இம்மாதம் (ஆகஸ்டு) 13 புதுப்படங்கள் ரிலீசாகின்றன. இது முந்தைய மாதங்களை விட அதிக எண்ணிக்கையாகும். விஜய்யின் வேலாயுதம், அஜீத்தின் மங்காத்தா ஆகிய இரு பெரிய பட்ஜெட் படங்கள் இந்த மாதம் ரிலீசாகும் என எதிர்பார்க்கப்பட்டது. ஆனால் அவை சில காரணங்களால் தள்ளிப்போகின்றன.
வழக்கமாக புதுப்படங்கள் ரிலீஸ் செய்யப்பட்டு வருகின்றன. இந்த மாதம் 4 வெள்ளிக்கிழமைகள் வருகின்றன. ஆகஸ்டு 15-ந்தேதி சுதந்திரதினம் என்பதால் 12-ந்தேதி வெள்ளிக்கிழமைக்கு பின் சனி, ஞாயிறு, திங்கள் ஆகிய 3 நாட்கள் விடுமுறை தினங்களாக வருகின்றன.
இதுபோன்ற காரணங்களால் 13 படங்கள் வெளியாக உள்ளன. ஆகஸ்டு 5-ல் டூ, பட்டா பட்டி, ராமநாதபுரம், அர்ஜூன் நடித்த சிங்க கோட்டை ஆகிய படங்கள் ரிலீஸ் ஆகின்றன.
ஆகஸ்டு 12-ந்தேதி ஜீவாவின் ரௌத்திரம், சகாக்கள், சங்கரன்கோவில், யுவன் ஆகிய படங்கள் வருகின்றன.
ஆகஸ்டு 19-ல் முதல் இடம், புலிவேசம், தேனி மாவட்டம் ஆகியவை ரிலீஸ் ஆகின்றன.
முதல் படத்தில் மைனா வித்தார்த் நாயகனாக நடித்துள்ளார். ஏவிஎம் நிறுவனம் தயாரித்துள்ளது. புலிவேசம் படத்தை பி. வாசு இயக்கி உள்ளார். ஆர்.கே., சதா ஜோடியாக நடித்துள்ளனர்.
ஆகஸ்டு 26-ல் வாகை சூடவா, யுவன் யுவதி ஆகிய படங்கள் ரிலீசுக்கு வருகின்றன. யுவன் யுவதியில் பரத் நாயகனாக நடித்துள்ளார்.
No comments:
Post a Comment