பாலியல் புகார் சோனாவுக்கு திடீரென நெஞ்சுவலி : மருத்துவமனையில் அனுமதி!

பார்ட்டிக்கு போன தன்னை பாலியல் பலாத்காரம் செய்ததாக நடிகரும், தயாரிப்பாளருமான எஸ்.பி.சரண் மீது பிரபல கவர்ச்சி நடிகை சோனா பரபரப்பு புகார் கொடுத்து, சரண் மீது வன்கொடுமை சட்டம் பாய்ந்துள்ள நிலையில், சோனாவுக்கு திடீரென நெஞ்சுவலி ஏற்பட்டு மருத்துவமனையில் அனுமதிக்கப்பட்டுள்ளார்.

எஸ்.பி.பி.சரண் மீது பாலியல் புகார் கொடுத்த பின்னர் மன நிம்மதி இல்லாமல் இருந்துள்ளார் சோனா. இதன் காரணமாக வீட்டில் தங்காமல், சென்னை நுங்கம்பாக்கத்தில் உள்ள ஒரு நட்சத்திர ஓட்டிலில் தங்கியிருந்ததாக கூறப்படுகிறது. இந்நிலையில் சோனாவுக்கு திடீரென நெஞ்சுவலி ஏற்பட்டது. இதனையடுத்து உடனடியாக ஓட்டல் ஊழியர்கள் சோனாவை தி.நகரில் உள்ள மருத்துவமனை ஒன்றில் சேர்த்தனர். அங்கு சோனாவை பரிசோதித்த டாக்டர்கள் அவருக்கு லேசான நெஞ்சுவலி ஏற்பட்டு இருப்பதாக கூறினார்கள். சோனாவுக்கு தொடர்ந்து சிகிச்சை அளிக்கப்பட்டு இருக்கிறது. ஏற்கனவே சோனா ஒரு இதய நோயாளி என்பது குறிப்பிடத்தக்கது.