முன்னாள் கவர்ச்சி நடிகை விசித்ராவின் தந்தை வில்லியம்ஸ், முகமூடிக் கொள்ளையர்களால் படுகொலை செய்யப்பட்டார். அவரது தாயாரைத் தாக்கிய கொள்ளையர்கள் அவர் அணிந்திருந்த நகைகளை திருடிக் கொண்டு தப்பினர்.
நடிகை விசித்ராவுக்குச் சொந்தமான பண்ணை வீடு காஞ்சிபுரம் மாவட்டம் சுங்குவார்சத்திரம் அருகே செல்லம்பட்டறை என்ற இடத்தில் உள்ளது.இங்கு தனது மனைவி வசந்தியுடன், விசித்ராவின் தந்தை வில்லியம்ஸ் வசித்து வந்தார்.
நேற்று நள்ளிரவில் இங்கு முகமூடி அணிந்த சிலர் புகுந்தனர். அங்கிருந்த வில்லியம்ஸையும், வசந்தியையும் அவர்கள் தாக்கியுள்ளனர். இதில் படுகாயமடந்து இருவரும் விழுந்தனர். இந்தத் தாக்குதலில் வில்லியம்ஸ் மரணமடைந்தார்.
மயங்கி விழுந்த வசந்தி அணிந்திருந்த 20 பவுன் தங்க நகைகள் மற்றும் வீட்டில் இருந்த ரூ.10,000 பணம் ஆகியவற்றை திருடிக் கொண்டு கொள்ளையர்கள் தப்பி விட்டனர்.
இன்று பிற்பகலில்தான் இந்த கொலை மற்றும் கொள்ளை குறித்து போலீஸாருக்குத் தெரிய வந்தது. இதையடுத்து அங்கு போலீஸார் விரைந்தனர். வில்லியம்ஸின் உடலைக் கைப்பற்றிய போலீஸார் பிரேதப் பரிசோதனைக்காக ஸ்ரீபெரும்புதூர் அரசு மருத்துவமனைக்கு அனுப்பி வைத்தனர். வசந்தியும் அரசு மருத்துவமனையில் சிகிச்சைக்காக சேர்க்கப்பட்டுள்ளார்.
இந்த சம்பவம் தொடர்பாக சுங்குவார்ச்சத்திரம் போலீஸார் வழக்குப் பதிவு செய்து விசாரணை நடத்தி வருகின்றனர்.
No comments:
Post a Comment