வென்றது. சார்லஸ் பெர்குசன், ஆட்ரே மார்ஸ் விருதைப் பெற்றுக்கொண்டனர்.


காட் ஆப் லவ் திரைப்படம் சிறந்த குறும்படத்துக்கான ஆஸ்கர் விருதை வென்றது. படத்தின் இயக்குனர் லியூம் மெதானி ஆஸ்கர் விருதை பெற்றுக்கொண்டார்.


சிறந்த அனிமேஷன் குறும்படமாக வால்ட் டிஸ்னியின் டே அன்ட் நைட் ஆஸ்கர் விருதை வென்றது.


நாவலை தழுவிய கதைக்கான ஆஸ்கர் விருது, தி சோஷியல் நெட்வொர்க் படத்துக்கு வழக்கப்பட்டது.


சிறந்த திரைக்கதைக்கான விருதை தி கிங்ஸ் ஸ்பீச் படத்துக்காக டேவிட் ஷீட்லர் பெற்றார்.


சிறந்த வெளிநாட்டு மொழிப் படமாக டென்மார்க்கின் இன் எ பெட்டர் வோர்ல்ட் தேர்வு செய்யப்பட்டது.


தி பைட்டர் படத்தில் நடித்த கிறிஸ்டியன் பாலேவுக்கு துணை நடிகருக்கான விருது வழங்கப்பட்டது.


ஒலித் தொகுப்புக்கான விருது இன்செப்ஷன் படத்துக்காக ரிச்சர்டு கிங்குக்கு வழங்கப்பட்டது.


சிறந்த ஒப்பனைக் கலைஞருக்கான ஆஸ்கர் விருதை ரிக் பேக்கர் பெற்றார்.


சிறந்த உடை வடிவமைப்புக்கான விருது கேலன் ஆட்வுட் பெற்றுக்கொண்டார்.

விருதுகள் பெற்றோர் விவரம்:
சிறந்த நடிகர் - காலின் ஃபிர்த் (தி கிங்ஸ் ஸ்பீச்)
சிறந்த நடிகை - நதாலி போர்ட்மேன் (பிளாக் ஸ்வான்)
இயக்குநர் - டாம் ஹூப்பர் (தி கிங்ஸ் ஸ்பீச்)
இசை (ஒரிஜினல் பாடல்) - டாய் ஸ்டோரி 3
சிறந்த எடிட்டிங் - தி சோஷியல் நெட்வொர்க்
விஷூவல் எபக்ட்ஸ் - இன்செப்ஷன்
பொழுதுபோக்கு டாக்குமென்டரி - இன்சைட் ஜாப்
குறும்படம் (லைவ் ஆக்ஷன்) - காட் ஆப் லவ்
டாக்குமென்டரி - ஷார்ட் சப்ஜெக்ட்- ஸ்டிரேஞ்சர்ஸ் நோ மோர்
காஸ்ட்யூம் வடிவமைப்பு - ஆலிஸ் இன் ஒன்டர்லேண்ட்
மேக்கப் - தி உல்ப்மேன்
ஒலிக் கலவை - இன்செப்ஷன்
இசை (ஒரிஜினல் ஸ்கோர்) - தி சோஷியல் நெட்வொர்க்
சிறந்த துணை நடிகர் - கிறிஸ்டியன் பாலே (தி பைட்டர்)
சிறந்த வெளிநாட்டுப் படம் - இன் எ பெட்டர் வேர்ல்ட் (டென்மார்க்)
திரைக்கதை (ஒரிஜினல்) - தி கிங்ஸ் ஸ்பீச்
திரைக்கதை (தழுவல்) - தி சோஷியல் நெட்வொர்க்
அனிமேஷன் பொழுது போக்குப் படம் - டாய் ஸ்டோரி 3
அனிமேஷன் குறும்படம்- தி லாஸ்ட் திங்
சிறந்த துணை நடிகை - மெலிஸா லியோ (தி பைட்டர்)
ஒளிப்பதிவு - இன்செப்ஷன்
கலை இயக்கம் - ஆலிஸ் இன் ஒன்டர்லேண்ட்
சிறந்த திரைப்படம் - தி கிங்ஸ் ஸ்பீச்



இசையமைப்பாளர்கள் சங்க பொன்விழா: மார்ச் 5-ந் தேதி பிரமாண்ட நிகழ்ச்சி!

