வெற்றி மாறன் அடுத்து இயக்க இருக்கும் படமான 'வட சென்னை' படத்தில் நாயகனாக நடிக்க ஒப்பந்தம் ஆகியிருக்கிறார் சிம்பு. இதுவரை ராணா, ஆண்ட்ரியா மட்டுமே இப்படத்தில் சிம்பு உடன் நடிப்பது உறுதியாகி இருக்கிறது.
வேறு யார் எல்லாம் நடிக்க இருக்கிறார்கள் என்பது குறித்து எந்த ஒரு தகவலும் வெளியாகவில்லை. இந்நிலையில் சிம்பு இப்படத்தில் ஒப்பந்தமாகி இருப்பது குறித்து தனது ஃபேஸ்புக் இணையத்தில் " சிறந்த இயக்குனருக்கான தேசிய விருது வென்ற வெற்றிமாறன் இயக்கத்தில் நடிக்க ஒப்பந்தமாகி இருக்கிறேன். க்ளவுட் நைன் மூவிஸ் தயாரிக்க இருக்கிறது.
இது ஒரு கேங்ஸ்டர் படம். எனது திரையுலக வாழ்வில் முதன் முறையாக இந்த மாதிரியான பாத்திரத்தில் நடிக்க இருக்கிறேன். மார்ச் 2012 முதல் படப்பிடிப்பு துவங்க இருக்கிறது.
அதற்கு முன்னர் உங்களை 'ஒஸ்தி' வேலனாக சந்திக்க இருக்கிறேன். டிசம்பர் 8ம் தேதி இப்படம் வெளியாக இருக்கிறது. நீங்க இல்லாம நான் இல்ல. " என்று தெரிவித்துள்ளார்.
No comments:
Post a Comment