அரசியல் பிரவேசமா? - ஹன்சிகா

தனுசுடன் “மாப்பிள்ளை”, விஜய்யுடன் “வேலாயுதம்” படங்களில் நடித்த ஹன்சிகா மோட்வானி கல்லூரி படிப்பையும் தொடர்ந்தார். “பொலிடிக்கல் சயின்ஸ்” பட்டப்படிப்பில் இறுதியாண்டு படித்து வந்தார். இதன் கடைசி செமஸ்டர் பரீட்சைகள் கடந்த வாரம் நடந்தன. இதற்காக தீவிரமாக படித்து தற்போது பரீட்சையும் எழுதி முடித்து விட்டார். இனி முழுநேர நடிப்பில் ஈடுபடப் போவதாக கூறினார்.

இதுகுறித்து ஹன்சிகா அளித்த பேட்டி வருமாறு:- நான் பட்டப்படிப்பை முடித்து விட்டேன். இனிமேல் இனி சினிமாவில் முழு கவனத்தையும் செலுத்துவேன். தமிழ், தெலுங்கில் எனக்கு நிறைய படவாய்ப்புகள் வருகின்றன. ஆனாலும் நல்ல கேரக்டர்களை தேர்வு செய்து நடிக்கிறேன்.

“பொலிடிக்கல் சயின்ஸ்” பாடத்தை எடுத்து படித்ததால் எனக்கு அரசியல் ஆர்வம் இருக்கிறது, அரசியல் நிகழ்வுகளை கவனித்து வருகிறேன். அரசியலில் ஈடுபடுவேனா என்பதை இப்போது சொல்ல முடியாது. எதிர் காலத்தில் எதுவும் நடக்கலாம்.

இவ்வாறு ஹன்சிகா கூறினார்.