இன்று மாலை 3 மணிக்கு ராம்லீலா மைதானம் வருகிறார் ஹசாரே

அன்னா ஹசாரே மற்றும் குழுவினருக்கும், மத்திய அரசிற்கும் இடையே நடந்த பேச்சசுவார்த்தையில் சுமூக நிலை எட்டியதை தொடர்ந்து ஹசாரே திகார் சிறையிலிருந்து இன்று வெளியே வருவார் என்று எதிர்பார்க்கப்படுகிறது.

ஹசாரேவின் கோரிக்கைகளை மத்திய அரசு நிறைவேற்றுவதாக அறிவித்துள்ளது. அதன்படி, ஹசாரே, டில்லி ராம்லீலா மைதானத்தில் 15 நாட்கள் உண்ணாவிரதப் போராட்டம் நடத்துவதற்கு போலீஸ அனுமதி அளித்துள்ளது. இது தொடர்பாக எழுத்துபூர்வமாக அளித்த அனுமதியின் பேரில், இன்று அன்னாஹசாரே திகார் சிறையிலிருந்து வெளியேறி மாலை 3 மணிக்கு ராம்லீலா மைதானம் செல்கிறார் என அரவது ஆதரவாளர்கள் தெரிவித்துள்ளனர்.

வலுவான லோக்பால் மசோதாவை நிறைவேற்ற வலியுறுத்தி, அன்னா ஹசாரேவும், அவரது குழுவினரும், சுதந்திர தினத்திற்கு மறுநாள் (16.08.2011) உண்ணாவிரதம் இருக்கப் போவதாக அறிவித்திருந்தனர். தடையை மீறி, உண்ணாவிரதத்திற்கு செல்ல இருந்த அன்னா ஹசாரேயையும், அவரது குழுவினரையும் போலீசார் கைது செய்து, திகார் சிறையில் அடைத்தனர்.