திரைப்பட இசைக் கலைஞர்கள் சங்கத்தின் பொன்விழா, சென்னையில் அடுத்த மாதம் (மார்ச்) 5-ந் தேதி நடக்கிறது.

இதுபற்றி சங்கத்தின் தலைவர் கல்யாணசுந்தரம், செயலாளர் சங்கரன், பொருளாளர் ராஜா ஆகிய மூவரும் நிருபர்களுக்கு பேட்டி அளித்தார்கள்.

அவர்கள் கூறுகையில், "திரைப்பட இசைக் கலைஞர்கள் சங்கத்தின் பொன்விழா நிகழ்ச்சி மார்ச் 5-ந் தேதி காலை 10-30 மணிக்கு தொடங்கி, இரவு 11 மணிவரை நடக்கிறது.

விழாவில் 50 இசையமைப்பாளர்கள், பின்னணி பாடகர்-பாடகிகள், 250 இசைக்கலைஞர்கள், டைரக்டர்கள், நடிகர்-நடிகைகள் கலந்துகொள்வார்கள். நட்சத்திர கலைநிகழ்ச்சிகளுடன், இசை நிகழ்ச்சியும் நடைபெறும்.

எம்.எஸ்.விஸ்வநாதன்-ராமமூர்த்தி, இளையராஜா முதல் ஜீ.வி.பிரகாஷ்குமார் வரை அனைத்து இசையமைப்பாளர்களும் அந்த இசை நிகழ்ச்சியில் கலந்து கொள்கிறார்கள்.

எம்.கே.டி.தியாகராஜபாகவதர், டி.ஆர்.மகாலிங்கம் போன்ற மூத்த நடிகர்களின் பாடல்களுடன் இன்றைய நடிகர்களின் பாடல்களும் பாடப்படும். டி.எம்.சௌந்தரராஜன், பி.சுசீலா போன்ற மூத்த பாடகர்-பாடகிகள் முதல் இளைய தலைமுறை பாடகர்-பாடகிகளும் கலந்துகொள்கிறார்கள்.

இதையொட்டி 7 பேர் கொண்ட கமிட்டி அமைக்கப்பட்டுள்ளது. விழா நடைபெறும் இடம் இன்னும் 2 நாட்களில் அறிவிக்கப்படும்,'' என்றனர்.


ஆஸ்கார் வாய்ப்பை இழந்தார் ஏ.ஆர்.ரகுமான்


83வது ஆஸ்கார் விருதுகள் வழங்கும் விழா லாஸ் ஏஞ்சல்ஸ் நகரில் நடைபெற்று வருகிறது. இதில் சிறந்த பின்னணி இசைக்காக இந்திய இசையமைப்பாளர் ஏ.ஆர்.ரகுமானின் பெயர் பரிந்துரை செய்யப்பட்டிருந்தது. இருப்பினும் இவ்வாண்டிற்கான சிறப்பு பின்னணி இசைக்கான விருதை டிரன்ட் ரெஸ்னர் மற்றும் அடிகஸ் ரோஸ் ஆகியோர் ‌பகிர்ந்து கொண்டுள்ளனர்.


