Thursday, June 30, 2011

பிரான்ஸ் அதிபர் சார்கோசி தாக்கப்பட்டார்

 பிரான்ஸ் அதிபர் நிக்கோலஸ் சார்கோசியை ஒருவர் தாக்கி, கீழே தள்ளினார். இதனால் அங்கு பரபரப்பு ஏற்பட்டது.

பிரான்ஸ் அதிபர் நிக்கோலஸ் சார்கோசி தெற்கு பிரான்சி்ல் உள்ள டொலுயீசில் மேயர்கள் கூட்டத்தில் கலந்துகொண்டார். பின்னர் அவர் பிராக்ஸ் நகருக்கு சென்றார்.

அங்கு நின்றுகொண்டிருந்த ஒரு கூட்டத்தை தாண்டிச் செல்கையில் திடீர் என்று ஒருவர் சார்கோசியின் சட்டையைப் பிடித்து இழுத்தார். இதில் சார்கோசி நிலை தடுமாறி கீழே விழுந்தார்.

உடனே அவர் சுதாரித்துக் கொண்டு எழுந்துவிட்டார். இதைப் பார்த்த காவலர்கள் சார்கோசியைத் தாக்கியவைரை கைது செய்தனர். அந்த நபர் ஏன் தாக்கினார் என்று உடனடியாகத் தெரியவில்லை.




இலங்கையில் கொடூர சித்திரவதை-தாயகம் திரும்பிய மீனவர்கள் கண்ணீ

 இலங்கையின் அனுராதபுரம் சிறையில் தாங்கள் கொடூர சித்திரவதைக்கு உள்ளாக்கப்பட்டதாக ராமேஸ்வரம் திரும்பிய 23 தமிழக மீனவர்களும் கண்ணீர் மல்க தெரிவித்தனர்.

கடலுக்குள் மீன் பிடிக்கப் போன ராமேஸ்வரத்தைச் சேர்ந்த 23 மீனவர்களையும், அவர்களது படகுகளையும் இலங்கை கடற்படைக் காடையர்கள் சிறை பிடித்துச் சென்றனர். பின்னர் அவர்கள் கோர்ட்டில் ஆஜர்படுத்தப்பட்டு அனுராதபுரம் சிறையில் அடைக்கப்பட்டனர்.

இந்திய அரசின் தீவிர நடவடிக்கைக்குப் பின்னர் 23 மீனவர்களையும் நேற்று தலைமன்னார் கோர்ட் விடுதலை செய்ய உத்தரவிட்டது. இன்று அவர்கள் ராமேஸ்வரம் திரும்பினர்.

அவர்களுக்கு 23 மீனவர்களின் குடும்பத்தினரும் கண்ணீர் மல்க வரவேற்பு அளித்தனர். பின்னர் செய்தியாளர்களிடம் மீனவர்கள் பேசுகையில், தங்களுக்கு அனுராதபுரம் சிறையில் கொடும் சித்திரவதை நிகழ்த்தப்பட்டதாக பரபரப்புடன் தெரிவித்தனர்.

இதுகுறித்து மீனவர்கள் கூறுகையில், எங்களை சிறையில் கொடூர சித்திரவதைக்குள்ளாக்கினர். எங்களை சங்கிலியில் கட்டி சிறைக்கு இழுத்துச் சென்றனர்.

சிறையில் மன நலம் பாதிக்கப்பட்டவர்களுடன் சேர்த்து அடைத்து வைத்து கொடுமைப்படுத்தினர்.

எங்களை விடுவிக்கும்போது மீண்டும் எல்லை தாண்டி வந்தால் மிகக் கடும் நடவடிக்கை எடுக்கப்படும் என்றும் மிரட்டினர் என்று மீனவர்கள் கூறினர்.




தமிழர்களை ஏமாற்றாதீர்கள் மன்மோகன்-நெடுமாறன் எச்சரிக்கை

தமிழர்களை தொடர்ந்து ஏமாற்றி வருகிறார் பிரதமர் மன்மோகன் சிங். ஈழத் தமிழர்களின் குறைகள் நியாயமானவை என்று அவர் கூறியிருப்பது அவர் நடத்தும் நாடகங்களில் ஒன்று என்று தமிழர் தேசிய இயக்கத் தலைவர் பழ. நெடுமாறன் கூறியுள்ளார்.

இதுதொடர்பாக அவர் வெளியிட்டுள்ள அறிக்கை:
இலங்கைத் தமிழர்களின் குறைகள் நியாயமானவை. அவைத் தீர்க்கப்பட வேண்டும். அங்கு வாழும் தமிழர்களுக்கு சம உரிமை வழங்க வேண்டும் என இந்திய அரசு இலங்கை அரசை நிர்பந்தித்து வருகிறது என பிரதமர் மன்மோகன் சிங் கூறியிருக்கிறார்.

ஆனால் நேற்றைய தினம் இலங்கைத் தமிழர் பிரச்னைக்கு விரைவில் தீர்வு காணுமாறு இந்திய நிர்பந்திக்கவில்லை என்று இலங்கை அதிபர் மகிந்த ராஜபக்சே தெரிவித்திருக்கிறார்.

யார் கூறுவது உண்மை? என்ற சந்தேகம் எழுந்திருக்கிறது. ராஜபக்சே தெரிவித்திருக்கிற கருத்தை இந்தியப் பிரதமர் மறுத்திருக்க வேண்டும். ஆனால் அவர் அவ்வாறு செய்யவில்லை.

இலங்கையில் போர் உச்சக் கட்டமாக நடைபெற்ற வேளையில் போர் நிறுத்தம் செய்யப்பட வேண்டும் என்ற கோரிக்கையை வலியுறுத்தி தமிழக மக்கள் போராடிய போது போர் நிறுத்தம் செய்ய வேண்டும் என இலங்கை அரசுக்குக் கூறியிருப்பதாக பிரதமர் மன்மோகன் சிங் தெரிவித்தார். ஆனால் ராஜபக்சே அதை மறுத்தார். இந்தியா ஒருபோதும் போர் நிறுத்தம் செய்யும்படி கேட்கவில்லை என பகிரங்கமாகக் கூறினார்.

அதைப் போல இலங்கைக்கு ராணுவ ரீதியிலான உதவி எதையும் இந்தியா செய்யவில்லை என பிரதமர் மன்மோகன் சிங் கூறினார். ஆனால் இந்தியா செய்த உதவியால்தான் தாங்கள் வெற்றிபெற முடிந்தது என ராஜபக்சே போர் முடிந்தபிறகு கூறினார்.

இவ்வாறு தங்களைத் தொடர்ந்து ஏமாற்றுவதற்காக பிரதமர் மன்மோகன் சிங் நாடகமாடுவதாக தமிழக மக்கள் கருதுகிறார்கள். எனவேதான் கடந்த சட்டப்பேரவைத் தேர்தலில் காங்கிரஸ்- தி.மு.க. கூட்டணிக்கு மக்கள் பாடம் கற்பித்தார்கள். இன்னமும் தொடர்ந்து தமிழக மக்களை ஏமாற்றும் முயற்சியில் ஈடுபடவேண்டாம் என பிரதமர் மன்மோகன் சிங்கை எச்சரிக்கிறேன் என்று அவர் கூறியுள்ளார்.




பொன்சேகாவுடனான மோதலுக்கு 'ரா' தான் காரணம்- ராஜபக்சே

செய்வதை எல்லாம் செய்து விட்டு, இப்போது ஆப்பில் சிக்கிய குரங்கின் நிலையில் உள்ள இலங்கை சர்வாதிகாரி ராஜபக்சே, தனக்கும், சரத் பொன்சேகாவுக்கும் இடையே பூசல் ஏற்பட, மோதல் ஏற்பட, எதிரிகளாக மாறியதற்கு இந்திய உளவு அமைப்பான ரா தான் காரணம். அது செய்த சதியால்தான் தானும், பொன்சேகாவும் எதிரும் புதிருமாக மாறி விட்டதாக பிதற்றியுள்ளார்.

இன்று இல்லாவிட்டாலும் நாளை கண்டிப்பாக தண்டனை உறுதி என்ற நிலையை நோக்கி ராஜபக்சே கும்பல் போய்க் கொண்டிருக்கிறது. ஈழத்தில் அவர்கள் நிகழ்த்திய கொலை வெறியாட்டத்தைப் பார்த்து சர்வதேச சமுதாயம் படிப்படியாக கவலைக்குள் மூழ்க ஆரம்பித்துள்ளது. ஒட்டுமொத்த சர்வதேசமும் ராஜபக்சே கும்பலுக்கு எதிராக திரளும் நாள் அருகில் இல்லாவிட்டாலும், வெகு தொலைவில் இல்லை என்கிறார்கள்.

காமன்வெல்த் நாடுகள் அமைப்பு, ஐரோப்பிய யூனியன், இங்கிலாந்து என அடுத்தடுத்து இலங்கைக்கு எதிராக பொருளாதாரத் தடைகளை அடுக்கப் போவதாகவும் தகவல்கள் கூறுகின்றன. அமெரிக்க கோர்ட்டில் ராஜபக்சேவுக்கு எதிராக வழக்கு போடப்பட்டுள்ளது. ஆம்னஸ்டி இன்டர்நேஷனல் அமைப்பும் வழக்கு தொடரப் போவதாக கூறப்படுகிறது.

இப்படி அடுக்கடுக்காக சர்வதேச அளவில் ராஜபக்சேவுக்கு எதிராகவும், இலங்கைக்கு எதிராகவும் நெருக்குதல்கள் அதிகரித்து வருவதால் எத்தைத் தின்றால் பித்தம் தெளியும் என்ற நிலையில் குழம்பிப் புலம்பி வருகிறார் ராஜபக்சே.

இந்த நிலையில் சரத் பொன்சேகா மீது திடீர் பாசத்தைக் காட்டுவது போல பேசியுள்ளார் ராஜபக்சே. இருவருக்கும் இடையே பகையை மூட்டி எதிரிகளாக மாற்றியதே இந்தியாவின் உளவு அமைப்பான ரா தான் என்றும் பேசியுள்ளார் அவர்.

இலங்கை ராணுவத்தின் முன்னாள் தளபதிகள் இருவரிடம் பேசிக் கொண்டிருந்தபோதுதான் இப்படிக் கூறினாராம் ராஜபக்சே.

இதுகுறித்து அவர் கூறுகையில், விடுதலைப் புலிகளுடனான யுத்தம் வெற்றி கொள்ளப்பட்டு சிறிது காலத்துக்குள்ளாகவே ராணுவத்தளபதி பதவியிலிருந்து சரத் பொன்சேகாவை நீக்கியது தான் செய்த தவறு. இந்திய உளவுத்துறையின் சதியே அதற்கான காரணம்.

சரத் பொன்சேகா குறித்து இந்திய உளவுத்துறை போலியான தகவல்களை வழங்கி என்னை தவறாக வழிநடத்தி விட்டது. அதன் பின்பு தோ்தலில் போட்டியிடுவதற்காக சரத் பொன்சேகா கூட்டுப் படைகளின் பிரதம அலுவலர் பதவியிலிருந்து ராஜினாமாச் செய்ய முன்வந்த போது அவரது ராஜினாமாவை ஏற்றுக் கொண்டது அதை விடப் பெரும் தவறாகும்.

சரத் பொன்சேகாவின் ராஜினாமாவை ஏற்றுக் கொள்ளாதிருக்கும்படி பாதுகாப்புச் செயலாளர் கோத்தபய ராஜபக்சே எவ்வளவோ வற்புறுத்தியும் இந்தியாவின் அழுத்தங்களை ஏற்று அதனை நான் ஏற்றுக் கொண்டேன்.

அவ்வாறு இல்லாமல் அவரது ராஜினாமாவை ஏற்றுக் கொள்ளாதிருந்தால், காலப்போக்கில் சரத் பொன்சேகாவுடன் இருந்த மனக்கசப்புகளைத் தீர்த்துக் கொண்டிருக்க முடிந்திருக்கும்.

விடுதலைப் புலிகளின் தலைவர் பிரபாகரனின் மரணத்தின் பின் சரத் பொன்சேகா புகழேணியின் உச்சத்துக்கு ஏறியிருப்பதாகவும், அதன் காரணமாக அவர் ராணுவ சதிப்புரட்சி மூலமாக அரசைக் கைப்பற்ற முனைவதாகவும், அவ்வாறான சந்தர்ப்பத்தில் நாட்டில் பெரும்பாலானவர்கள் அவரை ஏற்றுக் கொள்வதற்கான வாய்ப்பு இருப்பதாகவும், உளவுத்தகவல்களை அடிப்படையாகக் கொண்டு என்னை எச்சரித்த இந்திய அதிகாரிகள், பொன்சேகாவின் அதிகாரங்களை உடனடியாக கட்டுப்படுத்துமாறு ஆலோசனை வழங்கினர்.

