சிம்பு, ரிச்சா நடித்து வரும் படம் 'ஒஸ்தி'. தரணி இயக்க, தமன் இசையமைத்து வருகிறார். பாலாஜி ரியல் மீடியா தயாரித்து வருகிறது. 'டபாங்' இந்தி படத்தின் ரீமேக் தான் 'ஒஸ்தி'.
இப்படத்தின் பாடல்கள் இசை விமர்சகர்களிடையே வரவேற்பை பெற்றுள்ளன. படத்தின் டிரெய்லரை பார்த்தவர்கள், சிம்பு நடிப்பில் ஒரு கமர்ஷியல் காக்டெய்ல் காத்திருக்கிறது என்று கருத்து தெரிவித்து வருகிறார்கள்.
இந்நிலையில் இப்படத்தின் டிரெய்லரை பார்த்த இயக்குனர் தரணியின் நெருங்கிய நண்பர்களான விஜய் மற்றும் விக்ரம் இருவரும் தரணியை பாராட்டியுள்ளனர்.
இது குறித்து இயக்குனர் தரணி " விஜய், விக்ரம் இருவருமே 'ஒஸ்தி' படத்தின் டிரெய்லரை பார்த்து விட்டு என்னை பாராட்டினார்கள். அவர்கள் இருவருமே பட டிரெய்லர் மிக பிரம்மாண்டமாகவும் அனைத்து தரப்பு மக்களையும் கவரும் விதத்தில் அமைந்து இருப்பதாகவும் கூறினர். அவ்வளவு பெரிய நடிகர்கள் எனது படத்தை பாராட்டியது என்னை வியக்கவைத்தது " என்று தெரிவித்துள்ளார்.
விஜய், விக்ரம் இருவருக்குமே படத்தின் டிரெய்லர் பிடித்து இருப்பதால் கண்டிப்பாக தமிழக மக்களிடையே படம் வரவேற்பை பெறும் என்று மிகுந்த நம்பிக்கையில் இருக்கிறார் இயக்குனர் தரணி.
No comments:
Post a Comment