அமெரிக்க அதிபர் பராக் ஒபாமா, சர்வதேச விண்வெளி ஆய்வு மையத்திற்கு போன் செய்து பீசா ஆர்டர் செய்த சம்பவம் உலக மக்கள் அனைவரையும் மிகுந்த அதிர்ச்சிக்குள்ளாக்கி உள்ளது. இந்த விஷயத்தை ஒபாமாவே சொல்லியிருப்பது மேலும் ஆச்சரியத்திற்குள்ளாக்கி உள்ளது. வெள்ளை மாளிகையில் நடைபெற்ற நாட்டின் கடன் குறித்த கருத்தரங்கிற்கு பிறகு பத்திரிகையாளர்களை சந்தித்தார் ஒபாமா. அப்போது அவர் கூறியதாவது, பீசா சாப்பிடும் ஆசையில், போனை எடுத்து நம்பரை டயல் செய்தேன். ஆனால் எதிர்பாராதவிதமாக, அந்த அழைப்பு, சர்வதேச விண்வெளி ஆய்வுமையத்திற்கு சென்றுவிட்டது. இதனை அறியாத நான், பீசா வேண்டும் என்று கூறினேன். அப்போது அங்கு பெரும் சிரிப்பலையை கேட்டேன். அப்போதுதான் தான் தவறாக நம்பரை டயல் செய்ததை அறிந்தேன். உடனே சுதாரித்துக் கொண்ட நான், சர்வதேச அளவில் அனைத்துத் துறைகளிலும் சிறந்து விளங்கும் அமெரிக்க ஐக்கிய நாடுகள் விண்வெளி ஆராய்ச்சி பிரிவிலும் சிறந்து விளங்கி வருகிறது. இதற்காக, விண்வெளி ஆய்வு மையத்தில் ஆய்வில் ஈடுபட்டுள்ள விஞ்ஞானிகளுக்கு பாராட்டு தெரிவித்தேன். விஞ்ஞானிகளின் இந்த முயற்சி, விண்வெளி ஆய்வு பிரிவில் அடுத்த பரிமாணத்தை ஏற்படுத்த உள்ளதாக அவர் தெரிவித்தார்.
No comments:
Post a Comment