அதன் பிரகாரம் செயற்பட்டே நான் சரத் பொன்சேகாவின் அதிகாரங்களைக் குறைப்பதற்கான நடவடிக்கைகளை மேற்கொண்டேன்.

ராணுவத்தின் அறுபதாவது ஆண்டு நிறைவுக் கொண்டாட்டத்திற்கு தலைமை தாங்கி விட்டு, 2009 ம் ஆண்டு டிசம்பர் மாதம் 17ம் தேதி தனது பிறந்த நாளுடன் ராணுவ சேவையிலிருந்து ஓய்வு பெற சரத் பொன்சேகா தீர்மானித்திருந்தார். அதன் பின் பதவி நீடிப்பு தொடர்பில் கோரிக்கை முன்வைப்பதில்லை என்று அவர் என்னிடம் தெரிவித்திருந்தார்.

வெளிநாட்டு அழுத்தங்கள் கடுமையாகிக் கொண்டிருக்கும் இவ்வாறான சந்தர்ப்பத்தில் அவரது விலகல் எனக்குப் பெரும் இழப்பாகவே இருக்கின்றது என்று புலம்பினாராம் ராஜபக்சே.

உண்மையில் ஈழத் தமிழ் இனப் படுகொலையில் ராஜபக்சே சகோதரர்களுக்கு எவ்வளவு பங்கு உள்ளதோ அதே அளவிலான பங்கு பொன்சேகாவுக்கும் உள்ளது என்பது குறிப்பிடத்தக்கது.

தற்போது ராஜபக்சே புலம்புவதைப் பார்த்தால் பொன்சேகாவை தன் பக்கம் மீண்டும் சேர்த்துக் கொண்டு இந்தியாவுக்கு எதிராக மாறி, சர்வதேச நெருக்கடிகளை சமாளிக்கும் வழிகளைக் காண முயற்சிப்பாரோ என்ற தோற்றம் ஏற்பட்டுள்ளது.




ராஜபட்சேவுக்கு எதிராக சீமான் தேர்தலில் போட்டியிடலாம்: நடிகர் எஸ்.வி. சேகர்


நடிகரும் மயிலாப்பூர் தொகுதி முன்னாள் எம்எல்ஏவுமான எஸ்.வி.சேகர், ஈரோடு மாவட்டம், பவானி கூடுதுறைக்கு வந்தார். அப்போது செய்தியாளர்களிடம் பேசிய அவர்,

இயக்குனர் சீமான் இங்கிருந்து இலங்கை அதிபர் ராஜபக்சேவை எதிர்த்து குரல் கொடுத்து கொண்டு இருக்கிறார்.

காங்கிரஸ் கட்சியை எதிர்த்துப் பிரச்சாரம் செய்து வரும் இயக்குநர் சீமான், இலங்கை சென்று அதிபர் ராஜபட்சேவுக்கு எதிராக பிரசாரம் செய்வதோடு, அவரை எதிர்த்து தேர்தலில் போட்டியிட்டு வெற்றி பெறலாம்.

காங்கிரசை யாரும் அழிக்க முடியாது. சட்டமன்ற தேர்தலில் தி.மு.க.வுடன் கூட்டணி வைத்திருந்ததை மக்கள் ஏற்றுக்கொள்ளவில்லை. இதனால்தான் வீழ்ச்சி ஏற்பட்டது.

பெரும்பாலான வாக்காளர்கள் மாற்றத்தையே விரும்பினர். இதனால்தான் ஜெயலலிதாவை முதல் அமைச்சராக்கி உள்ளார்கள். சிறப்பாக செயல்பட்டு வரும் அதிமுக அரசு, கடந்த 2001 06ம் ஆண்டு போல ஆட்சி செய்யும் என்றார்.


உதயன் நாயகி விஜய்யுடன் இணைகிறாராம்!


கடந்த ஆட்சியில் வந்திருந்தால் கதையே வேறு. ஆட்சி மாறியதால் முன்னாள் முதல்வரின் பேரன் அருள்நிதி நடித்த உதயன் திரைப்படம், தியேட்டர்களில் தள்ளாட்டம் போட்டுக் கொண்டிருக்கிறது. பல தியேட்டர்களில் படத்தையே தூக்கிவிட்டார்கள். இத்தனைக்கும் ஒரு கமர்ஷியல் படத்திற்குண்டான அத்தனை அசத்தல்களையும் உள்ளடக்கிய படம்தான் அது.

இத்துப்போன கிளையா இருந்தாலும், இலந்தை பழம் ருசி என்பது போல படம் ஓடாவிட்டாலும், இப்படத்தின் நாயகியான பிரணதிதாவை பார்த்து பெருமூச்செரிந்தது திரையுலகம். மலைத் தேனையும் மைதா மாவையும் பிசைந்து செய்த மாதிரி இருக்கிறாரே என்றும், அந்த சிரிப்பை பார்த்துகிட்டே சீமெண்ணையை கூட குடிக்கலாம் என்றும் வசனம் பேசியே வளைந்து நெளிந்தது.

அதற்குள் ரிசர்வேஷன் கூப்பனோடு நின்றார்கள் சில இயக்குனர்கள். ஆனால் இவர்களில் டாப் யாரோ, அவர் வந்தால்தான் கால்ஷீட் என்று காத்திருந்தார் பிரணதிதா. அதற்கான பலனும் கிடைத்திருக்கிறது. ஏ.ஆர்.முருகதாஸ்-விஜய் இணையும் படத்தில் பிரணதிதாவே ஹீரோயினாக இருக்கலாம்!



வேங்கையை வாங்கிய திமுக விவிஐபி


மேலே பாய்ந்த வேங்கையை மெல்ல மெல்ல பூனையாக்கிவிட்டார் ஹரி. பாலா என்ற புதிய டைரக்டருக்கும் ஏராளமான வெற்றிப்படங்களை கொடுத்த டைரக்டர் ஹரிக்கும் வேங்கை டைட்டில் விஷயத்தில் மோதல் ஏற்பட்டது. ஒரே டைட்டிலுக்கு இருவரும் உரிமை கொண்டாடினார்கள். வருகிற 7ந் தேதி படத்தை வெளியிட திட்டமிட்டிருந்தார்கள் ஹரியும் இப்படத்தை தயாரித்த விஜயா புரடக்ஷனும். 8ந் தேதிதான் வெள்ளிக்கிழமை. படங்களை வெளியிடுவது இந்த கிழமையில்தான் நடக்கும். ஆனால் ஒருநாள் முன்னதாகவே இவர்கள் வருவதற்கு காரணம், மேற்படி தேதியில் அஷ்டமி வருவதால்தானாம்.

ஆனால் அதற்கு முன்பே வேறொரு அஷ்டமி கோர்ட் வாசலில் நின்றது. வேங்கை தலைப்பை ஹரி பயன்படுத்தக் கூடாது என்று வழக்கு தொடரப்பட்டது. இவ்வழக்கை தீர விசாரித்த நீதிமன்றம் வேங்கை தலைப்பை ஹரி இயக்கும் படத்திற்கு வைத்துக் கொள்ளலாம் என்று உத்தரவிட்டிருக்கிறது.

இதையடுத்து ரிலீஸ் வேலையை முடுக்கி விட்டிருக்கிறார்களாம். மதுரை, டி.கே இரு ஏரியாக்களையும் ஏற்கனவே விற்பனை செய்துவிட்ட காரணத்தால், மற்ற ஏரியாவை மட்டும் பெரிய விலை கொடுத்து வாங்கியிருக்கிறாராம் ஒரு திமுக விவிஐபி. இவர் ஒரு மத்திய அமைச்சரும் கூட!

அதிருக்கட்டும்... இந்த படம் வந்தால் தனது சம்பளத்தை ஏழு கோடிக்கு உயர்த்தும் முடிவிலிருக்கிறாராம் தனுஷ்.



ராணாவில் வடிவேலு இருக்காரா? கே.எஸ்.ரவிகுமார் பதில்


ராணாவில் வடிவேலுவும் இருக்க வேண்டும் என்று ரஜினி விரும்புவதாக தகவல்கள் பரவிக்கிடக்கின்றன. பொழுதை போக்குவதற்காக அடிக்கடி சிங்கப்பூர், மலேசியா சென்று தங்கிவிட்டு வரும் வடிவேலு, இந்த செய்தியை கேட்டு சந்தோஷப்பட்டிருப்பார். ஆனால் அதற்குள் கருகல் வாசனை!

வடிவேலுவையும் படத்தில் சேர்க்க வேண்டும் என்று ரஜினி விரும்புகிறாரே? இவ்வாறு கே.எஸ்ரவிகுமாரிடம் கேள்வி எழுப்பப்பட்டது. இதற்கு பதிலளித்தவர் சொன்ன வார்த்தைகளில்தான் மேற்படி கருகல் ஸ்மெல். அப்படியா? இதுபற்றி ரஜினி சார் என்னிடம் எதுவும் சொல்லல. இப்போதைக்கு அவர் குணமாகி விரைவில் சென்னைக்கு திரும்பணும். அதுதான் எங்க ஒரே சிந்தனையா இருக்கு. விரைவில் அவரை சந்திக்க சிங்கப்பூர் செல்கிறேன். வடிவேலு விஷயத்தை பற்றி இப்போது எதுவும் சொல்ல முடியாது என்று கூறியிருக்கிறார்.

மாப்பு... மறுபடியும் வச்சுட்டாங்களே ஆப்பு



விஜய்யிடம் விசேஷ மாற்றம்?


முன்பொரு முறை பிரஸ்மீட் ஒன்றில் டைரக்டர் தரணி சொன்ன வார்த்தைகள் இது. விஜய் சாரிடம் கதை சொல்லப் போகும்போது அவரது முகத்தையே பார்த்துக் கொண்டிருப்பேன். விழுந்து விழுந்து சிரிக்கிற காட்சிகளில் கூட மிக அமைதியாக புன்னகைப்பார். அதுவே எனக்கு பெரிய திருப்தியாக இருக்கும். அவர் இப்படி சிரித்துவிட்டால், தியேட்டரில் அத்தனை பேரும் விழுந்து விழுந்து சிரிப்பார்கள் என்று அர்த்தம். தரணியின் இந்த வார்த்தைகளை அதே அமைதியோடு கேட்டுக் கொண்டிருந்தார் விஜய்யும்.

அப்படிப்பட்டவரிடம் இன்று பெரிய மாற்றம் வந்திருப்பதாக சந்தோஷப்படுகிறார்கள் திரையுலகத்தில். தன்னிடம் வந்த மிக முக்கியமான கதைகளை கூட வேண்டாம் என்று திருப்பி அனுப்பியவர் அவர். சிங்கம் படத்தின் கதையை முதலில் விஜய்யிடம்தான் சொன்னார் ஹரி. காக்க காக்க கதையை கூட முதலில் இவரிடம்தான் சொன்னார் கவுதம். கஜினி மட்டும் என்னவாம்? முருகதாஸ் முதலில் வந்ததே விஜய்யிடம்தான். அயன் கதையின் நாயகனாக கேவிஆனந்தின் மனதில் சித்தரிக்கப்பட்டவரும் இவரேதான். இப்படியெல்லாம் தேடி வந்த கதைகளையும் இயக்குனர்களையும் ஏதோ சில காரணங்களால் மறுதலித்த விஜய், தற்போது அடியோடு மாறியிருக்கிறார்.

கடந்த சில வாரங்களாக மேற்படி இயக்குனர்கள் அத்தனை பேரையும் தனித்தனியே தன் வீட்டிற்கு அழைத்தாராம். மனம் விட்டு பேசியவர், தனது அன்பை பலப்படுத்தும் வகையில் அவர்களுக்கு விருந்தும் அளித்தாராம். விஜய்யின் இந்த வியத்தகு மாற்றம், இன்டஸ்ட்ரி முழுக்க கசிந்து எல்லாரையும் இன்பத்தில் ஆழ்த்தியிருக்கிறது.


விரைவில் 'சுகோயில்' பறக்கவிருக்கும் சச்சின், டோணி

 நட்சத்திர கிரிக்கெட் வீரர்களான சச்சினும், டோணியும் விரைவில் விமானப் படையின் எஸ்யூ-30 எம்கேஐ பைட்டர் ஜெட்களில் பறக்கவிருக்கின்றனர்.

