ஐ.பி.எல் சீஸன் 5 இன்னும் இரு தினங்களில் ஆரம்பிக்க இருக்கிறது. இந்த சீஸனின் முதல் போட்டி நாளை மறுநாள் சென்னை சேப்பாக்கம் ஸ்டேடியத்தில் நடைபெற இருக்கிறது.
இப்போட்டியில் தோனி தலைமையிலான சென்னை சூப்பர் கிங்ஸ் அணியை எதிர்த்து சச்சின் தலைமையிலான மும்பை இந்தியன்ஸ் அணி மோத இருக்கிறது.
நேற்று இரவு சச்சின் தலைமையிலான மும்பை இந்தியன்ஸ் அணி சென்னை வந்தடைந்தது. இன்று சேப்பாக்கம் மைதானத்திற்கு வந்த மும்பை அணியினர் தீவிர பயிற்சியில் ஈடுபட்டனர்.
இந்நிலையில் தான் மும்பை இந்தியன்ஸ் அணியின் கேப்டன் பதவியிலிருந்து விலகுவதாக சச்சின் தெண்டுல்கர் அதிரடியாக அறிவித்துள்ளார். தனக்கு பதிலாக சுழல்பந்து வீச்சாளர் ஹர்பஜன் சிங்கை கேப்டனாக நியமிக்கலாம் என அணி நிர்வாகத்திற்கு தனது கருத்தை தெரிவித்துள்ளார்.
போட்டி ஆரம்பிக்க இன்னும் இரு நாட்களே உள்ள நிலையில் சச்சினின் இந்த முடிவு கிரிக்கெட் ரசிகர்களிடையே பரபரப்பை ஏற்படுத்தியுள்ளது.
No comments:
Post a Comment