ஸ்பெக்ட்ரம் ஊழல் விவகாரம் தொடர்பாக கைது செய்யப்பட்ட முன்னாள் மத்திய மந்திரி ஆ.ராசாவின் நெருங்கிய உறவினர் சாதிக்பாட்சா இவர் கடந்த மார்ச் மாதம் 16-ந்தேதி தேனாம்பேட்டையில் உள்ள தனது வீட்டில் மர்மமான முறையில் தூக்கில் தொங்கினார்.
ஸ்பெக்ட்ரம் விவகாரம் குறித்து விசாரணை நடத்துவதற்காக, சாதிக்பாட்சாவுக்கு சி.பி.ஐ. அதிகாரிகள் சம்மன் அனுப்பி இருந்தனர். இந் நிலையில்தான் அவர் தற்கொலை செய்து கொண்டார். அவரது சாவில் பல்வேறு மர்மங்களும், சந்தேகங்களும் இருப்பதாக பரபரப்பான தகவல்கள் வெளியானது.
சாதிக்பாட்சா தற்கொலை செய்து கொண்டதாக உறுதியாக கூற முடிய வில்லை. கழுத்து இறுக்கப்பட்டு அவர் மரணம் அடைந்துள்ளார் என அவரது உடலை பிரேத பரிசோதனை செய்த டாக்டர் டெக்கால் கூறிய கருத்துக்களும் பரபரப்பை ஏற்படுத்தின. சாதிக்பாட்சா கொலை செய்யப்பட்டு இருக்கலாம் என்று கூறப்பட்டது.
சாதிக்பாட்சா மரணம் குறித்து விசாரணை நடத்து வதற்காக டெல்லியில் இருந்து அகில இந்திய விஞ்ஞான மருத்துவ கழக தடயவியல் நிபுணர்கள் கடந்த சில நாட்களுக்கு முன்பு சென்னை வந்தனர். சாதிக்பாட்சாவின் பிரேத பரிசோதனை அறிக்கையை ஆய்வு செய்த அவர்கள் இது தொடர்பாக விசாரணையை முடுக்கி விட்டனர். அப்போது சாதிக்பாட்சா தற்கொலை செய்து கொண்டது உறுதியானது.
இது தொடர்பான அறிக்கை டெல்லி சி.பி.ஐ. அதிகாரிகளிடமும் தாக்கல் செய்யப்பட்டுள்ளது. கடந்த 5 மாதங்களாக சாதிக்பாட்சா சாவில் நிலவி வந்த மர்மம் தற்போது விலகியுள்ளது.
No comments:
Post a Comment