இது குறி்த்து இந்திய விமானப் படை அதிகாரிகள் கூறுகையில், "சச்சின், டோணி ஆகிய 2 பேரையும் எஸ்யூ-30 விமானத்தில் அழைத்துச் செல்லும் எங்கள் திட்டத்திற்கு பாதுகாப்பு அமைச்சகம் ஒப்புதல் அளித்துள்ளது. ஆனால் அவர்கள் பயணிக்கும் தேதி இன்னும் முடிவாகவில்லை. அவர்கள் இருவருக்கும் எப்பொழுது வசதி என்று கேட்ட பிறகே முடிவு செய்யப்படும் என்றனர்.

சச்சினையும், டோணியையும் பைட்டர் ஜெட்டில் அழைத்துச் செல்ல அனுமதி கேட்டு இந்திய விமானப் படை அரசிடம் மனு அளித்தது.

இந்த ஆண்டு உலகக் கோப்பையை இந்திய அணி வென்ற பிறகு சச்சினையும், டோணியையும் எஸ்யூ-30 எம்கேஐ பைட்டர் ஜெட்டில் அழைத்துச் செல்ல அரசிடம் அனுமதி கேட்கப்போவதாக இந்திய விமானப் படை தளபதி ஏர் மார்ஷல் பி.வி. நாயக் கூறியிருந்தார்.

சச்சின் டெண்டுல்கர் ஏற்கனவே எங்கள் குழுவின் கௌரவ தலைவராக உள்ளார். சச்சின், டோணி ஆகிய இருவருக்கும் நேரம் கிடைக்கையி்ல் அவர்களை நிச்சயமாக பைட்டர் ஜெட்டில் அழைத்துச் செல்வோம். அவர் நாட்டிற்கு பெருமை தேடித்தந்தவர்கள். அவர்களை அழைத்துச் செல்வதில் எங்களுக்கு பெருமை என்று அவர் மேலும் தெரிவித்திருந்தார்.

தற்போது மேற்கிந்திய தீவுகளுக்கு எதிரான டெஸ்ட் போட்டியில் டோணி விளையாடுகிறார். சச்சின் சொந்த விஷயமாக இங்கிலாந்து சென்றுள்ளார்.

இந்த பைட்டர் ஜெட்டில் முன்னாள் குடியரசுத் தலைவர் கலாமும், தற்போதைய குடியரசுத் தலைவர் பிரதீபா பாட்டீலும் சென்றுள்ளனர்," என்பது குறிப்பிடத்தக்கது.




அரசியல்வாதிகளெல்லாம் வெளியே போங்கப்பா- ஐசிசி அதிரடி!

அரசியல்வாதிகளாக இருப்போர், தேசிய கிரிக்கெட் வாரியங்களில் பொறுப்புகளை வகிக்க சர்வதேச கிரிக்கெட் கவுன்சில் அதிரடி தடை விதித்துள்ளது.

தேவையில்லாமல் அரசியல் தலையீடுகள் கிரிக்கெட் வாரியங்களில் நுழைவதைத் தடுக்கும் வகையில் இந்த நடவடிக்கையை ஐசிசி எடுத்துள்ளது. இதனால் அதிகம் பாதிக்கப்படுவது இந்திய கிரிக்கெட் வாரியமாகத்தான் இருக்கும். இங்குதான் தடுக்கி விழுந்தால் அரசியல் கிரிக்கெட் பொறுப்பாளர்கள் நிறையப் பேர் உள்ளனர்.

இகதுகுறித்து ஐசிசி வெளியிட்டுள்ள அறிக்கையில், ஹாங்காங்கில் நடந்த ஐசிசி வருடாந்திர மாநாட்டில், கிரிக்கெட்டை அரசியல் சார்பற்ற, களங்கமற்ற விளையாட்டாக மாற்ற தீர்மானிக்கப்பட்டது.

அதன்படி தேசிய கிரிக்கெட் வாரியங்களில் அரசியல்சார்புடையவர்களை பொறுப்புகளில் நியமிக்கக் கூடாது என்று உத்தரவிடப்படுகிறது. இந்த மாநாட்டில் எடுக்கப்பட்ட இது உள்ளிட்ட முடிவுகளை 2012ம் ஆண்டு ஜூன் மாதம் முதல் 2013 ஜூன் மாதத்திற்குள் அமல்படுத்திடவும் அனைத்து நாடுகளின் கிரிக்கெட் வாரியங்களும் ஒப்புக் கொண்டுள்ளன என்று தெரிவிக்கப்பட்டுள்ளது.

இதன் மூலம் எந்த ஒரு நாட்டின் கிரிக்கெட் வாரியமாவது அரசியல் சார்புடையவர்களை பொறுப்பில் நியமித்தாலோ அல்லது எந்த ஒரு நாட்டின் அரசு நிர்வாகத்தின் குறுக்கீடு கிரிக்கெட் வாரியத்தின் நடவடிக்கைகளில் குறுக்கிட்டாலோ, அந்த நாட்டின் கிரிக்கெட் வாரியத்தை சஸ்பெண்ட் செய்யும் நடவடிக்கையை ஐசிசி மேற்கொள்ளும்.

இந்த நடவடிக்கையால் இந்தியா, பாகிஸ்தான், வங்கதேசம், இலங்கை ஆகிய நாடுகளின் கிரிக்கெட் வாரியங்களுக்குத்தான் பாதிப்பு ஏற்படும் என கருதப்படுகிறது. இந்திய கிரிக்கெட் வாரியத்தின் தலைவராக தற்போது சஷாங் மனோகர் உள்ளார். அவர் அரசியல் சார்பற்றவர். அதேசமயம், காங்கிரஸ் மற்றும் பாஜக தொடர்புடையவர்கள் சிலர் முக்கியப் பொறுப்புகளில் உள்ளனர்.

அதேசமயம், பாகிஸ்தான் கிரிக்கெட் வாரியம்தான் கடும் பாதிப்பை சந்திக்கும். அந்த நாட்டின் கிரிக்கெட் வாரிய காப்பாளராக அதிபர் சர்தாரி இருக்கிறார். அதேபோல இலங்கை, வங்கதேச கிரிக்கெட் வாரியங்களிலும் அந்த நாட்டின் அரசியல்வாதிகள் பலர் நேரடித் தொடர்பு வைத்துள்ளனர்.

இருப்பினும் இந்த அதிரடி நடவடிக்கை அவசியமானதே என்று ஐசிசியின் தலைமை தலைமை செயலதிகாரி ஹாரூன் லோர்காட் தெரிவித்துள்ளார். இதுகுறித்து அவர் கூறுகையில், தற்போது சர்வதேச கால்பந்து சங்கமான ஃபிஃபா அரசியல் சார்பற்ற அமைப்பாக உள்ளது. அதேபோல உறுப்பு நாடுகளின் கால்பந்து வாரியங்கள் அரசியல் சார்புடன் செயல்பட்டால் உடனடியாக அவை சஸ்பெண்ட் செய்யப்படும். அதேபோலத்தான் பிற சர்வதேச விளையாட்டு அமைப்புகளும் உள்ளன. அதே போல தேசிய கிரிக்கெட் வாரியங்களை மாற்றும் நடவடிக்கையே இது என்றார்.




ஸாரி, இன்னிக்கு ரீசார்ஜ் கிடையாது!

 ரீசார்ஜ் கமிஷன் தொகையை செல்போன் நிறுவனங்கள் குறைத்துள்ளதைக் கண்டித்து சென்னை மற்றும் புறநகர்களில் செல்போன் விற்பனையாளர்கள் ஸ்டிரைக்கில் குதித்துள்ளனர். இதனால் ரீசார்ஜ் செய்வது பாதிக்கப்பட்டுள்ளது.

ரீ-சார்ஜ் மற்றும் புதிய இணைப்பு விற்பனைக்கு ஏர்செல், ஏர்டெல், வோடாபோன் போன்ற நிறுவனங்கள் தங்கள் முகவர்களுக்கு இதுவரை கொடுத்து வந்த கமிஷன் தொகையைக் கணிசமாகக் குறைத்துவிட்டன.

இதுவரை 3.8 சதவீதமாக இருந்து வந்த கமிஷன் தொகையை தற்போது 3.3 சதவீதமாக குறைத்துள்ளனர். இதற்கு செல்போன் விற்பனையாளர்கள் மற்றும் செல்போன் நிறுவன ஏஜென்டுகள் கடும் எதிர்ப்பு தெரிவித்துள்ளனர்.

இந்த கமிஷன் குறைப்புக்குக் கண்டனம் தெரிவிக்கும் வகையில் இன்று கடையடைப்புப் போராட்டம் நடத்தப்படும் என அறிவிக்கப்பட்டிருந்தது. மேலும், இன்று ரீசார்ஜ் செய்யப்பட மாட்டாது என்றும் அவர்கள் அறிவித்தனர். அதன்படி இன்று காலை முதல் ஸ்டிரைக் நடந்து வருகிறது.

புதிய செல்போன் இணைப்பு விற்பனை, ரீசார்ஜ் ஆகிய பணிகளை அவர்கள் மேற்கொள்ளவில்லை. இதனால் ரீசார்ஜ் தேடி கடைகளுக்கு வருவோர் ஏமாந்து செல்கின்றனர்.

மாலை 6 மணி முதல் இந்த ஸ்டிரைக் நடைபெறும் என அறிவிக்கப்பட்டுள்ளது.




உப்பு என்ற போர்வையில் 10,000 கிலோ வெடிபொருள் கடத்தல்!

உப்பு என்ற போர்வையில் கண்டெய்னர் நிறைய 10,000 கிலோ அம்மோனியம் நைட்ரேட் வெடிபொருட்களை அனுப்பி அதை சென்னையிலிருந்து கப்பல் மூலம் அந்தமானுக்கு அனுப்பியது கண்டுபிடிக்கப்பட்டுள்ளது. இதுதொடர்பாக சிவகங்கையைச் சேர்ந்த அப்பாஸ் என்பவரை அந்தமான் போலீஸார் கைது செய்துள்ளனர்.

சென்னையிலிருந்து ஒரு சரக்குக் கப்பலில் கண்டெய்னர் ஒன்று அனுப்பப்பட்டது. அதில் உப்பு ஏற்றப்பட்டிருப்பதாக பதிவு செய்யப்பட்டு அனுப்பியுள்ளனர். கண்டெய்னர் அந்தமானுக்கு வந்து இறங்கிய பின்னர் அதைப் பார்த்த அதிகாரிகள் அதிர்ச்சி அடைந்தனர்.

காரணம் அதில் உப்பு இல்லை. மாறாக, பெருமளவில் வெடி்பொருட்கள் இருந்தது தெரிய வந்தது. இதையடுத்து அவற்றை அதிகாரிகள் கணக்கெடுத்தனர். 6000 டெட்டனேட்டர்கள், 300 ஜெலட்டின் குச்சிகள் உள்பட 10 ஆயிரம் கிலோ அம்மோனியம் நைட்ரேட் வெடிபொருள் அதில் இருந்தது.

இதையடுத்து அந்தமான் போலீஸ் குழுவினர் சென்னை விரைந்துள்ளனர். விசாரணை நடத்தியதில் இந்தப் பொருட்களை கப்பல் மூலம் அனுப்பி வைத்தது சிவகங்கையைச் சேர்ந்த அப்பாஸ் என்று தெரிய வந்தது. இதையடுத்து அவரை போலீஸார் கைது செய்தனர்.

அவரிடம் நடத்திய விசாரணையில் சில தகவல்கள் கிடைத்துள்ளன. இதையடுத்து வேலூர் மற்றும் சென்னையில் அந்தமான் போலீஸாரும், தமிழக கியூ பிரிவு போலீஸாரும் இணைந்து தீவிர விசாரணையில் இறங்கியுள்ளனர்.

மேலும் சிலர் இந்த வழக்கு தொடர்பாக கைது செய்யப்படக் கூடும் என்று எதிர்பார்க்கப்படுகிறது.






2ஜி ஊழல்-அப்ரூவராவாரா கனிமொழி?

 திமுக தலைவர் கருணாநிதியின் மகள் கனி்மொழி, திஹார் சிறையிலிருந்து இப்போதைக்கு வெளியே வருவதற்கு ஒரே ஒரு வழிதான் உள்ளது. அது, வழக்கில் அவர் அப்ரூவராக வேண்டும். அப்படி ஆக முடிவு செய்தால் அவருக்கு உடனடியாக ஜாமீன் கிடைக்க வழி உள்ளது.

ஆனால் கனிமொழி அப்ரூவர் ஆவார் என்பது சந்தேகம்தான். கடந்த 2 மாதங்களாக திஹார் சிறையில் வாடி வருகிறார் கனிமொழி. 2ஜி ஸ்பெக்ட்ரம் ஊழலில் கலைஞர் டிவிக்கு கிடைத்த ரூ. 204 கோடி கடன் தொகை தொடர்பாக அவரும், கலைஞர் டிவி நிர்வாக இயக்குநர் சரத்குமார் ரெட்டியும் சிறையில் அடைக்கப்பட்டுள்ளனர்.

