சென்னை கொருக்குப்பேட்டையை சேர்ந்தவர் செல்வராஜ் (வயது 36). கரகாட்டத்திற்கு மேளம் வாசிப்பவர். இவருக்கும் வியாசர்பாடியை சேர்ந்த தீபா (வயது 29) என்ற கரகம் ஆடும் பெண்ணுக்கும் இடையே கடந்த இரண்டு வருடங்களுக்கு முன்பு தொடர்பு ஏற்பட்டது.
செல்வராஜ் மற்றும் தீபா இருவருக்கும் ஏற்கனவே, திருமணம் ஆகி விட்டது. இருந்தபோதும் அவர்கள் 2 பேரும் தாலி கட்டாமலேயே கொருக்குப்பேட்டை பாரதி நகரில் குடும்பம் நடத்தி வந்தனர்.
கரகாட்ட நிகழ்ச்சி முடிந்து வீட்டிற்கு வந்ததும் அவர்கள் 2 பேரும் போதை மாத்திரைகளை சாப்பிடுவதை வழக்கமாக வைத்திருந்தார்கள். போதை அதிகமாகும் போது தீபா தனது கைகளை பிளேடால் கீறிக் கொள்வார் என்று கூறப்படுகிறது.
நேற்று முன்தினம் அவர்கள் 2 பேரும் வழக்கம் போல் போதை மாத்திரைகளை சாப்பிட்டனர். அப்போது, தனது காதலி தீபாவின் நடத்தையில் சந்தேகப்பட்ட செல்வராஜ், போதை தலைக்கேறிய நிலையில் இருந்த தீபாவை பார்த்து அசிங்கமான வார்த்தைகளால் திட்டினார்.
இதனால் ஆத்திரம் அடைந்த தீபா, செல்ராஜின் மீது பாய்ந்து அவருடைய கழுத்து, வயிறு ஆகிய பகுதிகளில் பிளேடால் வெட்டினார். ரத்த வெள்ளத்தில் துடித்த செல்வராஜை அக்கம் பக்கத்தைச் சேர்ந்தவர்கள் மீட்டு சிகிச்சைக்காக ஸ்டான்லி ஆஸ்பத்திரியில் கொண்டு சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.
இந்த சம்பவம் குறித்து ஆர்.கே.நகர் இன்ஸ்பெக்டர் ஷேக்பாபு வழக்குப்பதிவு செய்து தீபாவை கைது செய்து விசாரணை நடத்தி வருகின்றார்.
No comments:
Post a Comment