கிரேசி- கமல் கூட்டணியில் புதிய படம்

கிரேசி மோகன், கமல் கூட்டணி என்றாலே அப்படத்தில் நக்கல், நையாண்டி, நகைச்சுவை என அனைத்து அம்சங்களும் நிறைந்த வசனங்களால் படம் தூள் கிளப்பும்.

உதாரணத்திற்கு அவ்வை சண்முகி, வசூல்ராஜா எம்.பி.பி.எஸ்., ஆகிய படங்களின் மூலமாக அனைவரையும் வயிறு குலுங்க சிரிக்க வைத்த கூட்டணி.

தற்போது மீண்டும் கமல், பிரபு, கிரேசி மோகன் ஆகியோர் கூட்டணியில் ஒரு படம் உருவாகவிருக்கிறது. இப்படத்திற்கு நண்பர்களும் 40 திருடர்களும் என பெயரிட்டுள்ளனர். இப்படத்தை செய்யாறு ரவி இயக்குகிறார். சிவாஜி புரொடக்ஷன்ஸ் தயாரிக்க, தேவி ஸ்ரீபிரசாத் இசையமைக்கிறார்.

கமல் தற்போது நடிக்கும் விஸ்வரூபம் படத்தை வெளியிட்ட அடுத்த மூன்று மாத கால இடைவெளிக்குள் இப்படத்தை வெளியிட முடிவு செய்திருக்கிறார்கள்.

அதற்காக இப்படத்தின் கதை மற்றும் திரைக்கதை அமைக்கும் பணியில் தீவிரமாக இறங்கியிருக்கின்றனர் படக்குழுவினர். அடுத்து ஆண்டு ஆகஸ்ட் முதல் இப்படத்தின் படப்பிடிப்புகள் ஆரம்பமாக உள்ளன.