அவர் இதுவரை தாக்கல் செய்த 3 ஜாமீன் மனுக்களும் தள்ளுபடியாகி விட்டன. வழக்கில் குற்றச்சாட்டுப் பதிவு செய்த பின்னர், விசாரணை நீதிமன்றமான சிபிஐ கோர்ட்டை அணுகுமாறு கனிமொழிக்கு உச்சநீதிமன்றம் அறிவுறுத்தியுள்ளது. அதுவரை அவரால் வெளியே வர முடியாத நிலை.

இந்த நிலையில் வழக்கில் அப்ரூவராக கனிமொழி முடிவு செய்தால் அவருக்கு ஜாமீன் உடனடியாக கிடைக்கலாம் என்று கூறப்படுகிறது. ஆனால் கனிமொழி அப்படிச் செய்வார் என்பதும் சந்தேகம்தான்.

அப்ரூவராக கனிமொழி முடிவு செய்தால் அது திமுகவுக்கு பெரும் பாதிப்பையே ஏற்படுத்தும் என்பதால் அதுகுறித்து ஒன்றுக்கு நான்கு முறை கனிமொழியும், கருணாநிதி குடும்பத்தினரும் யோசிக்கலாம் என்று தெரிகிறது.

அதேசமயம், கனிமொழி அப்ரூவராக மாறி, மத்திய அரசுக்கு தர்மசங்கடத்தை ஏற்படுத்தும் வகையில் பல தகவல்களை வெளியிட்டால் அது காங்கிரஸுக்கு பெரும் சிக்கலை ஏற்படுத்தக் கூடும் என்பதால் கனிமொழி அப்ரூவராக மாறக் கூடிய வாய்ப்புகளையும் மறுப்பதற்கில்லை என்று கூறப்படுகிறது.




பிரதமரை சந்தி்த்தார் தயாநிதி மாறன்: பதவியை ராஜினாமா செய்வாரா?

 மத்திய ஜவுளித்துறை அமைச்சர் தயாநிதி மாறன் இன்று டெல்லியில் பிரதமர் மன்மோகன் சிங்கை சந்தித்து பேசினார். இன்னும் ஓரிரு நாட்களில் அமைச்சரவை மாற்றியமைக்கப்படவுள்ள நிலையில் இந்த சந்திப்பு நடந்துள்ளது. இருப்பினும் தனது துறை தொடர்பாக பிரதமரை சந்தித்துப் பேசியதாக தயாநிதி மாறன் கூறியுள்ளார்.

2ஜி ஸ்பெக்ட்ரம் ஒதுக்கீட்டில், ஏர்செல் நிறுவனத்திற்கு சாதகமாக நடந்து கொண்டதாக பெரும் சர்ச்சையில் சிக்கியுள்ளார் தயாநிதி மாறன். மேலும் பிஎஸ்என்எல் தொலைபேசி இணைப்புகளை அவர் தவறாக பயன்படுத்தியதாகவும் பழைய சர்ச்சை மீண்டும் விஸ்வரூபம் எடுத்துள்ளது.

இதைத் தொடர்ந்து தயாநிதி மாறன் பதவி விலக வேண்டும் இல்லாவிட்டால் அவரை பிரதமர் டிஸ்மிஸ் செய்ய வேண்டும் என்ற கோரிக்கையும் எழுந்துள்ளது. தயாநிதி மாறனும் இதுவரை தனது பதவியை ராஜினாமா செய்யவில்லை, பிரதமரும் அவர் பதவியை பறிக்கவில்லை.

இந்நிலையில் இன்று தயாநிதி மாறன் பிரதமர் மன்மோகன் சிங்கை டெல்லியில் சந்தித்து பேசினார். இன்னும் ஓரிரு நாட்களில் அமைச்சரவை மாற்றியமைக்கப்படவுள்ள நிலையில் நடந்துள்ள இந்த சந்திப்பு முக்கியத்துவம் பெறுகிறது. ஏற்கனவே அமைச்சரவை மாற்றியமைக்கப்படும்போது தயாநிதி மாறனின் பதவி பறிக்கப்படும் என்று கூறப்படுகிறது.

இந்நிலையில் தயாநிதி மாறன் எதற்காக பிரதமரை சந்தி்த்தார், அவர்கள் என்ன பேசிக் கொண்டார்கள் என்று அரசியல் வட்டாரத்தில் பரபரப்பாக பேசப்படுகிறது. பிரதமர் நீக்கும் முன் தானாக ராஜினாமா செய்வாரா மாறன் என்று எதிர்பார்ப்பு வலுத்துள்ளது.

அதேசமயம், தனது சந்திப்பில் எந்த அரசியல் முக்கியத்துவமும் இல்லை என்றும் துறை ரீதியான அலுவல் தொடர்பாகவே பிரதமரை சந்தித்துப் பேசியதாகவும் தயாநிதி மாறன் விளக்கியுள்ளார்.




சீனாவின் ஒப்பிடுகையில் நாம் சுண்டைக்காய்- மன்மோகன்

சீனாவின் ஆயுத பலத்துடன் ஒப்பிடுகையில் இந்தியா மிகவும் பின் தங்கியுள்ளது என்று பிரதமர் மன்மோகன் சிங் கூறியுள்ளார்.

நேற்று நாளிதழ்களின் ஆசிரியர்களை சந்தித்துப் பேசினார் மன்மோகன் சிங். அப்போது அவர்களிடம் சீனாவின் ராணுவ பலம் குறித்தும் கூறினார். அதுகுறித்து மன்மோகன் கூறுகையில், நம்மை விட ராணுவ பலத்தில் சீனா பல மடங்கு முன்னணியில் உள்ளது. தற்போது அவர்களது கடற்படை மிகவும் அதி நவீனமாகியுள்ளது. விமானம் தாங்கி போர்க்கப்பல்களை நிறைய கொண்டுள்ளனர்.

நமது ராணுவ ரீதியிலான பலத்துடன் அவர்களை ஒப்பிட முடியாது. நாம் நிறைய பின்தங்கியுள்ளோம். இப்போதுதான் ஒவ்வொன்றாக ஆரம்பித்துக் கொண்டிருக்கிறோம். நமது படைகளை நவீனப்படுத்தும் நடவடிக்கைகளை யோசித்து வருகிறோம். கிட்டத்தட்ட பலப் பல ஆண்டுகளுக்குப் பின்னர் முதல் முறையாக ராணுவத்தில் புதிதாக 2 டிவிஷன்களை இப்போதுதான் நாம் உருவாக்கியிருக்கிறோம். நமது வேகம் மெதுவாகவே உள்ளது என்பது உண்மைதான்.

எனவே, நம்மிடம் உள்ள வசதிகளை வைத்து, விமானப்படைகளை ஸ்திரமாக வைத்துள்ளோம். எல்லைப் பகுதிகள் நமது விமானப்படையின் பாதுகாப்பான கரங்களுக்குள் உள்ளது. எல்லைப் புற சாலைகளை மேம்படுத்தவும் நாம் முயற்சித்து வருகிறோம். படிப்படியாக நாம் முன்னேறிக் கொண்டிருக்கிறோம்.

பாதுகாப்புக்கான நிதி ஒதுக்கீடு என்பது கடந்த காலங்களை விட குறைந்துள்ளது என்பது உண்மைதான். இருப்பினும் அதற்காக நாம் தேவையான செலவுகளை குறைக்கவில்லை. பாதுகாப்பான நிதி ஒதுக்கீடும் நமக்கு மிகவும் அவசியம் என்பதை அரசு மறக்கவில்லை என்றார் பிரதமர்.




Tuesday, June 28, 2011

''அஜீத் பற்றி ரகசியம் சொல்லவா?''


ரில் இருந்தாலும்,  வெளியூர் பறந்தாலும்... எப்போதும் செய்தியின் நாயகிதான்... த்ரிஷா. தமிழுக்கும் தெலுங்குக்கும் பறந்து திரியும் த்ரிஷாவுடன் சினி மினி மீட்டிங்...
''ஜாலியா 'மங்காத்தா’ ஷூட்டிங் முடிஞ்சது. 'விண்ணைத் தாண்டி வருவாயா’, 'மன்மதன் அம்பு’ மாதிரி எனக்கு இந்தப் படத்தில் வெயிட்டான கேரக்டர் இல்லைதான். ஆனா, அஜீத்துக்காக ஹீரோயினா நடிக்கச் சம்மதிச்சேன். ஆக்சுவலி, அஜீத் பிரியாணி சமைச்ச அன்னிக்கு நான் ஸ்பாட்டில் இல்லை. விஷயம் கேள்விப்பட்டு, அவர்கிட்ட செல்லமாக் கோபிச்சுக்கிட்டேன். ஒரு ரகசியம் சொல்லவா? அஜீத்துக்கு பிரியாணி மாதிரி, சிக்கன் பீட்ஸாவும் சூப்பரா செய்யத் தெரியும். ஹைய்யோ... ஷாலினி கொடுத்துவெச்சவங்க!''
'' 'மங்காத்தா’ படத்துல உங்களுக்கும் அஜீத்துக்கும் முத்தக் காட்சி இருந்தது. ஆனால், அஜீத் முத்தம் கொடுக்கத் தயங்கினார்னு நியூஸ் வந்ததே?''
''முதலில், அப்படி ஒரு ஸீனே கிடையாது.  இருந்தா, அவர் ஏன் தயங்கணும்? நான் என்ன பேயா?''
''தமிழில் அடுத்த படம் எதுவும் கமிட் பண்ணாமலேயே இருக்கீங்களே?''
''தமிழில் நான் ஏற்கெனவே பண்ணின கேரக்டர்கள்தான் திரும்பத் திரும்ப வருது. ஒரே விஷயத்தை எத்தனை தடவை செய்ய முடியும்? எனக்கும் போரடிக்கும். ஆடியன்ஸுக்கும் போரடிக்கும். புதுசா ஏதாவது கேரக்டர் இருந்தா... ஓடி வந்திடுறேன். இல்லைன்னா, 'விண்ணைத் தாண்டி வருவாயா’ ஜெஸ்ஸி மாதிரி கேரக்டருக்காக வெயிட் பண்றேன்!''
''இந்தி 'விண்ணைத் தாண்டி வருவாயா’ படத்தில் உங்களுக்குப் பதிலா எமி ஜாக்சனை நடிக்கவெச்சார் கௌதம். 'நாங்க நல்ல நண்பர்களாப் பிரியுறோம்’னு அறிவிச்சீங்க. அப்படின்னா, 'சென்னையில் ஒரு மழைக் காலம்’ படத்தோட நிலைமை என்ன?''
''நானும் கௌதமும் நல்ல ஃப்ரெண்ட்ஸ். நாங்க சண்டை போடவும் இல்லை. பிரியவும் இல்லை. 'சென்னையில் ஓர் மழைக் காலம்’ கௌதமின் கனவு புராஜெக்ட். அந்த ஹீரோயின் கேரக்டருக்கு நான்தான் செட் ஆவேன்னு ரொம்ப நம்புறார். ஒரு ஷெட்யூல்தான் ஷூட்டிங் போனோம். நானும் பிஸி ஆகிட்டேன். அவரும் பிஸி ஆகிட்டார். சீக்கிரமே நாங்க திரும்ப சேர்ந்ததும்... ஷூட்டிங் நடக்கும்!''
''சித்தார்த் உங்களோட க்ளோஸ் ஃப்ரெண்ட். அவரும் ஸ்ருதி ஹாசனும் லிவிங் டுகெதரா இருக்காங்கன்னு நியூஸ் வந்துட்டு இருக்கு. இதுபத்தி சித்தார்த் எதுவும் சொன்னாரா?''
''சித்தார்த் என் குட் ஃப்ரெண்ட். அதுக்காக நான் அவர் பெர்சனலில் தலையிட முடியாது. அவரும் என் பெர்சனல் விஷயங்களில் தலையிடுவது இல்லை. அப்படியே அவர் ஏதாச்சும் என்கிட்ட சொல்லி இருந்தாலும், நான் உங்ககிட்ட சொல்ல மாட்டேன். அது எங்க நட்புக்கு நான் பண்ற துரோகம்!''
''பாலிவுட்டில் அண்ணா ஹஜாரே போராட்டத்துக்கு அத்தனை சினிமா ஸ்டார்களும் குரல் கொடுத்தாங்க. ஆனா, தென்னிந்தியாவில் யாரும் ஆதரவுக் குரல் கொடுக்கலையே?''
''மத்தவங்களைப்பத்தி தெரியாது. நான் சின்ன விஷயங்களில்தான் கவனம் செலுத்திட்டு இருக்கேன். இப்போ பீட்டா விலங்குகள் காப்பகத்தின் தூதரா இருக்கேன். விலங்குகளைக் காப்பாத்தணும்னு குரல் கொடுத்துட்டு இருக்கேன். எனக்கு ஒரு விஷயம் முழுசாத் தெரிஞ்சா தான், அதில் இறங்குவேன். பெரிய விஷயங்கள்பத்தி எனக்கு அவ்வளவாத் தெரியாது!''
''ஏன் உங்களை முன்னே மாதிரி பார்ட்டிகளில் பார்க்க முடிவது இல்லை?''
''நான் பார்ட்டிக்குப் போகாம இருக்கவே மாட்டேன். சமீபத்தில்கூட ரம்யா கிருஷ்ணன் கல்யாண நாளுக்கு பார்ட்டி கொடுத்தாங்க. ஷூட்டிங்கை கேன்சல் பண்ணிட்டு போய் வந்தேன். எனக்கு என் ஃப்ரெண்ட்ஸ் ரொம்ப முக்கியம். அதனால பார்ட்டிகளை நான் மிஸ் பண்ணவே மாட்டேன்!''

