என்னை கொல்லுறாங்க.. என்னை கொல்லுறாங்க... : அழகிரியின் நண்பர் கதறல்

மதுரையில் மு.க. அழகிரியின் நண்பரும், சினிமா பைனான்ஸியரும், இளையராணி-மகாராணி தியேட்டரின் அதிபருமான மின்னல்கொடி, உசிலம்பட்டி கணேஷன் கொடுத்து நிலப்புகாரில் கைது செய்யப்பட்டு மதுரை சிறையில் அடைக்கப்பட்டிருக்கிறார்.

இவரை மதுரை குற்றப்பிரிவு போலீசார்,  7 நாள் போலீஸ் கஷ்டடியில் எடுத்து விசாரிக்க ஜேஎம்-2 நீதிமன்றத்தில் மனு தாக்கல் செய்தனர்.

நீதிபதி உமாமகேஷ்வரி, 2 நாள் காவலில் எடுத்து விசாரிக்க அனுமதி தந்தார். 

அப்போது மின்னல்கொடி,   ‘’என்னை போலீஸ் கஷ்டடிக்கு அனுப்பாதீங்க.   அய்யோ நான் செத்துப்போயிடுவேன்’’ என்று கதறினார்.

உடனே நீதிபதி,  அப்படியெல்லாம் எதுவும் ஆகாது.  விசாரணைக்கு சென்றுவாருங்கள் என்று கூறினார்.

வெளியே வந்து வேனில் ஏறும்போது, ‘’என்னை கொல்லுறாங்க...என்னை கொல்லுறாங்க...நல்லா வசதியா வாழ்ந்தேனே..என்னை கொல்லுறாங்க..’’என்று கதறினார் மின்னல்கொடி.