திமுக தலைவர் கருணாநிதி வீடு மீது கல்வீச்சு- ஒருவர் கைது

திமுக தலைவர் கருணாநிதியின் கோபாலபுரம் வீட்டில் நள்ளிரவில் ஒரு மர்ம நபர் கல்வீசித் தாக்கியதால் பரபரப்பு ஏற்பட்டது. இதுதொடர்பாக மன நலம் பாதிக்கப்பட்ட ஒருவரை போலீஸார் கைது செய்துள்ளனர்.

திமுக தலைவர் கருணாநிதியின் வீடு கோபாலபுரத்தில் உள்ளது. இந்த வீட்டில் நேற்று நள்ளிரவில் ஒரு மர்ம நபர் கல்வீசித் தாக்கினார். இதனால் பரபரப்பு ஏற்பட்டது. இதையடுத்து அங்கிருந்த பாதுகாவலர்கள் அவரைப் பிடித்து போலீஸில் ஒப்படைத்தனர்.

போலீஸார் அவரைக் கைது செய்து விசாரணை நடத்தினர். அதில் அந்த நபர் மன நலம் பாதிக்கப்பட்டவர் என்று தெரிய வந்ததாம்.