லாரன்சுடன் காதலா? லட்சுமிராய் பேட்டி

காஞ்சனா” படத்தில் ஜோடியாக நடித்த லாரன்சுக்கும் லட்சுமிராய்க்கும் காதல் மலர்ந்துள்ளதாக கிசு கிசுக்கள் பரவியுள்ளன. இதுபற்றி லட்சுமிராயிடம் கேட்டபோது, அவர் கூறியதாவது:-

லாரன்சுக்கும் எனக்கும் காதல் என்பதை கேட்கும் போதே சிரிப்புதான் வருகிறது. தமாஷ் செய்வதாகவே இதை கருதுகிறேன். லாரன்ஸ் எனக்கு நல்ல நண்பர். மன முதிர்ச்சியுள்ளவர். கடவுளுக்கு பயந்தவர். கடினமான உழைப்பாளி, நல்ல மனிதர். எங்கள் ஜோடி பொருத்தம் “காஞ்சனா” படத்தில் சிறப்பாக அமைந்ததால் இதுபோன்ற காதல் வதந்திகள் பரவுவதாக நினைக்கிறேன்.

ஏற்கனவே “இரும்புக் கோட்டை முரட்டுச்சிங்கம்” படத்தில் லாரன்சுடன் நடித்தேன். அப்போது இந்த கதை பற்றி என்னிடம் சொன்னார்.

அனுஷ்காவைதான் நாயகியாக தேர்வு செய்திருந்தார். கடைசியில் அந்த வாய்ப்பு எனக்கு வந்தது. தற்போது அஜீத்துடன் “மங்காத்தா” படத்தில் நடித்து வருகிறேன். மலையாளத்தில் மூன்று படங்களில் நடிக்கிறேன். தெலுங்கில் பாலகிருஷ்ணாவுடன் நடித்த படம் முடிந்துள்ளது.