நாட்டை உலுக்கிய நயன்தாரா முடிவு

பிரபு தேவாவைத் திருமணம் செய்வதற்காக கிறிஸ்தவ மதத்திலிருந்து இந்து மதத்துக்கு மாறினார் நடிகை நயன்தாரா.

15 ஆண்டுகளுக்கு முன் ரம்லத் என்ற முஸ்லிம் பெண்ணை காதலித்து திருமணம் செய்து, 3 குழந்தைகள் பிறந்து, அதில் மூத்த குழந்தை இறந்த நிலையில், விவாகரத்து செய்தார் பிரபு தேவா. முஸ்லிமாக இருந்த ரம்லத், பிரபுதேவாவுக்காக மதம் மாறி லதா என்று புதுப்பெயர் சூடிக் கொண்டார். ஆனால் நயன்தாரா மீதான காதல் காரணமாக ரம்லத்தை உதறினார் பிரபு தேவா. சமீபத்தில்தான் ரம்லத் - பிரபு தேவா விவாகரத்தை அறிவித்தது குடும்ப நல கோர்ட்.

இப்போது பிரபு தேவா அடுத்த கல்யாணத்துக்கு தயாராகிறார். நயன்தாராதான் இவருக்கு மனைவியாகப் போகிறார். ஆனால் நயன்தாரா கிறிஸ்தவ மதத்தைச் சேர்ந்தவர். பிரபு தேவாவுக்காக நயன்தாரா மதம் மாறுவாரா அல்லது நயனுக்காக பிரபு தேவா மதம் மாறுவாரா என்ற கேள்வி எழுந்தது.

ஒரே மாதிரி சுற்றுவதற்கு மனசு ஒன்றும் செக்கு மாடு அல்ல என்பதை அதிரடி முடிவெடுத்து நிரூபித்திருக்கிறார் நயன்தாரா. ரோமன் கத்தோலிக் கிறிஸ்ட்டியனான இந்த டயானா மரியம் குரியன், தனது அப்பாவின் வற்புறுத்தலால் பிரபுதேவாவை கிறிஸ்துவராக மாற சொன்னார். அவர் மறுக்கவே, நான் மாறிக் கொள்கிறேனே என்று சிம்பிளாக சொல்லி ஒரு தீராத சிக்கலை முடிவுக்கு கொண்டு வந்திருக்கிறார். (குடும்ப வாழ்க்கையிலும் இந்த விட்டுக்கொடுத்தல் தொடர்ந்தால் அறுபதாம் கல்யாண விழா, நிச்சயம் வரும் உங்களுக்கு)

சில தினங்களுக்கு முன் சென்னைக்கு வந்து வேத மந்திரங்கள் முழங்க அக்னி சாட்சியாக இந்து மதத்திற்கு மாறிவிட்டார். இந்த மதமாற்றம் ஜோடியின் வாழ்வில் மிகப்பெரும் சங்கடங்களை களைந்திருக்கிறது என்பதே நிஜம்.

இத்தனை காலம் டயனாவாக இருந்த நயன்தாரா, தனக்கு வைக்கப்பட்ட புனைப்பெயரையே நிஜ பெயராகவும் ஏற்றுக் கொண்டிருக்கிறார். தம்பதிகளுக்கு வாழ்த்துக்கள்