ஒபாமா வாயில் விரலைவிட்டு ஆட்டிய குழந்தை

கிறிஸ்துமஸ் தினத்தன்று அமெரிக்க அதிபர் ஒபாமா சிரித்தபோது 8 மாத குழந்தை ஒன்று அவர் வாயில் விரலைவிட்டு ஆட்டியது குழந்தையின் தாய்க்கு வெட்கமாகிவிட்டது.

கிறிஸ்துமஸ் தினத்தன்று ஹவாய் தீவில் நடந்த கொண்டாட்டத்தில் அமெரிக்க அதிபர் பாரக் ஒபாமா கலந்து கொண்டார். அப்போது அஙகு கூடியிருந்த பலர் அவருடன் புகைப்படம் எடுத்துக்கொண்டனர். அதே போன்று கேப்டன் கிரெக் வாக்னர் என்பவர் தனது மனைவி மெரிடித் வாக்னர் மற்றும் 8 மாத குழந்தை கூப்பருடன் ஒபாமாவுடன் புகைப்படம் எடுத்துக்கொள்ள வந்து நின்றார்.

அனைவரும் கேமராவுக்கு போஸ் கொடுத்துக் கொண்டிருந்தபோது கூப்பர் தனக்கு அருகில் நின்று கொண்டிருந்த ஒபாமாவின் வாயில் தனது விரலைவிட்டு ஆட்டினான். அதைப் பார்த்த கூப்பரின் தாய்க்கு அவமானமாகப் போய்விட்டது. உடனே தனது குழந்தையின் கையைப் பிடித்து இழுத்தார். ஆனால் ஒபாமா குழந்தையைப் பார்த்து புன்னகைத்தார்.

ஒரு வேளை அவன் என் பெரிய மூக்கைப் பார்த்து அதைப் பிடிக்க வந்திருப்பான் என்று அவர் தெரிவித்தார். இத்தனை நடந்தது தெரியாமல் குழந்தையின் தந்தை சின்சியராக போட்டோவுக்கு போஸ் கொடுத்துக் கொண்டிருந்தார்.