நன்றி : விகடன் 

திரைப்படங்களை மிஞ்சிய காதல், சென்டிமென்ட்,ஆக்ஸன் கலந்த காதல்...?கல்யாணம்...?





உத்தரகாண்ட் மாநிலம் ருத்ராபூரைச் சேர்ந்தவர் அனில் தியாகி. இவர் போலீஸ் சப் இன்ஸ்பெக்டராக பணிபுரிகிறார். இவருடைய மூத்த மகள் நேகா. இவருக்கும், உத்தரபிரதேச மாநிலம் மீரட்டைச் சேர்ந்த நிதிஷ் என்ற வாலிபருக்கும் கடந்த 6 ந் தேதி ருத்ராபூரில் திருமணம் நடைபெற இருந்தது. மணமக்கள் வீட்டில் அதற்கான ஏற்பாடுகள் நடந்து கொண்டிருந்த நிலையில், திருமணம் நடைபெறுவதற்கு முதல் நாள் நேகா தனது காதலருடன் ஓடிப்போய்விட்டார்.

அழைப்பிதழ்கள் கொடுத்து திருமணத்துக்கு உறவினர்களெல்லாம் வரத்தொடங்கி விட்ட நிலையில் மணமகள் ஓடிவிட்டதால் இரு வீட்டாரும் என்ன செய்வது என்று குழப்பம் அடைந்தனர்.


இதனால் ஏற்பட்ட சிக்கலை தீர்க்கவும், மணமகன் உறவினர்களின் கோபத்துக்கு ஆளாகாமல் இருக்கவும், மணமகளின் தந்தை சப் இன்ஸ்பெக்டர் அனில் தியாகிக்கு திடீரென்று புதிய யோசனை ஒன்று தோன்றியது. அதே முகூர்த்தத்தில் தனது இரண்டாவது மகள் ஆர்த்தியை நிதிஷுக்கு திருமணம் செய்து வைக்க விரும்பினார். இதை ஆர்த்தியிடம் கூறி அவரை கட்டாயப்படுத்தி சம்மதிக்க வைத்ததாக தெரிகிறது.


உடனே மணமகன் நிதிஷின் பெற்றோரை சந்தித்து இதுபற்றி அவர்களிடம் கூறினார். அவர்களும் ஆர்த்தியை தங்கள் மருமகளாக ஏற்றுக்கொள்ள சம்மதித்தனர். இதைத்தொடர்ந்து, திட்டமிட்டபடி 6 ந் தேதி அதே முகூர்த்தத்தில் நிதிஷுக்கும், ஆர்த்திக்கும் கோலாகலமாக திருமணம் நடைபெற்றது.



தனி அறையில் முதல் இரவை மகிழ்ச்சியுடன் கழிக்க நிதிஷ் ஆயிரம் கனவுகளுடன் மிதந்து கொண்டிருந்த நிலையில், எதிர்பாராத விதமாக ஆர்த்தி அவரது தலையில் பெரிய குண்டு' ஒன்றை தூக்கி போட்டு அதிர்ச்சி வைத்தியம் அளித்தார்.

வினீத் என்பவரை தான் உயிருக்கு உயிராக காதலித்ததாகவும், சில நாட்களுக்கு முன் அவரை கோவிலில் வைத்து பெற்றோருக்கு தெரியாமல் ரகசியமாக திருமணம் செய்து கொண்டதாகவும் கூறினார். அக்காள் நேகா அவளது திருமணத்துக்கு முதல் நாள் காதலனுடன் ஓடி விட்டதால் குடும்ப கவுரவத்தை காப்பாற்றுவதற்காக திருமணத்துக்கு தான் சம்மதித்ததாகவும் தனது கணவர் நிதிஷிடம் ஆர்த்தி கூறினார்.


இதைக் கேட்டு ஆடிப்போன நிதிஷுக்கு உடனடியாக என்ன செய்வது என்றே தெரியவில்லை. முதல் இரவு கனவுகளெல்லாம் கானல் நீராக மாற உற்சாகம் எல்லாம் எங்கோ பறந்து போய்விட்டது. சிறிது நேரம் யோசித்த அவர், தனக்கு ஏற்பட்ட பெரும் சோகம், அவமானத்தை தாங்கிக்கொண்டு ஆர்த்தியை சகோதரியாக ஏற்று, அவரை அவருடைய காதலருடனேயே சேர்த்து வைப்பது என்று முடிவு செய்தார்.


உடனே நிதிஷ் நடந்த விவரங்களை தனது பெற்றோரிடம் கூறி, ஆர்த்தியை தனது சகோதரியாக கருதுவதாகவும், அவரை அவரது காதலர் வினீத்துடன் சேர்த்து வைக்க விரும்புவதாகவும் தெரிவித்தார். அவர்களும் நிதிஷின் சூழ்நிலையை புரிந்து கொண்டு அவரது யோசனையை ஏற்றுக்கொண்டனர். இதைத்தொடர்ந்து, நிதிஷை சகோதரனாக ஏற்கும் வகையில் அவரது கையில் ஆர்த்தி  ராக்கி' கயிறு கட்டினார்.


நடந்த இந்த விவகாரங்கள் அனைத்தையும் பின்னர் ஆர்த்தியின் தந்தை அனில் தியாகியிடம் தெரிவித்த நிதிஷின் பெற்றோர், மருமகளாக வந்த ஆர்த்தியை தங்கள் மகளாக கருதுவதாகவும், அவரை அவரது காதலர் வினீத்துடன் சேர்த்து வைக்க விரும்புவதாகவும் கூறினார்கள்.



ஆனால் இதை விரும்பாத அனில் தியாகி, நிதிஷ் குடும்பத்தினருடன் தகராறு செய்தாக கூறப்படுகிறது. என்றாலும் ஆர்த்தியை அவரது காதலர் வினீத்துடன் சேர்ந்து வைக்க நிதிஷும், அவரது பெற்றோரும் முயன்றனர்.

அப்போது இன்னொரு புதிய சிக்கல் ஏற்பட்டது. ஊர் அறிய இன்னொருவரை மணம் புரிந்த ஆர்த்தியை வினீத் தனது மனைவியாக ஏற்றுக்கொள்ள மறுத்து விட்டார்.

இதனால் இந்த விவகாரம் மீரட் நகர போலீசுக்கு சென்றது. இப்படி ஒரு விசித்திர வழக்கை அவர்கள் இதுவரை சந்திக்கவில்லை என்பதால், நிதிஷையும், ஆர்த்தியையும் மாவட்ட குடும்ப கவுன்சிலிங் மையத்துக்கு அழைத்து அங்குள்ள நிபுணர்கள் மூலம் ஆலோசனை வழங்கினார்கள். "நடந்தது நடந்து விட்டது, ஆர்த்தியை அவரது காதலர் வினீத் ஏற்றுக்கொள்ள மறுப்பதால் நீங்கள் இருவரும் கணவன் மனைவியாகவே வாழ்ந்து விடுங்கள்'' என்று யோசனை கூறினார்கள்.


அதற்கு நிதிஷும், ஆர்த்தியும்; "நாங்கள் ஒருவரை ஒருவர் சகோதரர் சகோதரியாக ஏற்றுக்கொண்டு விட்டோம். எனவே இனி கணவன் மனைவியாக வாழ முடியாது'' என்று உறுதியாக கூறி விட்டனர்.

இதைத்தொடர்ந்து, கவுன்சிலிங் வழங்கிய ஆலோசகர்கள், வினீத்தை வரவழைத்து பேச முயன்றனர். ஆனால் அவர் தனது உயிருக்கு ஆபத்து இருப்பதாக கூறி வர மறுத்து விட்டார்.



இதனால், கவுன்சிலிங் வழங்கியவர்கள் அடுத்து என்ன செய்வது? என்று தெரியாமல் தவித்துக்கொண்டு இருக்கிறார்கள். ஆர்த்தி தனது பெற்றோர் வீட்டில் தங்கி இருக்க முடிவு செய்து உள்ளார். அவரை அவரது காதலர் வினீத் மனம் மாறி ஏற்றுக்கொள்வாரா? என்று தெரியவில்லை.

நிதிஷின் நிலைமை இன்னும் பரிதாபமானது. நிச்சயிக்கப்பட்ட நேகா கைநழுவிப் போக, அவரது தங்கை ஆர்த்தியை மணந்தார். அவரும்  அண்ணா' என்று கூறி  ராக்கி' கட்டிவிட, தனது சோகத்தையும் மறந்து அவரை காதலர் வினீத்துடன் எப்படியாவது சேர்த்து வைத்து விடுவது என்று போராடிக்கொண்டு இருக்கிறார்.


நிதிஷ் ஆர்த்தி வாழ்க்கை எப்படி அமையும் என்பதை அப்பகுதி மக்கள் ஆவலுடன் எதிர்பார்த்து காத்து இருக்கிறார்கள்.       


Monday, June 27, 2011

திருமண 'பாண்டில்' இணைந்த ஜேம்ஸ் பாண்ட்!

 நடப்பு 'ஜேம்ஸ் பாண்ட்' டேனியல் கிரேக் தனது சக நடிகையான ராசெல் வேஷை திருமணம் செய்து கொண்டார்.

இங்கிலாந்தைச் சேர்ந்தவர் டேனியல் கிரேக் (43). தற்போதைய ஜேம்ஸ் பாண்ட் நடிகர். இவரும் இங்கிலாந்தைச் சேர்ந்த நடிகை ராசெல் வேஷும் சேர்ந்து ட்ரீம் ஹவுஸ் என்ற படத்தில் கணவன், மனைவியாக நடித்து வருகின்றனர். இந்நிலையில் யாரும் எதிர்பாரா வண்ணம் நிஜ வாழ்விலும் திருமண பந்தத்தில் இணைந்துள்ளனர்.

டேனியலும், ரேசெலும் கடந்த புதன்கிழமை நியூயார்க்கில் எளிமையான முறையில் திருமணம் செய்து கொண்டனர் என்று டேனியலின் செய்தித் தொடர்பாளர் ராபின் பௌன் தெரிவித்தார்.

இந்த திருமணத்தில் இரண்டு பேர் மட்டுமே கலந்து கொண்டார்கள். அதில் ஒருவர் ரேசெலின் 4 வயது மகன் ஹென்ரி, மற்றொருவர் டேனியலின் 18 வயது மகள் எல்லா.

டேனியல் சட்சுகி மிட்ஷெல் என்பவரை நீண்ட நாட்களாக காதலித்து வந்தார். அன்மையில் தான் இந்த ஜோடி பிரிந்தது. இதேபோன்று ரேசெல் பிளாக் ஸ்வான் என்ற படத்தின் இயக்குனர் டாரன் அரோனோப்ஸ்கியுடன் நீண்ட காலமாக இருந்தார். அவர் தான் ஹென்ரியின் தந்தை (தலை 'லைட்டா' சுத்துதுல்ல!).

தி கான்ஸ்டன்ட் கார்டனர் என்ற படத்தில் சிறப்பாக நடித்ததற்காக ரேசெல் வேஷ் கடந்த 2005-ம் ஆண்டு சிறந்த துணை நடிகைக்கான ஆஸ்கர் விருது பெற்றவர்.




நடிகை அனுஷ்கா சர்மாவிடம் சுங்க அதிகாரிகள் அதிரடி விசாரணை

விமான நிலையத்திற்கு வந்த இந்தி நடிகை அனுஷ்கா சர்மா கொண்டு வந்திருந்த பொருட்களுக்கு உரிய சுங்க வரி செலுத்தாத காரணத்தால் அவரிடம் சுங்க அதிகாரிகள் விசாரணை நடத்தினர்.

