தனுஷ் பிறந்தநாள் ஸ்பெஷல்!

நடிகர் தனுஷ்  இன்று (ஜுலை 28)ம் தேதி தனது 28-வது பிறந்த கொண்டாடுகிறார் . அவரைப் பற்றிய சில தகவல் துளிகள்

* இயற்பெயர் வெங்கட்பிரபு. ஏற்கனவே 'பிரபு' என்ற பெயரில் நடிகர் இருந்ததால், 'தனுஷ்' ஆனார்.

* அவரது தந்தை கஸ்தூரிராஜா தயாரிக்க, 'துள்ளுவதோ இளமை' படத்தின் மூலம் அறிமுகம் ஆனார். 'காதல் கொண்டேன்' படத்தில் அவர் நடித்த பாத்திரத்திற்கு கிடைத்த வரவேற்பு, தமிழ்த்திரையுலகில் அவருக்கான இடத்தை ஊர்ஜிதம் செய்தது.

* 'திருடா திருடி' படத்தின் மூலமாக வசூல் மற்றும் வரிசையாக வெற்றி படங்கள் என முன்னணி நடிகராக வலம் வர தொடங்கினார். அப்படத்தில் இடம்பெற்ற' மன்மத ராசா' தமிழ்நாட்டின் பட்டி தொட்டி எங்கும் ஒலித்தது.

* நடித்த முதல் மூன்று படங்களும் சூப்பர் ஹிட்.!

* நடிக்க வருவதற்கு முன் SNOOKER போட்டி எங்கு நடைபெற்றாலும் அதில் கலந்து கொள்ளும் முதல் போட்டியாளர் தனுஷ் தான்

* திரைத்துறையில் தனுஷிற்கு நண்பர்கள் என யாரும் கிடையாது. பார்த்தால் பேசிக் கொள்வார்கள் அவ்வளவு தான்.

* பார்ட்டி, பப் என எங்கும் போக மாட்டார்.  தனிமை விரும்பி.

* தமிழ் திரையுலகில் ஒரு கேங்ஸ்டர் ஒருவரின் கதை என்ற வகையில் படங்களை தேர்வு செய்தால் அதில் இவரது நடித்த 'புதுப்பேட்டை' ஒரு முக்கியமான படம்.

* பல கதாநாயகர்கள் தற்போது 6 பேக் வைத்து நடித்துக் கொண்டிருக்கிறார்கள். அதை தான் நடித்த 'பொல்லாதவன்' படத்தின் மூலம் ஆரம்பித்து வைத்தவர் தனுஷ்.

* திருமணம் ஆனவுடன் ரஜினி கொடுத்த ருத்ராட்சையை கழுத்தில் அணிந்து இருக்கிறார். படங்களில் நடிக்கும்போது கூட அவர் அதை கழட்டியது இல்லை.

* 'ஆடுகளம்' படத்திற்காக  தேசிய விருது. தேசிய விருது பெறும் முதல் இளவயது நடிகர் தனுஷ் என்பது அவரது ரசிகர்களுக்கான ஸ்பெஷல் தகவல்.

* தனது மாமனார் ரஜினி மீது தனிப்பாசம் உண்டு. தனக்கு தேசிய விருது கிடைத்த போதும் மாமனாருக்கு உடல்நிலை சரியில்லாத காரணத்தால் அக்கொண்டாட்டத்தை தவிர்த்தார்.

 * தமன்னா, ஸ்ரேயா, சோனியா அகர்வால் ஆகிய மூவரும் தனுஷுடன் இணைந்து இரண்டு படங்களில் நடித்து இருக்கிறார்கள்.

* சுப்பிரமணியம் சிவா, செல்வராகவன், மித்ரன் ஜவஹர், வெற்றி மாறன் ஆகிய இயக்குனர்களின் முதல் ஹீரோ இவர் தான்.

* இவர் நடித்தவற்றில் 'யாரடி நீ மோகினி', 'குட்டி', 'உத்தம புத்திரன்', 'சீடன்' ஆகியவை ரீமேக் படங்கள்.

* 'சீடன்', 'குசேலன்'  என இரண்டு  படங்களில் கெளரவ வேடத்தில் நடித்து இருக்கிறார்.

* இப்போது தனது அண்ணன் செல்வராகவன் இயக்கத்தில் 'இரண்டாம் உலகம்' என்னும் படத்தில் நடித்து வருகிறார்.

* விரைவில் தனது மனைவி ஐஸ்வர்யா தனுஷ் இயக்கத்தில் ஒரு அழகான காதல் கதையில் நடிக்க இருக்கிறார். இவர்களுக்கு யாத்ரா, லிங்கா என இரண்டு ஆண் குழந்தைகள்.

அவருக்கு பிறந்தநாள் வாழ்த்து கூற நினைப்பவர்கள் இங்கு கூறலாம்.