விஷ்ணுவர்த்தனுடன் யுவன் மோதலா?

அறிந்தும் அறியாமலும், பட்டியல், சர்வம், பில்லா போன்ற வெற்றிப் படங்களை இயக்கிய இயக்குனர் விஷ்ணுவர்த்தன் அடுத்ததாக அஜித்தை வைத்து ஒரு படம் எடுக்க இருக்கிறார். இத்திரைப்படத்திற்கு யுவன் சங்கர் ராஜா தான் இசையமைப்பார் என கூறப்பட்டு வந்தது.

இந்நிலையில், விஷ்ணுவர்த்தனுக்கும் - யுவன் சங்கர் ராஜாவுக்கும் இடையே ஏதோ பிரச்னை என்றும் அதனால் அஜித்தை வைத்து அவர் எடுக்கும் படத்திற்கு யுவன் இசையமைக்க மாட்டார் என்றும் தகவல்கள் வெளியாகியிருக்கின்றன. ஆனால் இதைப் பற்றி விஷ்ணுவர்த்தனிடம் கேட்டால், அவரோ வேண்டாதவர்கள் சிலர் கிளப்பி விட்ட புரளி என்கிறார். யுவன் சங்கர் ராஜாவோ அறிந்தும், அறியாத மாதிரி பிரச்னைகளை பட்டியலிடாமல் மவுனம் காக்கிறார். நெருப்பு இல்லாமல் புகையாது!