பாலிவுட் கலைஞர்கள் வெளிநாடுகளுக்குப் போய் விட்டுத் திரும்பும்போது கை நிறைய, பை நிறைய பல்வேறு பொருட்களை அள்ளி வருகிறார்கள். ஆனால் அதற்குண்டான சுங்க வரியை மட்டும் மறக்காமல் செலுத்துவதில்லை.

இதனால் சமீப காலமாக பாலிவுட் கலைஞர்களை பிடித்து விசாரிக்கத் தொடங்கியிருக்கிறது சுங்கத்துறை. பிபாஷா பாசு சமீபத்தில் இதுபோல பிடிபட்டார். இந்த நிலையில் இன்று அனுஷ்கா சர்மாவைப் பிடித்து விசாரித்துள்ளனர்.

டோரன்டோவில் நடந்த இஃபா விழாவுக்காக போயிருந்த அனுஷ்கா, திரும்பி வந்தபோது பல்வேறு பொருட்களுடன் மும்பைக்கு வந்து சேர்ந்தார். ஆனால் அதற்கான சுங்க வரியை அவர் செலுத்தவில்லை. இதையடுத்து விமான நிலையத்தில் வைத்து அவர் கொண்டு வந்த பொருட்கள் குறித்து சுங்கத்துறையினர் தீவிர விசாரணை நடத்தினர். இதனால் விமான நிலையத்தில் சிறிது நேரம் பரபரப்பு நிலவியது.




இளைஞர்களை குடிக்கச் சொன்னேனா?-ஸ்ரேயா

தொடர்ந்து பல்வேறு சர்ச்சைகளில் சிக்கி வருகிறார் நடிகை ஸ்ரேயா. கடந்த வாரம், இடுப்புக் கீழே போட்டோ எடுக்கக் கூடாது என புகைப்படக்காரர்களைத் திட்டியதால் பரபரப்பாக செய்திகளில் இடம் பெற்றார்.

இந்த வாரம் 25 வயதுக்குட்பட்ட இளைஞர்கள் மது குடித்தால் தப்பில்லை என்பதுபோல கருத்து சொல்லி மாட்டிக் கொண்டுள்ளார்.

மராட்டிய மாநிலத்தில் 25 வயதுக்கு உட்பட்டோர் மது அருந்துவதற்கு தடை விதிக்கப்பட்டது. அவர்கள் மதுக்கடைகளில் மது வாங்கவும் அனுமதிக்கப்படவில்லை. இச்சட்டத்தை நடிகை ஸ்ரேயா விமர்சித்ததாக செய்திகள் வந்தன.

18 வயது உடையவர்கள் திருமணம் செய்து கொள்ளலாம். ஓட்டு போடவும் அனுமதி இருக்கிறது. ஆனால் மது அருந்த மட்டும் தடை போடுகிறார்கள் என்று ஸ்ரேயா கண்டித்ததாக கூறப்பட்டது.

ஸ்ரேயா கருத்துக்கு அரசியல் ரீதியான எதிர்ப்புகள் கிளம்பியுள்ளன.

இதை அறிந்த ஸ்ரேயா உடனே தனது கருத்தை மாற்றி வெளியிட்டுவிட்டதாக, பழியை பத்திரிகைகள் மீது போட்டுள்ளார்.

"மது குடிப்பதை ஆதரித்து நான் எந்த கருத்தும் சொல்லவே இல்லை. நான் சொல்லாத விஷயத்துக்கு என் மீது கண்டனம் தெரிவித்தால் என்ன அர்த்தம்?", என்று திருப்பிக் கேட்டுள்ளார் ஸ்ரேயா.




ரஜினியின் 'அழைப்புகள்'!!

கோடம்பாக்கத்தில் இன்ஸ்டன்ட் நியூஸ் என்றால் அது ரஜினியிடமிருந்து முக்கிய திரையுலக விஐபிக்களுக்கு வரும் போன்கால்கள் பற்றியதுதான்.

கிட்டத்தட்ட மறுபிறவி எடுத்திருக்கிறார் ரஜினி. இப்போதைக்கு சிங்கப்பூரில் சில தினங்கள் பூரண ஓய்வில் இருக்கும் ரஜினி, அடுத்த மாதம் சென்னை திரும்பப் போகிறார். 

இந்த நிலையில் திரையுலகில் தனது நெருங்கிய நண்பர்களுடன் போனில் தொடர்பு கொண்டு பேசி வருகிறார் சூப்பர் ஸ்டார்.

கடந்த சில தினங்களுக்கு முன் தனது குருநாதர் பாலச்சந்தருக்கு போன் செய்த ரஜினி, தனது உடல்நிலை குறித்த தகவல்களைக் கூறினார். ரஜினியைப் பார்க்க சிங்கப்பூருக்கு வர விரும்புவதாக பாலச்சந்தர் தெரிவிக்க, வேண்டாம் சார். நீங்க உங்கள் உடம்பைப் பார்த்துக் கொள்ளுங்கள். நான் விரைவில் வந்துவிடுவேன், என்று கூறியுள்ளார்.

ஷங்கருடன்...
நேற்று ஞாயிற்றுக்கிழமை தனது அபிமான இயக்குநர்களில் ஒருவரான ஷங்கருக்குப் போன் செய்து சிறிதுநேரம் பேசிக் கொண்டிருந்தாராம் ரஜினி. சிவாஜி, எந்திரன் பட அனுபவங்கள் பற்றி இருவரும் பேசினராம். மேலும் எந்திரனுக்கு கிடைத்து வரும் விருதுகள் குறித்தும் இருவரும் பேசிக் கொண்டிருந்தாக, இயக்குநர் ஷங்கரே தெரிவித்துள்ளார்.




மொட்டை மாடியில் தேன்நிலவு! - செல்வராகவன்

பார்க்க ரொம்ப 'ரிசர்வ்டு டைப்' மாதிரி தெரிந்தாலும், பழகியவர்களிடம் இயக்குநர் செல்வராகவன் அடிக்கும் கமெண்டுகள் செம கலாட்டா ரகம்.

செல்வராகவன்-கீதாஞ்சலி திருமணம், வருகிற (ஜுலை) 3-ந் தேதி காலை 6 மணிக்கு, சென்னை கிண்டியில் உள்ள லீ ராயல் மெரிடியன் ஓட்டலில் நடக்கிறது.

மணமக்களுக்கு வரவேற்பு அளிக்கும் நிகழ்ச்சி, ஜுலை 4-ந் தேதி மாலை 6-30 மணிக்கு சென்னை ராஜாஅண்ணாமலைபுரத்தில் உள்ள மேயர் ராமநாதன் திருமண மண்டபத்தில் நடைபெறுகிறது.

தன்னிடம் உதவி இயக்குநராக இருந்து, காதலியாக மாறி இப்போது வாழ்க்கைத் துணைவியாகப் போகும் கீதாஞ்சலியுடன் காதல் மலர்ந்தது, தேனிலவு திட்டம் குறித்தெல்லாம் சமீபத்தில் நடந்த பத்திரிகையாளர் சந்திப்பில் நிருபர்களிடம் பேசினார் செல்வா.

ஆரம்பத்தில், "எல்லாரும் எங்க கல்யாணத்துக்கு வந்துடுங்க. அவ்வளவுதான்", என சுருக்கமாக பிரஸ் மீட்டை முடித்த அவரிடம், மெல்ல ஒவ்வொரு நிருபராக பேச்சுக் கொடுக்க, மனம் திறந்தார் செல்வா.

"கீதாஞ்சலி ரொம்ப நல்ல பொண்ணு. 'இரண்டாம் உலகம்' படப்பிடிப்பில்தான் இருவரும் சந்தித்துக்கொண்டோம். இருவருக்குமான முதல் சந்திப்பு, முதல் காதல் பரிமாற்றம் பற்றியெல்லாம் இப்போது யோசித்தால் எதுவுமே தெரியவில்லை.

என்னை அவர் நன்றாக கவனித்துக்கொள்கிறார் என்பதே கீதாஞ்சலியிடம் எனக்குப் பிடித்த விஷயம். அதேபோல், கீதாஞ்சலிக்கு என் மனசு பிடிக்கும். எல்லோரும் நன்றாக இருக்க வேண்டும் என்று நினைக்கிற என் மனசு அவருக்குப் பிடிக்கும்.

கீதாஞ்சலி இல்லாத வாழ்க்கையை இப்போது என்னால் கற்பனை செய்துகூட பார்க்க முடியவில்லை. என் வாழ்க்கை முழுக்க இனி அவங்கதான்.

மொட்டைமாடிதான்...

தேன்நிலவுக்கு எங்கே போகிறீர்கள்? என்று எல்லோரும் கேட்கிறார்கள். 'இரண்டாம் உலகம்' படத்தை ரிலீஸ் செய்ய வேண்டிய அவசரத்தில் இருக்கிறேன். இந்த நிலையில், எங்கே தேன்நிலவு போவது? மொட்டை மாடியில் நின்று நிலவைப் பார்த்துக்கொள்ள வேண்டியதுதான்!!

என் மீது நம்பிக்கை வைத்து, கீதாஞ்சலி தன்னை என்னிடம் ஒப்படைத்து இருப்பதை மிகப் பெரிய பரிசாக, பொறுப்பாகக் கருதுகிறேன். என்னைப்பற்றி வந்த எந்த தவறான தகவலையும் நம்பாமல், என் மீது நம்பிக்கை முழுமையாக நம்பிக்கை வைத்துள்ளார் அவர். அந்த நம்பிக்கைக்கு ஒரு போதும் பங்கம் வராமல் பார்த்துக் கொள்வேன். எல்லோருடைய ஆசீர்வாதமும் எங்களுக்கு வேண்டும்!," என்றார்.

அட்வான்ஸ் வாழ்த்துக்கள் செல்வா - கீதாஞ்சலி!




பாலாவுக்கு இஸ்லாமியர்கள் கண்டனம்!

இயக்குநர் பாலா, இஸ்லாமியர்களின் குர்பானியை அவமதித்துள்ளார். அவன் இவன் படத்தில் குர்பானியை அவமதிக்கும் வகையில் அவர் வைத்துள்ள காட்சிகளுக்காக அவர் மீது அவதூறு வழக்கு தொடரப்படும் என தேசிய லீக் கட்சி அறிவித்துள்ளது.

அவன் இவன் படம் பல்வேறு சர்ச்சைகளில் சிக்கி வருகிறது. இப்படத்தில் சொரிமுத்து ஐய்யனார் சாமியைக் கேலி செய்யும் வகையிலும், சிங்கம்பட்டி ஜமீனை அவமதிக்கும் வகையிலும், அவதூறு செய்யும் வகையிலும் காட்சிகள் வைத்திருப்பதாக கூறி சிங்கம்பட்டி ஜமீன் தரப்பு கடுமையாக குற்றம் சாட்டி வருகிறது.

இந்த நிலையில் இஸ்லாமியர்களும் பாலாவுக்கு எதிராக திரண்டுள்ளனர். இப்படத்தில் வரும் சில காட்சிகள் இஸ்லாமியர்களின் குர்பானியை அவமதிப்பதாக உள்ளதாக தேசிய லீக் கட்சி குற்றம் சாட்டியுள்ளது.

இதுகுறித்து இன்று மதுரை மாவட்ட ஆட்சித் தலைவர், போலீஸ் கமிஷனர் ஆகியோரிடம் தேசிய லீக் சார்பில் புகார் தரப்பட்டது. அதில் குர்பானியை அவமதிக்கும் வகையிலான காட்சிகளைத் தடை செய்யக் கோரிக்கை விடப்பட்டுள்ளது.

மேலும் குர்பானியை அவமதிக்கும் வகையில் காட்சிகளை வைத்த இயக்குநர் பாலா மீது அவதூறு வழக்கு தொடரப்படும் என்றும் தேசிய லீக் கட்சி எச்சரிக்கை விடுத்துள்ளது.




சிறந்த நடிகர் விக்ரம், சிறந்த வில்லன் ரஜினிகாந்த்

விஜய் திரைப்பட விருதுகள் அறிவிக்கப்பட்டு வழங்கப்பட்டுள்ளன. இதில் சிறந்த நடிகராக விக்ரமும், சிறந்த நடிகையாக அஞ்சலியும் தேர்வாகியுள்ளனர். சிறந்த வில்லனுக்கான விருது சூப்பர் ஸ்டார் ரஜினிகாந்த்துக்கு வழங்கப்பட்டது. எந்திரன் படத்தில் நடித்ததற்காக இந்த விருது அவருக்குக் கிடைத்துள்ளது.

சென்னை நேரு ஸ்டேடியத்தில் நடந்த விழாவில் மொத்தம் 149 படங்கள் விருதுப் போட்டியில் கலந்து கொண்டன. அதிலிருந்து ரசிகர்கள் தேர்வு செய்த கலைஞர்களுக்கு விருது அளிக்கப்பட்டது.

