சிங்கம் 2: சூர்யா ஜோடி ?

சூர்யா, அனுஷ்கா நடித்த சிங்கம் படம் வெற்றி பெற்றதையடுத்து இயக்குனர் ஹரி அதன் இரண்டாம் பாகத்தை எடுக்கவிருக்கிறார். இதில் அனுஷ்காவுக்கு பதில் அமலா பால் நடிப்பார் என்று கூறப்படுகிறது.

வேட்டைப் படத்தில் நடித்து வரும் அமலா பால் ஒரே குஷியாகக் காணப்படுகிறார். காரணம் இயக்குனர் ஹரி சிங்கம் படத்தின் இரண்டாம் பாகத்தை எடுக்கிறாராம். அதில் அனுஷ்காவை தூக்கிவிட்டு அவருக்கு பதில் அமலா பாலை நடிக்க வைக்கத் திட்டமிட்டுள்ளாராம்.

ஆனால் சிங்கம் படத்தில் நடித்த அனைவரும் இரண்டாம் பாகத்தில் இருப்பார்களா என்று தெரியவில்லை. ஹீரோ சொல்லத் தேவையில்லை சூர்யா தான்.

லிங்குசாமியை சந்தித்த ஹரி அமலா பாலின் வேட்டை படத்தின் புகைப்படங்களைப் பார்த்துள்ளார். உடனே என் சிங்கம் 2 பட நாயகி இவர் தான் என்று முடிவு செய்துவிட்டாராம்.

அமலா பாலும், அனுஷ்காவும் நெருக்கமான தோழிகள். தனது கதாபாத்திரத்தில் தோழி அமலா நடிப்பது பற்றி அனுஷ்கா என்ன நினைக்கிறாரோ?