மயங்கி விழுந்தார் சமீரா பிரபுதேவா ஷூட்டிங் கேன்சல்


ஷூட்டிங்கில் சமீரா ரெட்டி மயங்கி விழுந்ததால் பரபரப்பு ஏற்பட்டது. விஷால், சமீரா ரெட்டி, விவேக் நடிக்கும் படத்தை பிரபுதேவா இயக்கி வருகிறார். இந்தப் படத்தின் ஷூட்டிங் கடந்த சில நாட்களாக சென்னையில் நடந்து வருகிறது. நேற்றுமுன்தினம் ஷூட்டிங் நடந்தபோது, சமீரா திடீரென்று மயங்கி விழுந்தார். இதையடுத்து அவரை தனியார் மருத்துவமனை ஒன்றுக்கு அழைத்து சென்றனர்.

சிகிச்சை அளித்த டாக்டர்கள், அதிகமான காய்ச்சல் இருப்பதால் ஒருவாரம் ஓய்வு எடுக்க வேண்டும் என்று கூறினர். இதையடுத்து ஷூட்டிங் கேன்சல் ஆனது. இதுபற்றி சமீரா தரப்பில் விசாரித்தபோது, ‘இந்தி, தெலுங்கு படங்களிலும் சமீரா நடித்து வருகிறார். அதோடு கலைநிகழ்ச்சிகளிலும் பங்கேற்கிறார். ஓய்வு இல்லாமல் தொடர்ந்து நடித்துவருவதால் உடல்நலக் குறைவு ஏற்பட்டுள்ளதுஎன்றனர்.


Sunday, February 27, 2011

இந்தியா இமாலய ரன் குவித்தும் போட்டியை சமன் செய்தது இங்கிலாந்த்

உலககோப்பை கிரிக்கெட்: இந்தியா- இங்கிலாந்து போட்டி சமநிலையில் முடிந்தது


உலக கோப்பை கிரிக்கெட் போட்டியில் 11-வது லீக் ஆட்டம் பெங்களூர் சின்னசாமி ஸ்டேடியத்தில் இன்று நடைப்பெற்று வருகிறது. டாஸ் வென்ற இந்திய அணி பேட்டிங் தேர்வு செய்தது. தொடக்க வீரர்களாக ஷேவாக்கும், சச்சினும் களம் இறங்கினர்.   இருவரும் ஆரம்பத்தில் அதிரடியாக விளையா வந்தனர். ஷேவாக் தனது வழக்கமான அதிரடியான ஆட்டத்தை வெளிப்படுத்தினார்.


8-வது ஓவரை பிரெஸ்னென் வீசினார். அந்த ஓவரில் ஷேவாக் பிரையரிடன் கேட்ச் கொடுத்து அவுட் ஆனார். அவர் 26 பந்துகளை சந்தித்து 35 ரன் சேர்த்தார். இதில் 6 பவுண்டரிகளும் அடங்கும்.   அடுத்த வந்த காம்பீர் பொறுப்புடன் விளையாடி வந்தார். மறுமுனையில சச்சின் நிதானமாக விளையாடினார். 15 ஓவர் வரை இந்திய அணி 1 விக்கெட் இழப்பிற்கு 84 ரன் எடுத்தது. நிதானமாக விளையாடி வந்த சச்சின் 50 ரன்னை தொட்டார்.

அதன் பின் சச்சின் அதிரடி ஆட்டத்தை வெளிப்படுத்தினார்.   26-வது ஓவரை சுவான் வீசினார். அந்த ஓவரில் சச்சின் தொடர்சியாக 2 சிக்சர்களை விளாசினார். சச்சினை தொடர்ந்து காம்பீரும் அரை சதம் அடித்தார். அரை சதம் அடித்த சிறிதுநேரத்தில் காம்பீர் 51 ரன்னில் அவுட் ஆனார்.  

பின்னர் களம் வந்த யுவராஜ் பொறுப்புடன் விளையாடி வந்தார். மறுமுனையில் விளையாடிய சச்சின் சதம் அடித்தார். இது இவருக்கு 47-வது சதமாகும். இன்றைய ஆட்டத்தில் சச்சின் பேட்டிங்கில் அனல் பறந்தது. 39-வது ஓவரில் சச்சின் 120 எடுத்திருந்தபோது கேட்ச் கொடுத்து அவுட் ஆனார். இதில் 10 பவுண்டரிகளும் 5 சிக்சர்களும் அடங்கும்.    அடுத்து வந்த டோனி பொறுப்புடன் விளையாடி வந்தார். மறுமுனையில் யுவராஜ் சிங் அரைசதம் அடித்தார்.

