ஜெயராமுடன் கமல் இணையும் அன்புள்ள கமல்

தெனாலி, பஞ்சதந்திரம் ஆகிய படங்களை அடுத்து மலையாள நடிகர் ஜெயராமுடன் உலக நாயகன் கமலஹாசன் நடித்த படம் போர் பிரண்ட்ஸ்.

மலையாளப் படமான போர் பிரண்ட்ஸ் அங்கு அபார வெற்றி பெற்றது. இப்படத்தில் கமல் ஒரு முக்கிய கதாபாத்திரத்தில் கெஸ்ட் ரோல் பண்ணியிருக்கிறார்.

இப்படத்தை அன்புள்ள கமல் என்ற பெயரில் மொழிமாற்றம் செய்து வெளியிடப் போவதாக தகவல்கள் வெளியாகியுள்ளன.

மலையாளத்தில் மெகா ஹிட்டான இப்படம் தமிழிலும் வெற்றியைக் குவிக்கும் என எதிர்பார்க்கப்படுகிறது. இப்படத்தில் கமலுடன் ஜெயராம், ஜெயசூர்யா, குஞ்சாக்கோ போபன், மீரா ஜாஸ்மின் உட்பட பலர் நடித்துள்ளனர்.

இப்படத்தை சாஜி சுரேந்திரன் இயக்கியிருக்கிறார்.