சூப்பர் ஸ்டார் ரஜினிகாந்த்துக்கு சிறந்த வில்லன் நடிகருக்கான விருது கிடைத்துள்ளது. எந்திரன் படத்தில் அவர் நடித்த ரோபோ கதாபாத்திரத்திற்காக இந்த விருது கிடைத்துள்ளது. விருதினை ரஜினியின் மருமகன் தனுஷ் பெற்றுக் கொண்டார்.

ராவணன் படத்தில் நடித்த விக்ரமுக்கு சிறந்த நடிகர் விருதும், அங்காடித் தெரு படத்தில் நடித்த அஞ்சலிக்கு சிறந்த நடிகை விருதும் கிடைத்தன.

அங்காடித் தெரு படத்தின் இயக்குநர் வசந்த பாலனுக்கு சிறந்த இயக்குநர் விருது கிடைத்தது. இந்தப் படமே சிறந்த படமாகவும் தேர்வானது.

விண்ணைத் தாண்டி வருவாயா படத்துக்காக சிறந்த இசையமைப்பாளர் விருதை ஏ.ஆர்.ரஹ்மான் பெற்றார். மைனா பட நாயகன் விதார்த் சிறந்த அறிமுக நாயகனாகவும், அமலா பால் சிறந்த அறிமுக நாயகி விருதையும் பெற்றனர்.

சிறந்த துணை நடிகையாக சரண்யாவும், சிறந்த துணை நடிகராக தம்பி ராமையாவும் விருது பெற்றனர். காமெடியனாக சந்தானம் தேர்வானார்.

பாடலாசிரியருக்கான விருதை வைரமுத்தவும், சிவாஜி கணேசன் விருது கே.பாலச்சந்தருக்கும், பொழுதுபோக்கு படத்துக்கான விருது சிங்கம் படத்துக்காக சூர்யாவுக்கும் கிடைத்தது.

தேர்வுக் குழு என்று எதையும் நியமிக்காமல் முற்றிலும் ரசிகர்களே ஓட்டுப் போட்டு தேர்ந்தெடுத்த விருதுகள் இவை என்பது குறிப்பிடத்தக்கது.




மு.க.ஸ்டாலின் வெற்றியை எதிர்த்து வீடியோ ஆதாரங்களுடன் சைதை துரைசாமி வழக்கு

 சென்னை கொளத்தூர் தொகுதியில் மோசடி செய்து மு.க.ஸ்டாலின் வெற்றி பெற்றுள்ளதால் அதை ரத்து செய்ய வேண்டும் என்று கோரி வீடியோ ஆதாரங்களுடன் அதிமுக சார்பில் போட்டியிட்டு தோல்வி அடைந்த சைதை துரைசாமி சென்னை உயர்நீதிமன்றத்தில் வழக்கு தொடர்ந்துள்ளார்.

இதுதொடர்பாக அவர் தாக்கல் செய்துள்ள மனு:
தமிழக சட்டசபைக்கு கடந்த ஏப்ரல் மாதம் 13-ந் தேதி நடந்த தேர்தலின் போது கொளத்தூர் தொகுதியில் அ.தி.மு.க. சார்பில் நான் போட்டியிட்டேன். என்னை எதிர்த்து தி.மு.க. சார்பில், முன்னாள் துணை முதல்வர் மு.க.ஸ்டாலின் போட்டியிட்டார். தேர்தல் பிரசாரத்தின் போதும், ஓட்டு எண்ணிக்கையின் போதும் தி.மு.க. வினர் பல்வேறு முறைகேடுகளில் ஈடுபட்டனர்.

காவல்துறை அதிகாரிகளும், மாநகராட்சி ஊழியர்களும் அவர்களுக்கு துணை போய் சாதகமாக நடந்து கொண்டனர். அதிகார பலம், பண பலம், ஆள் பலம் ஆகியவற்றை கொண்டே கொளத்தூர் தொகுதியில் மு.க.ஸ்டாலின் வெற்றி பெற்றுள்ளார். இதற்கு எத்தனையோ உதாரணங்களை சொல்ல முடியும்.

தேர்தல் கமிஷனிடம் சமீபத்தில் மு.க.ஸ்டாலின் தேர்தல் செலவு கணக்கை சமர்ப்பித்துள்ளார். அதில் செலவை தவறாகக் குறிப்பிட்டுள்ளார். மு.க.ஸ்டாலின் கொளத்தூர் தொகுதிக்கு தேர்தல் பிரசாரம் செய்ய வந்த போதெல்லாம் தி.மு.க.வினர் பட்டாசு வெடித்தனர். சுமார் ரூ.1 கோடி அளவுக்கு பட்டாசுகள் வெடிக்கப்பட்டுள்ளது.

இந்த செலவு கணக்கை மு.க.ஸ்டாலின் காட்டவில்லை. மேலும் மு.க.ஸ்டாலின் பிரசாரம் செய்ய வந்த போதெல்லாம் அவருக்கு பின்னால் 20 முதல் 30 கார்களில் தி.மு.க. வினர் அணி வகுத்து வந்தனர். இது தேர்தல் நடத்தை விதி முறைகளுக்கு எதிரானதாகும்.

மு.க. ஸ்டாலினின் மனைவி துர்கா ஸ்டாலின் கொளத்தூர் தொகுதியில் முகாமிட்டு பிரசாரம் செய்தார். இப்படி பிரசாரம் செய்ய தேர்தல் கமிஷனில் முறைப்படி அனுமதி பெற வேண்டும். ஆனால் துர்கா ஸ்டாலின் அத்தகைய அனுமதி எதையும் பெறவில்லை.

சென்னை மாநகராட்சி மேயர் அவருக்கு துணையாக செயல்பட்டார். கொளத்தூர் தொகுதி வாக்காளர்களுக்கு ஏராளமாக பணம் பட்டுவாடா செய்யப்பட்டது. ரூ.500 முதல் ரூ.10 ஆயிரம் வரை வாக்காளர்களுக்கு கொடுத்தனர். தி.மு.க. பிரமுகர்களுக்கு இதற்காக பணம் சப்ளை செய்யப்பட்டது.

கொளத்தூர் தொகுதிக்குள் ஊடுருவிய ஒரு வாகனத்தில் இருந்து ஒரு கோடியே 18 லட்சம் ரூபாயை போலீசார் பறிமுதல் செய்தனர். அந்த பணம் கூட தி.மு.க.வினரால் வாக்காளர்களுக்கு பட்டுவாடா செய்ய கொண்டு வரப்பட்ட பணம் தான்.

மே மாதம் 13-ந் தேதி ஓட்டு எண்ணிக்கை நடந்த போது தி.மு.க. பிரமுகர்கள் பெரிய அளவில் வன்முறைகளில் ஈடுபட்டனர். ஒரு மின்னணு ஓட்டுப்பதிவு எந்திரத்தில் எவ்வளவு வாக்குகள் பதிவாகி உள்ளது என்ற விவரம் காட்டப்படவில்லை. அதில் ஏதோ தில்லுமுல்லு நடந்துள்ளது. 

இதை தேர்தல் அதிகாரி கவனத்துக்குகொண்டு சென்ற நான் ஓட்டு எண்ணிக்கையை நிறுத்துமாறு கோரிக்கை விடுத்தேன். ஆனால் எனது கோரிக்கையை தேர்தல் அதிகாரி ஏற்றுக் கொள்ளவில்லை.

இந்த நிலையில் சென்னை மாநகராட்சி ஊழியர்கள் உதவியுடன் மு.க.ஸ்டாலினை வெற்றி பெற வைக்க பல்வேறு வகைகளிலும் முயற்சி நடந்தது. 16-வது சுற்று ஓட்டு எண்ணிக்கை நடந்து கொண்டிருந்தபோது என்னையும், அ.தி.மு.க. நிர்வாகிகளையும் போலீஸ் துணையுடன் திட்டமிட்டு வெளியேற்றினார்கள்.

சென்னை மாநகராட்சி அதிகாரிகளும், கொளத்தூர் தொகுதி தேர்தல் அதிகாரியும் மு.க.ஸ்டாலினை வெற்றி பெற வைக்கும் நோக்கத்தில் செயல்பட்டனர். ஓட்டுப்பதிவின் போதும் தேர்தல் அதிகாரி பாரபட்சத்துடன் நடந்து கொண்டார். எங்களை அவர் பூத் சிலிப் கொடுக்க அனுமதிக்கவில்லை. ஆனால் தி.மு.க. வினர் உதயசூரியன் சின்னம் பொறித்த பூத் சிலிப் கொடுக்க மனுமதித்தனர்.

தி.மு.க.வினர் நடத்திய முறைகேடுகள் பற்றி நான் கொடுத்த புகார்களை தேர்தல் அதிகாரி கண்டு கொள்ளவில்லை. எனவே கொளத்தூர் தொகுதியில் மு.க.ஸ்டாலின் வெற்றி பெற்றதை செல்லாது என்று அறிவிக்க வேண்டும் என்று கூறியுள்ள துரைசாமி, இதுதொடர்பான வீடியோ ஆதாரங்களையும் தனது மனுவுடன் இணைத்துள்ளார்.




மகனை நினைத்து கதறி அழும் கனிமொழி!

திஹார் சிறையில் அடைக்கப்பட்டுள்ள கனிமொழி, தனது மகனைப் பற்றியே எப்போதும் பேசிக் கொண்டிருக்கிறாராம். மகனை நினைத்து வாடி வரும் அவர் அவ்வப்போது கதறி அழுது விடுகிறாராம்.

2ஜி ஸ்பெக்ட்ரம் ஊழல் வழக்கில் கைதாகியுள்ள கனிமொழி திஹார் சிறையில் அடைக்கப்பட்டு ஒரு மாதத்திற்கும் மேலாகி விட்டது. அவருக்கு உச்சநீதிமன்றம் ஜாமீன் மறுத்து விட்டது. அதுவரை சற்று மனம் தளராமல் தைரியத்துடனும், புன்னகையுடனும் காணப்பட்ட கனிமொழி தற்போது கவலை படர்ந்த முகத்துடன் காணப்படுகிறாராம்.

உச்சநீதிமன்றம் ஜாமீன் மறுத்து விட்டதாலும், மகன் ஆதித்யாவைக் காண முடியாத நிலை ஏற்பட்டிருப்பதாலும், அவனை விட்டுப் பிரிந்து நீண்ட நாட்களாகி விட்டதாலும் பெரும் வருத்தத்திலும், துயரத்திலும் இருக்கிறாராம் கனிமொழி.

தனி செல்லில் தங்கியிருக்கும் கனிமொழி பெரும்பாலான நேரங்களை புத்தகம் படிப்பதிலும், எழுதுவதிலும் கழிக்கிறார். அவ்வப்போது கதறி அழுகிறாராம்.

அவரது முகம் சோகம் படர்ந்து காணப்படுவதாகவும், விரக்தியுடன் அவர் இருப்பதாகவும் சிறை வட்டாரத் தகவல்கள் மேலும் தெரிவிக்கின்றன. அடிக்கடி அழுவதால் அவரது முகம் சோகமயமாக உள்ளதாக கூறும் அத்தகவல்கள், முன்பெல்லாம் அடிக்கடி பேசும் கனிமொழி தற்போது எப்போதாவதுதான் சக கைதிகள் அல்லது அதிகாரிகளுடன் பேசுகிறார். அப்படிப் பேசினாலும் தனது மகனைப் பற்றித்தான் அதிகம் பேசுகிறார் என்கிறார்கள்.

ஸ்பெக்ட்ரம் ஊழலில் சிக்கி கைதாகி சிறையில் அடைக்கப்பட்டுள்ள முன்னாள் அமைச்சர் ராசாவின் நிலை பரவாயில்லை என்கிறார்கள். அவர் தனது சூழ்நிலையை நன்குஉணர்ந்து புரிந்து அதற்குப் பழகிக் கொண்டு விட்டார். இயல்பான நிலையில் அவர் காணப்படுகிறார். உடற்பயிற்சி, இந்தி கற்பது, சக கைதிகளுடன் இணைந்து விளையாடுவது என்று சகஜமான நிலையில் தன்னை வைத்துக் கொண்டுள்ளார். இதனால் மன இறுக்கம் இல்லாமல் இயல்பான நிலையில் இருக்கிறார். ஆனால் கனிமொழியால் சிறை சூழ்நிலையை தாங்கிக் கொள்ள முடியவில்லை. இதனால்தான் அவர் உடைந்து போய்க் காணப்படுகிறார்.