அதன்பின் 58 ரன்னில் அவுட் ஆனார். பின் தோனி 31 ரன்னில் அவுட் ஆனார். இதற்கிடையே இந்தியா 45.3 ஓவரில் 300 ரன்னைக் கடந்தது.   இதன் பின் இந்தியா விக்கெட் சரிய ஆரம்பித்தது. 49.5 ஓவரில் 338 ரன் எடுத்து ஆல் அவுட் ஆனது. பதான் (14), கோலி (8), ஹர்பஜன் சிங் (0), ஜாகீர்கான் (4), சாவ்லா (2) ரன்னிலும் அவுட் ஆனார்கள். இங்கிலாந்து தரப்பில் பிரெஸ்னென் 5 விக்கெட் வீழ்த்தினார். 

இதன் பின்னர் களமிறங்கியுள்ள இங்கிலாந்து அணி 50 ஓவரில் 8 விக்கெட் இழப்பிற்கு 338 ரன்கள் எடுத்து. இதனால் ஆட்டம் டிராவில் முடிந்தது.


சினிசேவா விருது பெற்ற 'நர்த்தகி'


தமிழ் சமூகத்தின் மேல் அக்கறையுடன் செயல்பட்டுவரும் எக்ஸ்னோரா இண்டர்நேஷனல் என்கிற தன்னார்வ தொண்டு நிறுவனத்தினர் திரைப்படத் துறையில் சமூகத்தின் மேல் அக்கறைகொண்டு செயல்பட்டு வருபவர்களுக்கு விருதுகள் வழங்கி கவுரவித்து வருகின்றனர். நடிகை மனோரமா, நடிகர் கமல்ஹாசன் போன்றோர்களுக்கு வழங்கப்பட்டிருக்கும் இவ்விருது, 'நர்த்தகி' திரைப்படத்திற்கு வழங்கப்பட்டிருக்கிறது.

புன்னகை பூ கீதா, தயாரித்திருக்கும் இப்படத்தை ஜி.விஜயபத்மா இயக்கியிருக்கிறார். எக்ஸ்னோரா மற்றும் பல தன்னார்வ தொண்டு நிறுவனங்கள் கலந்து கொண்ட இந்நிகழ்ச்சியில் 'நர்த்தகி' திரைபப்டத்தை வியாபார நோக்கில்லாமல் தயாரிக்க முன்வந்ததற்காக தயாரிப்பாளர் புன்னகை பூ கீதாவிற்கும், திருநங்கைகள் பற்றி துணிச்சலான கருத்துக்களை முன்வைத்ததற்காகவும், உலகிலேயே முதன்முறையாக ஒரு திருநங்கையை கதாநாயகியாக நடிக்க வைத்ததற்காகவும், இயக்குநர் ஜி.விஜயபத்மாவிற்கும், வியாபார நோக்கில்லாமல் ஒரு சமூகத்திற்கு செய்யவேண்டும் என்ற நோக்கில் திருநங்கை சமூகத்தின் உணர்வுகளைப் பிரதிபலிக்கும் பாடல்களுக்காவும், முழுக்க முழுக்க இந்திய இசைக்கருவிகளைப் பயன்படுத்தி முழு திரைப்படத்தின் இசையமைப்பையும் வடிவமைத்தற்காக ஜி.வி.பிரகாஷ் குமாருக்கும், திருநங்கைகள் பற்றிய உருக்கமான பாடல்களுக்காக நா.முத்துக்குமாருக்கும் விருதுகள் வழங்கப்பட்டது.


