3 இதுதான் ஐஸ்வர்யா தனுஷ் இயக்கப் போகும் படத்தின் பெயர். மூன்று என்று எழுத்தாலோ, அல்லது எண் மூன்று என்றோ எழுத வேண்டாம். இந்த தலைப்புக்கும் கதைக்கும் நெருங்கிய சம்பந்தம் இருக்கிறது. அதனால்தான் இப்படி ஒரு தலைப்பு என்றார் டைரக்டர் ஐஸ்வர்யா. தனது புதிய படம் குறித்து பத்திரிகையாளர்களிடம் பகிர்ந்து கொள்ள வந்திருந்தார்கள் ஐஸ்வர்யா, தனுஷ், ஒளிப்பதிவாளர் வேல்ராஜ், இசையமைப்பாளர் அனிருத் ஆகியோர்.
பெண் இயக்குனர்கள் எல்லாருமே ஒன்று காமெடி படம் எடுக்கிறார்கள். அல்லது வட சென்னையின் இருட்டு வாழ்க்கையை படமாக்குகிறார்கள். இந்த படம் எப்படி என்று கேள்வி எழுப்பட்டது ஐஸ்வர்யாவிடம். இது புது மாதிரியாக இருக்கும் என்றார். பொதுவா அறிமுக இயக்குனர்கள் எடுக்கிற படங்களில் அவங்க வாழ்க்கை கொஞ்சம் ஒளிஞ்சுருக்கும். இந்த படத்திலும் என் அனுபவங்கள் இருக்கு என்றவரிடம், தனுஷ் படங்களை திருடா திருடி தனுஷ், படிக்காதவன் தனுஷ், ஆடுகளம் தனுஷ் என்று மூன்று வகையா பிரிக்கலாம். இந்த படம் எந்த டைப் படமா இருக்கும் என்று கேட்கப்பட்டது.
இந்த மூன்று மாதிரியும் இல்லாமல் வேறு மாதிரி இருக்கும் என்று பதிலளித்தார் ஐஸ்வர்யா. இந்த படத்தை கஸ்து£ரிராஜாவின் ஆர்கே நிறுவனம்தான் தயாரிக்கிறது. ரஜினி மகள் இயக்கும் படம், தனுஷ் நடிக்கும் படம் என்றால், வேறு தயாரிப்பாளர்கள் பணத்தை கொட்ட தயாராக இருப்பார்களே, ஏன் கஸ்து£ரிராஜவே தயாரிக்க வேண்டும்?
இந்த கேள்விதானே பலருக்கும் எழும்? இதற்கு தனுஷ் பதில் சொன்னார் அந்த பிரஸ்மீட்டில். என் மகள் படம் இயக்குகிறார் என்றால் அந்த பெருமை வேறு யாருக்கும் போய் விடக் கூடாது. என்னைதான் சேரணும் என்று அப்பா அடிக்கடி சொல்வார். அதே மாதிரி ஐஸ்வர்யா படம் இயக்க தயாரானதும் அப்பா தயாரிப்பாளர் ஆகிட்டார்.
முன்னதாக ஒரு கேள்விக்கு பதிலளித்த ஐஸ்வர்யா, இந்த கதையை நான் தனுஷை மனதில் வைத்துதான் எழுதியிருக்கிறேன் என்றார். முதலில் என்னை வச்சு ட்ரையல் பார்ப்பாங்க. சரியா வந்த பின்பு அவங்க அப்பாவை வச்சு எடுப்பாங்க என்று தனுஷ் மடக்க அந்த ஏரியாவே கலகலப்பானது.
No comments:
Post a Comment