கனிமொழிக்கு டிவியும், கேபிள் இணைப்பும் தரப்பட்டுள்ளது. அதில் 28 சேனல்கள் வருகின்றனவாம். அவ்வப்போது டிவியைப் பார்த்து பொழுது போக்கி வருகிறாராம் கனிமொழி. பெரும்பாலும் செய்திகளையே பார்ப்பாராம்.

திஹார் சிறையில் தனது மகள் உடலில் கொப்புளம் வந்து அவதிப்படுவதாகவும், மோசமான நிலையில் இருப்பதாகவும் திமுக தலைவர் கருணாநிதி சமீபத்தில் கூறியிரு்நதார். ஆனால் திஹார் சிறை செய்தித் தொடர்பாளர் சுனில் குப்தா இதுகுறித்து கூறுகையில், தேசிய மனித உரிமை ஆணையம், டெல்லி உயர்நீதிமன்றம் ஆகியவை திஹார் சிறையின் சூழலை வெகுவாகப் பாராட்டியுள்ளன. சிறைக் கைதிகளின் அனைத்து அடிப்படைத் தேவைகள் குறித்தும் நாங்கள் பெரும் அக்கறை செலுத்தி வருகிறோம்.

எந்தக் கைதியாவது தனக்கு உடல் நிலை சரியில்லை என்றால் உடனடியாக உள்ளேயே உள்ள மருத்துவமனையை அணுகலாம். தேவைப்பட்டால் டாக்டர்கள் செல்லுக்கே நேரில் வந்தும் சிகிச்சை அளிப்பார்கள். இதற்கு யாரிடமும் அனுமதி பெறத் தேவையில்லை. தங்களுக்கு தேவையான மருந்துகளை கைதிகள் நேரடியாக டிஸ்பன்சரிக்குப் போய் வாங்கிக் கொள்ளவும் அனுமதி உள்ளது. கைதிகள் தங்களது மருத்துவத் தேவைகளை சிறைக் கண்காணிபப்பாளரிடம் தெரிவித்தால் அவர் உடனடியாக அதற்கான நடவடிக்கைகளை எடுப்பார் என்றார்.

மேலும் அவர் கூறுகையில், கனிமொழி ஒரு விசாரணைக் கைதி. விசாரணைக் கைதிகளுக்கு திஹார் சிறையில் எந்தக் கைத்தொழிலும் கற்றுத் தரப்படுவதில்லை. எனவே கனிமொழி மெழுகுவர்த்தி செய்ய கற்றுக் கொள்கிறார் என்று மீடியாக்களில் வந்த செய்தி தவறு என்றார்.




மத்திய அமைச்சரவையில் எங்களுக்கு இடம் தந்தது தப்பு!: ப.சிதம்பரம்

நான் உள்பட 60 வயதுக்கு மேற்பட்டவர்களுக்கு மத்திய அமைச்சரவையில் இடம் தரக் கூடாது. எங்களுக்குப் பதில் இளையவர்களை அமைச்சரவையில் சேர்க்க வேண்டும் என்று மத்திய உள்துறை அமைச்சர் ப.சிதம்பரம் கூறியுள்ளார்.

தொலைக்காட்சிக்கு அவர் அளித்துள்ள சிறப்புப் பேட்டியில், அமைச்சரவையில் 40 வயது, 50 வயதானவர்கள் தான் இடம் பெற வேண்டும். நான் உள்பட 60 வயதுக்கு மேற்பட்டவர்கள் விலகி நிற்க வேண்டும். இளைய தலைமுறை மீதும், இளம் அரசியல்வாதிகள் மீதும் எனக்கு நம்பிக்கை அதிகம் உண்டு என்றார்.

ராகுல் காந்தி பிரதமராக வேண்டும் என்று கூறி வரும் காங்கிரஸ் பொதுச் செயலாளர் திக்விஜய் சிங்கின் கருத்துடன் உங்கள் கருத்து ஒத்துப் போவதாக சொல்லலாமா என்று கேட்டதற்கு பதிலளித்த சிதம்பரம், நான் அந்த விஷயத்தைப் பற்றியே பேசவில்லை. ஒவ்வொரு தலைமுறையும் ஒரு தலைவரைத் தருகிறது. ஒவ்வொரு 10 ஆண்டுகளுக்கு ஒருமுறை ஒரு பிரதமர் பதவிக்குத் தகுதியான நபர் கிடைக்கிறார். ராகுல் காந்தி உரிய நேரத்தில் பிரதமரானால் காங்கிரஸ் கட்சி மிகவும் மகிழ்ச்சியடையும் என்றார்.

பிரதமர் மன்மோகன் சிங் ஆட்சி குறித்த கேள்விக்கு பதிலளித்த சிதம்பரம், பிரதமர் மன்மோகன் சிங் இந்த நாட்டை 7 ஆண்டுகளாக மிகச் சிறப்பாக ஆண்டு வருகிறார். அவரது வழிகாட்டுதலில் பல வெற்றிகளையும் சில பிரச்சனைகளையும் சந்தித்து இருக்கிறோம். ஆனால், இன்னும் சிறப்பாக செயல்பட்டிருக்கலாம் என்பதே உண்மை. இந்தக் கருத்தை பிரதமரும் காங்கிரஸ் தலைவர் சோனியாவும் ஏற்பார்கள் என்றே நினைக்கிறேன் என்றார்.

நீங்கள் பிரதமராக விரும்புகிறீர்களா என்ற கேள்விக்கு, எனது மிச்சமுள்ள காலத்தை எப்படி செலவிட வேண்டும் என்பதை நான் அறிவேன். நான் நிறைய படிக்க விரும்புகிறேன். நிறைய பயணம் செய்ய ஆசைப்படுகிறேன். அதைவிட மேலாக எழுதவும் விரும்புகிறேன். எனக்குள் ஒரு எழுத்தாளனும் இருக்கிறார். அருந்ததி ராய் மாதிரி எழுத என்னாலும் முடியும். அருந்ததியின் கருத்துக்களுடன் எனக்கு உடன்பாடே கிடையாது, ஆனால், அவரது எழுத்து நடையை ரசிப்பவன் நான் என்றார்.

விரைவில் நடக்கவுள்ள அமைச்சரவை மாற்றத்தின்போது உள்துறை அமைச்சர் பதவியை தொடர்ந்து வைத்திருக்க ஆசைப்படுகிறீர்களா என்ற கேள்விக்கு, எனக்கு வேறு வழி இருக்கிறதா... எனக்கு வேறு சாய்ஸ் இல்லை என்றே நினைக்கிறேன். இதைப்பற்றி முடிவு செய்ய வேண்டியது இருவர். ஒருவர் காங்கிரஸ் தலைவர். இன்னொருவர் பிரதமர். அவர்களது முடிவுகளை நான் எப்போதும் ஏற்பவன். இந்த நாளோடு நான் உள்துறை அமைச்சர் பதவிக்கு வந்து இரண்டரை வருடங்கள், 25 நாட்கள் ஆகிவிட்டன என்றார் சிதம்பரம்.

அமைச்சரவை மாற்றத்தின்போது சிதம்பரத்தின் இலாகாவும் மாற்றப்படக் கூடும் என்று டெல்லியில் கிசுகிசுக்கள் பரவியுள்ள நிலையில் அவரது இந்தப் பேட்டி மிகுந்த முக்கியத்துவம் பெறுகிறது.




காங்கிரஸுக்குக் கொடுத்த ஆதரவு முடிந்து விட்டது -ஜெயலலிதா

 காங்கிரஸ் கூட்டணிக்கு ஆதரவு கொடுப்பதாக நான் 2010ம் ஆண்டு கூறிய நிலை இப்போது இல்லை. அந்த வாய்ப்பு அப்போதைய சூழ்நிலையை கருத்தில் கொண்டு வழங்கப்பட்ட ஒன்று. இப்போது நிலைமை வெகுவாக மாறி விட்டது. அந்த ஆதரவு வாய்ப்பு இப்போது இல்லை என்று கூறியுள்ளார் முதல்வர் ஜெயலலிதா.

டைம்ஸ் நவ் தொலைக்காட்சிக்கு முதல்வர் ஜெயலலிதா சிறப்பு பேட்டி அளித்துள்ளார். அதில் அவர் கூறியிருப்பதாவது...

காங்கிரஸுக்கு இப்போதும் உங்களது ஆதரவு உள்ளதா?
காங்கிரஸுக்கு ஆதரவு தருவதாக நான் கூறியது 2010ம் ஆண்டு இருந்த சூழ்நிலையின் அடிப்படையில்தான். அது ஒருமுறை கூறப்பட்ட வாய்ப்புதான். இப்போது அது இல்லை. 2010க்குப் பிறகு நிலைமை வெகுவாக மாறி விட்டது. அது அப்போது தரப்பட்ட ஒரு உறுதிமொழி, அவ்வளவுதான்.

நான் தருவதாக கூறிய ஆதரவை காங்கிரஸ் கட்சி ஏன் ஏற்கவில்லை என்பதை காங்கிரஸிடம்தான் கேட்க வேண்டும்.

மேலும், திமுகவுடன் தனது கூட்டணி உறுதியுடன் இருப்பதாக தொடர்ந்து காங்கிரஸ் கட்சி கூறி வருவதையும் கவனத்தில் கொள்ள வேண்டும்.

லோக்சபா தேர்தலில் கூட்டணிகள் மாறுமா?
அரசியலில் எதுவும் நடக்கலாம். லோக்சபா தேர்தலுக்கு முன்பு கூட்டணிகள் மாற வாய்ப்பில்லை என்று கூற முடியாது. அரசியல் கணக்குகள் மாறிக் கொண்டேதான் இருக்கும். அந்தந்த சூழ்நிலையில் உள்ளவற்றைப் பொறுத்துதான் அரசியல் கூட்டணிகள் ஏற்படும்.

அரசியலில் இறுக்கமாக இருப்பது சரிவராது. எங்களைப் பொறுத்தவரை எந்த சூழல் ஏற்பட்டாலும் அதை நாங்கள் சமாளிக்கக் கூடிய வகையில் தயாராகவே இருக்கிறோம்.

3வது அணி ஏற்படுமா?
எதிர்கால அரசியல் சூழ்நிலை குறித்து இப்போதே கூற முடியாது. அரசியல் சூழ்நிலைகளில் மாற்றம் ஏற்படுவது சகஜம். பொறுத்திருந்து பார்ப்போம்.

பாஜகவுடன் கூட்டணி வைப்பீர்களா?
எனக்கு அனைத்துக் கட்சிகளிலும் நல்ல நண்பர்கள் உள்ளனர்.

லோக்பாலில் பிரதமரைச் சேர்க்கலாமா?
நிச்சயம் சேர்க்கக் கூடாது. ஏற்கனவே பிரதமர் ஊழல் பதவி ஊழல் தடுப்புச் சட்டத்தின் கீழ் வருகிறது. லோக்பாலில் பிரதமர் பதவியைச் சேர்த்தால் பிரதமர் அலுவலகம் மீதான நம்பகத்தன்மை போய் விடும். அப்படிப்பட்ட செயலை செய்ய அனுமதிக்கக் கூடாது.

மத்தியில் மீண்டும் தனிக்கட்சி ஆட்சி வரும் என கருதுகிறீர்களா?
அதற்கான வாய்ப்பே இல்லை. ஒரு கட்சி ஆட்சி முறை முடிந்து போய் விட்டது. எந்தக் கட்சியும் தனிப்பெரும்பான்மை பெறும் என நான் கருதவில்லை. எதிர்காலத்திலும் கூட்டணி ஆட்சிகள்தான் வரும்.

மத்திய அரசியலுக்கு வருவீர்களா?
அப்படி எந்த எண்ணமும், லட்சியமும் எனக்கு இல்லை. எனக்கென்று நான் லட்சியங்களை வகுப்பதில்லை. நாட்டுக்காகத்தான் லட்சியங்களை வகுத்து செயல்படுகிறேன்.

தயாநிதி மாறன் நீக்கப்பட வேண்டுமா?
அதை பிரதமர்தான் சொல்ல வேண்டும். ஊழல் செய்தவர்களை நீக்க வேண்டியது, அவர்களுக்கு எதிரான நடவடிக்கைகளை மேற்கொள்ள வேண்டியது பிரதமரின் கடமையும், பொறுப்புமாகும். அதை அவர் செய்ய வேண்டும்.

ப.சிதம்பரம்?
ப.சிதம்பரம் சிவகங்கை தொகுதியில் வெல்லவே இல்லை. அவர் மோசடியான முறையில் வென்றதாக அறிவிக்கப்பட்டார். இது நாட்டுக்கே தெரியும். நாட்டை அவர் மோசடி செய்து விட்டு பதவியில் அமர்ந்துள்ளார். அவர் பதவியில் நீடிப்பது சரியல்ல, பொருத்தமானதல்ல, நியாயமானதல்ல என்றார் ஜெயலலிதா.