முதல் இடம்


ஏவிஎம் புரொடக்ஷன்ஸ் நிறுவனம் தயாரித்து வரும் `முதல் இடம்' படத்தின் படப்பிடிப்பு தஞ்சாவூர், கும்பகோணம், புதுக்கோட்டை, மன்னார்குடி போன்ற ஊர்களில் நடந்து வருகிறது.

இந்த படத்திற்காக நாயகன் விதார்த்- கீர்த்திசாவ்லா ஆயிரக்கணக்கான ரசிகர்கள் கூட்டத்தோடு ஆடிப்பாடும் "ஊரு ஊரு தஞ்சாவூரு இது ராஜராஜன் ஆண்ட ஊரு'' என்ற பாடல் காட்சியை தஞ்சை பெரியகோயில், அரண்மனை, தஞ்சை முக்கிய வீதிகளிலும் படமாக்கினார்கள்.

விதார்த்- கதாநாயகி கவிதா நாயர் சம்பந்தப்பட்ட காதல் காட்சிகளும், விதார்த்- மயில்சாமி, அப்புக்குட்டி சம்பந்தப்பட்ட காமெடி காட்சிகளும், விதார்த்- பொன்னம்பலம் குழுவினர் சம்பந்தப்பட்ட ஆக்ஷன் காட்சிகளும் படமாக்கப்பட்டு வருகின்றன

ஏவிஎம் நிறுவனம் தயாரித்து வரும் 175-வது படமான `முதல் இடம்' படத்தில் கவிதா நாயர், இளவரசு, மயில்சாமி, `பொல்லாதவன்' கிஷோர், `களவாணி' திருமுருகன், கலைராணி, பொன்னம்பலம், `வெண்ணிலா கபடி குழு அப்புக்குட்டி, மனோபாலா மற்றும் பலர் நடித்து வருகிறார்கள்.

இசை: டி. இமான், ஒளிப் பதிவு: பி. செல்லத்துரை, எடிட்டிங்: வி.டி. விஜயன், சண்டை: திலீப் சுப்பராயன், நடனம்: தினேஷ், பாடல்கள்: அறிவுமதி, கபிலன், யுகபாரதி, தயாரிப்பு நிர்வாகம்: தஞ்சை கே. மோகன், பி. சுரேந்தர். கதை, திரைக்கதை, வசனம், இயக்கம்: ஆர். குமரன். தயாரிப்பு: எம். சரவணன், எம்.எஸ். குகன்.


கவர்ச்சி நடிகை மும்மைத்கானின் புதிய அவதாரம் ...!


கவர்ச்சி நடிகை சோனாவை தொடர்ந்து, மற்றொரு கவர்ச்சி நடிகை மும்மைத்கானும் தயாரிப்பாளராக அவதாரம் எடுத்துள்ளார். தமிழ், தெலுங்கு உட்பட தென் இந்திய சினிமாவில் தன்னுடைய கவர்ச்சியால் ரசிகர்களை கிரங்கடித்தவர் மும்மைத்கான். தமிழில் கந்தசாமி படத்தில் இவர் ஆடிய என் பேரு மீனா குமாரி... என்ற பாடல் மிகவும் பிரபலம். கவர்ச்சியால் சம்பாதித்த பணத்தை எல்லாம் தயாரிப்பில் போட முடிவெடுத்துள்ளார்.

மும்மைத்கான் புதிதாக "ஹவுஸ் சுகர் கேண்டி எண்டர்டெயிமென்ட்ஸ்" எனும் புதிய சினிமா கம்பெனி ஒன்றை தொடங்கியுள்ளார். அத்தோடு தெலுங்கில் பூரி ஜெகநாத் இயக்கத்தில் ஒரு படத்தை தயாரிக்கவும் இருக்கிறார். விரைவில் இதற்கான அறிவிப்பு வெளியிடப்பட இருக்கிறது.


