பிரதமருடன் விருந்து; ரத்தன் டாட்டாவுடன் விருந்து : தனுஷ் பெருமிதம்

தனுஷ் எழுதி பாடிய கொலைவெறி பாடல் உலகம் முழுவதும் பிரபலமாகி உள்ளது. “3” படத்தில் இடம் பெறும் இப்பாடலை இன்டெர்நெட்டில் லட்சக்கணக்கான ரசிகர்கள் கேட்டுள்ளனர். இந்திய பிரபலங்களையும் இப்பாடல் கவர்ந்துள்ளது. அனைத்து மாநிலங்களில் இருந்தும் தனுசுக்கு பாராட்டுகள் குவிகிறது. இந்த நிலையில் பிரதமர் விருந்தில் பங்கேற்கவும் அழைப்பு வந்தது தனுசுக்கு இரட்டிப்பு சந்தோஷத்தை ஏற்படுத்தி உள்ளது. இது குறித்து அவர் கூறியதாவது:-

கொலைவெறிடி பாடல் என் வாழ்க்கையில் திருப்பு முனையை ஏற்படுத்தி உள்ளது. இந்தியா முழுவதும் இருந்து பிரபலங்கள் விருந்துக்கு அழைக்கின்றனர். எல்லாவற்றையும் விட மேலாக பிரதமர் அலுவலகத்தில் இருந்து அழைப்பு வந்தது. பிரதமர் அலுவலகத்தில் இருந்து பேசியவர் பிரதமர் வீட்டில் ஐப்பான் பிரதமருக்கு அளிக்கப்படும் விருந்தில் பங்கேற்க வருமாறு என்னை அழைத்ததும் என்னால் நம்ப முடியவில்லை.

தொழில் அதிபர் ரத்தன் டாட்டாவுடன் அவர் வீட்டில் விருந்து சாப்பிட்டதும் மறக்க முடியாத அனுபவம். பள்ளியில் பாட புத்தகத்தில் அவரைப் பற்றி படித்து உள்ளேன். இன்று அவரோடு விருந்து சாப்பிட்டது ரொம்ப மகிழ்ச்சியாக இருந்தது.

இவ்வாறு தனுஷ் கூறினார்.