சமச்சீர் கல்வி விவகாரத்தால் பள்ளி மாணவ, மாணவிகளின் கல்வி பாதிக்கப்பட்டுள்ளது. பாட புத்தகம் வழங்காததால் போஸ்ட் ஆபீஸ், வங்கிகள் செயல்பாடு ஆகியவற்றை தெரிந்து கொள்ள மாணவர்களை ஆசிரியர்கள் களப்பயணம் அழைத்துச் செல்கின்றனர். இந்நிலையில் கிருஷ்ணகிரி மாவட்டம் ஊத்தங்கரை அரசு ஆண்கள் மேல்நிலைப் பள்ளி மாணவர்களுக்கு ‘ராணுவ உளவாளிÕ என்ற விழிப்புணர்வு படம் காட்ட ஆசிரியர்கள் முடிவு செய்தனர்.
அதற்காக, நேற்று முன்தினம் காலை ஊத்தங்கரையில் உள்ள ஒரு தியேட்டருக்கு காலையில் மாணவர்களை, ஆசிரியர்கள் அழைத்துச் சென்றனர். அங்கு புரஜெக்டர் ரிப்பேரானதால் 500க்கும் மேற்பட்ட மாணவர்களை அங்குள்ள மற்றொரு தியேட்டருக்கு அழைத்து சென்றனர். நிர்வாகிகள் சம்மதித்ததை அடுத்து சீருடையுடன் சென்ற மாணவர்கள் உற்சாகம் அடைந்தனர். ஏனெனில் அந்த தியேட்டர் பலான படம் ஓடும் தியேட்டர். பலான படப்போஸ்டர் நுழைவு வாயிலின் இரு பக்கமும் ஒட்டப்பட்டிருந்தது.
Ôராணுவ உளவாளிÕ என்ற குறும்படத்தை ஒரு மணி நேரம் பார்த்து விட்டு மாணவர்கள் தியேட்டரை விட்டு சாரை, சாரையாக வெளியே வந்தனர். இதை பார்த்த அப்பகுதி மக்கள் மற்றும் பெற்றோர் அதிர்ச்சி அடைந்தனர். பலான படம் ஓடும் தியேட்டரில் மாணவர்களுக்கு குறும்படம் காட்டலாமா? என்று ஆசிரியர்களுக்கு மக்கள் எதிர்ப்பு தெரிவித்தனர்.
No comments:
Post a Comment