வன்முறை, ஆபாசத்தைத் தூண்டும் 14 டிவி நிகழ்ச்சிகளைத் தடை செய்யக் கோரிக்கை

வன்முறை, ஆபாசம், அறுவெறுப்பைத் தூண்டும் 14 டிவி தொடர்களை தடை செய்யக் கோரி மத்திய செய்தி, ஒலிபரப்புத்துறைக்கு புகார்கள் குவிந்தவண்ணம் உள்ளன.

ஆந்திர முன்னாள் முதல்வர் ராஜசேகர ரெட்டியின் மரணம் குறித்த நிகழ்ச்சியும் இதில் அடக்கம்.

பிரபல கார்ட்டூன் நிகழ்ச்சியான ஷின் சான், பிந்தாஸ் டிவியில் வெளியாகும் எமோஷனல் அத்யாச்சார், பிக் ஸ்கிரீனில் வெளியாகும் சிந்தாமணி, எம்டிவியில் வரும் ஸ்பிளிஸ்ட்ஸ்வில்லி-3, என்டிடிவியில் இடம் பெறும் செரினா வில்லியம்ஸ் தொடரில் இடம் பெறும் அவரது நிர்வாணப் படங்கள், உள்ளிட்டவை இதில் அடக்கம்.

இந்த தொடர்கள் மற்றும் நிகழ்ச்சிகள், வன்முறை, ஆபாசம், அறுவெறுப்பைத் தூண்டும் வகையில் உள்ளதாக குற்றச்சாட்டுக்கள் உள்ளன.

ஜெய்ஹிந்த் டிவியில் இடம் பெறும் லைஸ் ஸ்கெட்சஸ் நிகழ்ச்சி பெண்களை மிகவும் தரக்குறைவாகவும், இழிவாகவும் சித்தரிப்பதாக புகார்கள் குவிந்துள்ளன. ஹங்கமா டிவியில் ஒளிபரப்பாகும் ஷின் சான் கார்ட்டூன் தொடரில் ஆபாசமான வசனங்கள் இடம் பெறுவதாக குற்றச்சாட்டுக்கள் வருகின்றன. தேரே லியே என்ற தொடரில் குறிப்பிட்ட சமுதாயத்தினரை இழிவுபடுத்தும் வகையிலான காட்சிகள் இடம் பெற்றிருப்பதாக குமுறல் வெளியிடப்பட்டுள்ளது.

இந்தப் புகார்கள் குறித்தும், இந்த நிகழ்ச்சிகளைத் தடை செய்வது குறித்தும் அமைச்சகம் பரிசீலித்து வருவதாக தெரிவிக்கப்பட்டுள்ளது.



கர்நாடக முதல்வர் எடியூரப்பாவை உதவிக்கு இழுக்கும் நித்யானந்தா


பெங்களூரை அடுத்து உள்ள பிடுதியில் தியான பீடம் நடத்தி வரும் நித்யானந்தா ஆசிரமத்தை சேர்ந்த அவரது சீடர்கள் 3 பேர், போலீசாரை பணி செய்ய விடாமல் தடுத்ததாக கைது செய்யப்பட்டனர்.

இந்த சம்பவம் குறித்து நித்யானந்தா பிடுதி ஆசிரமத்தில் நிருபர்களுக்கு பேட்டி அளித்தார்.

அப்போது அவர்,  ‘’பெங்களூர் சி.ஐ.டி போலீஸ் துணை சூப்பிரண்டு ராமலிங்கப்பா தலைமையிலான போலீசார் திடீரென்று ஆசிரமத்துக்கு வந்தனர். அவர்கள் என் மீது சுமத்தப்பட்டுள்ள வழக்கில் முக்கிய சாட்சி ஒருவரை மறைத்து வைத்திருப்பதாக கூறி, சோதனை நடத்த வேண்டும் என்று கூறினார்கள். அவர்களிடம் எனது செயலாளர் அடையாள அட்டையை காட்டும்படி கேட்டார். இதுதொடர்பாக ஆசிரம சீடர்களுக்கும், போலீசாருக்கும் வாக்குவாதம் ஏற்பட்டது.



