சம்பளம் எதுவும் தரவில்லை: நடிகர் மீது பட்டதாரிகள் புகார்

நடிகர் ஆர்.கே. மீது, பட்டதாரிகள் ஏராளமானோர் 17.08.2011 அன்று போலீஸ் கமிஷனர் அலுவலகத்துக்கு திரண்டு வந்து புகார் கொடுத்தனர்.

எல்லாம் அவன் செயல்',  அவன் இவன்' போன்ற படங்களில் நடித்தவர் ஆர்.கே. இவரது உண்மையான பெயர் ராதாகிருஷ்ணன் என்பதாகும். இவர்,  புலி வேசம்' என்ற படத்தில் தற்போது நடித்து வருகிறார். இவர்மீது நேற்று காலையில் போலீஸ் கமிஷனர் திரிபாதியிடம் பரபரப்பான புகார் மனு கொடுக்கப்பட்டது. 40 ஆண் பெண் பட்டதாரிகள் கையெழுத்து போட்டு, கமிஷனர் அலுவலகத்துக்கு நேரடியாக வந்து இந்த புகார் மனுவை கொடுத்தார்கள்.

சென்னை தியாகராயநகரில்  இன்டர்நேஷனல் பிஸ்னஸ் டெவலப்மெண்ட் கார்ப்ரேஷன்' என்ற பெயரில் ஒரு நிறுவனம் உள்ளதாகவும், அந்த நிறுவனத்தின் இயக்குனராக நடிகர் ஆர்.கே.வும், தலைமை நிர்வாக அதிகாரியாக விஜயகுமார் என்பவரும் செயல்பட்டனர். அந்த நிறுவனத்தில் நாங்கள் வேலை பார்த்தோம். வேலைக்கு எடுக்கும்போது மாதம் ரூ.10 ஆயிரம் சம்பளம் தருவதாக கூறினார்கள். ஆனால் கடந்த 2 மாதமாக வேலைபார்த்த பிறகும், சம்பளம் எதுவும் தரவில்லை. இதுதொடர்பாக உரிய நடவடிக்கை எடுக்க வேண்டும் என்று புகார் மனுவில் குறிப்பிட்டிருந்தனர். இந்த மனு மீது விசாரணை நடத்த உத்தரவிடப்பட்டுள்ளது.

இந்த புகார் தொடர்பாக நடிகர் ஆர்.கே.விடம், செய்தியாளர்கள் கேட்டபோது, அந்த புகார் தவறான புகார் என்றும், அவர்களை வேலைக்கு எடுத்தது விஜயகுமார் என்றும், அவர்தான் அதற்கு பொறுப்பாளி என்றும், தனக்கும், இதற்கும் சம்பந்தமில்லை என்றும் தெரிவித்தார்.