'பிட்' படம் வாங்கல்லியோ பிட் படம் : வாங்க ஆளில்லை...!

'பிட்' படமெடுப்பவர்களின் பாடு இனி திண்டாட்டம்தான் போலிருக்கிறது. செய்தித்தாளை திறந்தாலே விளம்பரங்களில் நம்மை கடித்துவிடுவது போல ஒரு பெண் காமப் பார்வையோடு நிற்பாள். இது மாதிரியான புகைப்படங்களை போட்டு, வா மாப்ளே உள்ளே என்று படிக்கிற மாணவர்களை கூட தியேட்டருக்குள் அழைக்கிற கூட்டம் பெருகிக் கொண்டே போனது கோடம்பாக்கத்தில். வேடிக்கை என்னவென்றால் இவர்கள் அத்தனை பேரும் து£ய தமிழில் பெயர் வைத்து, வரிவிலக்கும் வாங்கிக் கொண்டிருந்தார்கள்.

சில தினங்களுக்கு முன் அரசு அறிவித்துள்ள வரிவிலக்கு கொள்கையால் திணறிப் போயிருப்பவர்களும் இவர்கள்தான். சுமார் இருபது படங்கள் சுட சுட எடுக்கப்பட்டு பெட்டியில் இருக்கின்றன. இவற்றையெல்லாம் ரிலீஸ் செய்ய விலை பேசிக் கொண்டிருந்த இவர்களுக்குதான் சரியான சூடு வைத்திருக்கிறது அரசு.

இந்த அறிவிப்பு வந்த நாளில் இருந்தே தியேட்டர்காரர்கள் யாரும் இந்த தயாரிப்பாளர்களை சீண்டுவதில்லையாம். தேவையில்லாம வரி கட்டணும். வேண்டாம்ப்பா உன் படம் என்கிறார்களாம் அவர்கள். அதுமட்டுமல்ல, பொது இடங்களில் போஸ்டர் ஒட்டுவதற்கு கூட கட்டுப்பாடு விதித்திருக்கிறது போலீஸ். இவ்வளவு கெடுபிடிகளை தாண்டி படத்தை வெளியிட்டால் வருகிற வருமானத்தை வரியே சுரண்டிக் கொள்ளுமே என்ற அச்சமும் தலைவிரித்தாடுகிறது தியேட்டர்காரர்கள் முகத்தில்.

எப்படியோ, இதுபோன்ற படங்கள் ஓழிந்தால் சரி...