கோவையை அடுத்துள்ளது சரவணம்பட்டி. இங்குள்ள சோதனைச் சாவடியில் இன்ஸ்பெக்டர் சுரேஷ் மற்றும் போலீசார் இன்று (21/08/2011) மதியம் திடீர் வாகன சோதனை மேற்கொண்டனர். அப்போது மோட்டார் சைக்கிளில் ஒரு வாலிபர் வேகமாக வந்தார். மோட்டார் சைக்கிளை நிறுத்துமாறு போலீசார் சைகை காட்டினார்கள்.
சந்தேகப்படும்படியான அவரிடம் தீவிர விசாரணை நடத்தினார்கள். அப்போது அவர் பிரபல விபசார கும்பலின் புரோக்கர் என்பது தெரிய வந்தது. இதைத் தொடர்ந்து அவரை போலீசார் கைது செய்தனர். கைதானவர் திண்டுக்கல் அருகே உள்ள கணக்கம்பட்டியை சேர்ந்த சீனிவாசன் (வயது 37) என்பது தெரிய வந்தது. மேலும் அவர் குரும்பபாளையத்தில் பங்களாவை வாடகைக்கு எடுத்து வெளிமாநில அழகிகள் மற்றும் துணை நடிகைகளை வைத்து விபசாரம் செய்ததும் உறுதியானது.
அவர் கொடுத்த தகவலின் பேரில் குரும்ப பாளையத்தில் உள்ள பங்களாவுக்கு போலீசார் விரைந்து சென்றனர். முன் கூட்டியே இதை தெரிந்துகொண்ட அழகிகளும், துணை நடிகைகளும் அங்கிருந்து தப்பி ஓடிவிட்டனர். அவர்களை போலீசார் தீவிரமாக தேடிவருகின்றனர்.
No comments:
Post a Comment