மலேசியாவை சேர்ந்த மைக்கேல் ராணா என்பவர் ஈவன்ட் மேனேஜ்மென்ட் நிறுவனம் நடத்தி வருகிறார். இவர் கடந்த சில மாதங்களுக்கு முன் வடிவேலுவை சந்தித்து மலேசியாவில் நடக்கும் ஒரு நிகழ்ச்சிக்கு வரச்சொல்லி அழைத்தாராம். இதற்காக பத்து லட்சம் சம்பளம் பேசப்பட்டுள்ளது. அட்வான்ஸ் தொகையாக ரூபாய் நான்கு லட்சம் வழங்கியிருந்தாராம்.
ஆனால் எதிர்பாராத விதமாக இந்த நிகழ்ச்சி இரண்டு முறை தேதி குறிப்பிடப்பட்டு நடத்த இயலாமல் போய்விட்டது. தமிழகத்திலிருந்து இதுபோன்ற நடிகர் நடிகைகளை அழைக்க முப்பது லட்சத்தையும், மலேசியாவில் இந்த நிகழ்ச்சி தொடர்பாக முப்பது லட்சத்தையும் செலவு செய்துவிட்ட அவர், பெரும் பண நெருக்கடியில் சிக்கிவிட்டாராம். எப்படியாவது நிகழ்ச்சியை நடத்திவிட வேண்டும் என்று துடிக்கிறாராம்.
ஆனால் வடிவேலு தனக்கு கொடுக்கப்பட்ட அட்வான்ஸ் தொகையை திரும்ப தர முடியாது என்று கூறிவிட்டதாக தெரிகிறது. இரண்டு முறை நிகழ்ச்சியை கேன்சல் செய்ததால் அப்பணம் அதற்கு ஈடாகிவிட்டது என்று கூறிவிட்டாராம்.
இது தொடர்பாக இணையதள ஆசிரியர் ஒருவர் வடிவேலுவை தொடர்பு கொண்டதாக கூறப்படுகிறது. அப்புறம் நடந்ததுதான் அதிர்ச்சி. சென்னை நகர போலீஸ் கமிஷனர் திரிபாதியை சந்தித்தார் வடிவேலுவின் மேனேஜர் சங்கர். அப்போது வடிவேலு சார்பாக புகார் மனு ஒன்று கொடுக்கப்பட்டது. அதில், இணையதள ஆசிரியர் ஒருவர் தன்னிடம் 45 லட்சம் பணம் கேட்டு மிரட்டுவதாகவும், அவர் மீது நடவடிக்கை எடுக்கும்படியும் கூறப்பட்டுள்ளது.
காக்காய் உட்கார பனம் பழம் விழுந்தால் பரவாயில்லை. அல்லது விழாவிட்டாலும் பரவாயில்லை. ஆனால் காக்காயே தலைகுப்புற விழுந்தால் என்னாவது?
No comments:
Post a Comment