சிம்புவின் 'வாலு'!

LOVE ANTHEM' பணிகளை முடித்துவிட்டு தற்போது தான் ஒப்பந்தமான படப்பணிகளில் கவனம் செலுத்த ஆரம்பித்து இருக்கிறார் சிம்பு.

' வேட்டை மன்னன் ',' போடா போடி ' உள்ளிட்ட படங்களில் நடித்து வருகிறார் சிம்பு. ' வட சென்னை ' படத்தில் நடிக்க ஒப்பந்தமாகி இருக்கிறார்.

' வேட்டை மன்னன் ' படத்தின் படப்பிடிப்பு முழுவீச்சில் சென்னையில் நடைபெற்று வருகிறது. ' போடா போடி' படத்தின் பாடல் காட்சிகளுக்காக விரைவில் MACAU நாட்டிற்கு செல்ல இருக்கிறார்கள்.

' போடா போடி ' படத்திற்காக MACAU சென்று திரும்பிய உடன்,  ' வேட்டை மன்ன'னுக்காக பிரேசில் செல்ல இருக்கிறார் சிம்பு.

இவ்வாறு தான் ஒப்பந்தமான படத்திற்காக முழுவீச்சில் ஈடுபட்டு வரும் சிம்பு, நிக் ஆர்ட்ஸ் தயாரிக்கும் அடுத்த படத்திலும் நடிக்க இருக்கிறார்.

' வேட்டை மன்னன் ' படத்தினை தயாரித்து வரும் நிக் ஆர்ட்ஸ், அடுத்து சிம்புவை வைத்து ஒரு படத்தினை தயாரிக்க இருக்கிறார்கள். புதுமுக இயக்குனர் விஜய் இயக்க இருக்கிறார். படத்திற்கு ' வாலு ' என்று தலைப்பிட்டு இருக்கிறார்கள்.

இப்படத்திற்கு இசையமைக்க தமன் ஒப்பந்தமாகி இருக்கிறார்.