உடனே சி.ஐ.டி. போலீசார் தங்களை பணி செய்யவிடாமல் தடுத்து விட்டதாக கூறி பிடுதி போலீசில் புகார் செய்தனர்.

அதைத்தொடர்ந்து பிடுதி போலீசார் ஆசிரமத்துக்குள் அத்துமீறி நுழைந்து 3 சீடர்களை கைது செய்தனர். அவர்களிடம் கைது வாரண்ட் எதுவும் இல்லை. சட்டத்துக்கு விரோதமாக ஆசிரம சீடர்கள் 3 பேர் கைது செய்யப்பட்டு உள்ளனர்.


சி.ஐ.டி மற்றும் பிடுதி போலீசார் எனக்கும், ஆசிரமத்துக்கும் தொடர்ந்து பிரச்சினை கொடுத்து வருகிறார்கள். வேண்டுமென்றே என் மீது ஏராளமான வழக்குகளை பதிவு செய்து உள்ளனர். போலீசாரின் இந்த செயலை கண்டித்து சிங்கப்பூர், மலேசியா, துபாய் உள்பட 20 நாடுகளில் உள்ள எனது சீடர்கள் உண்ணாவிரதம் மேற்கொண்டு வருகிறார்கள்.


பிடுதி ஆசிரமத்தில் 1,200-க்கும் மேற்பட்ட சீடர்கள் உள்ளனர். அவர்களும் உண்ணாவிரதம் தொடங்கி உள்ளனர். பொது இடத்தில் உண்ணாவிரதம் இருக்க அனுமதி கேட்கப்பட்டு உள்ளது. அனுமதி கிடைத்ததும் எனது சீடர்கள் பொது இடத்தில் உண்ணாவிரதம் இருப்பார்கள்.

மேலும் போலீசார் கொடுத்து வரும் தொடர் பிரச்சனை குறித்து முதல்வர் எடியூரப்பாவை ஆசிரம சீடர்கள் சந்தித்து மனு கொடுக்க உள்ளனர். முதல்-மந்திரி இந்த பிரச்சினையில் தலையிட வேண்டும். அவர் தலையிட்டால் மட்டுமே எனக்கும், ஆசிரமத்துக்கும் போலீசார் கொடுத்து வரும் தொடர் பிரச்சினைகளுக்கு தீர்வு கிடைக்கும். அதுவரைக்கும் ஆசிரம சீடர்கள் போராட்டம் தொடரும்’’ என்று தெரிவித்தார்.



தீபிகா படுகோனே அசின் மோதல்


இந்திப் படமொன்றில் தீபிகா படுகோனேக்கு வந்த வாய்ப்பை அசின் தட்டி பறித்துள்ளார். இதனால் இருவருக்கும் பனிப்போர் நடக்கிறதாம்.

ரஜினியுடன் ஜோடி சேர தீபிகாவுக்கு அழைப்பு வந்துள்ளது. அதே படத்தில் அசினும் வாய்ப்பு பிடித்துள்ளார்.

ஒருவர் மீது ஒருவர் நெருக்கமானவர்களிடம் புகார் கடிதம் வாசித்து வருகின்றனர்

தமிழில் தபாங்

அமீர்கான் நடித்து ரிலீசான தபாங் இந்திப் படம் மெகா ஹிட்டாகி வசூலை குவித்தது. இது தெலுங்கில் பவன் கல்யாண் நடிக்க தயாராகிறது. தமிழிலும் ரிமேக் செய்ய இதன் கதை உரிமையை வாங்க பலத்த போட்டி ஏற்பட்டது.

இறுதியில் உத்தம புத்திரன் பட தயாரிப்பாளர்கள் பாலாஜி ஸ்டூடியோஸ் மோகன் அப்பாராவ், ரமேஷ் தாண்டா இருவரும் பெரிய விலை கொடுத்து வாங்கி விட்டனர். முன்னணி நட்சத்திரங்கள் இதில் நடிக்க ஆர்வப்படுகின்றனர்.