நித்தி ஆசிரமத்தின் நம்பர் 1 ரஞ்சி தான். நம்பர் 2 தான் நித்தி: நித்தியின் வழக்கறிஞராக இருந்த ஸ்ரீதர்

நித்யானந்தா, நடிகை ரஞ்சிதாவுடன் படுக்கை அறையில் இருக்கும் காட்சி கடந்த 2010ம் வருடம் மார்ச் முதல் வாரத்தில் வெளியானது.

இதைத் தொடர்ந்து தலைமறைவான நித்யானந்தாவை கடந்த ஆண்டு ஏப்ரல் 21 ந் தேதி இமாசல பிரதேசத்தில் பெங்களூர் சி.ஐ.டி. போலீசார் கைது செய்து அழைத்து வந்தனர். அவர் மீது கற்பழிப்பு உள்பட பல்வேறு பிரிவுகளின் கீழ் வழக்கு பதிவு செய்யப்பட்டது.

இந்த வழக்கு விசாரணை ராமநகர் கோர்ட்டில் நடந்து வருகிறது. இதற்கிடையே 2 மாத சிறைவாசத்துக்கு பிறகு நித்யானந்தா நிபந்தனை ஜாமீனில் வெளி வந்தார். ஜாமினில் வெளியே உள்ள நித்யானந்தா கடந்த 13.07.2011 அன்று சென்னையில் பத்திரிகையாளர்களை சந்தித்தார்.

அப்போது பேசிய நித்யானந்தா நக்கீரன் உள்ளிட்ட சில ஊடகங்கள் வழக்கறிஞர் ஸ்ரீதர் மூலம் பணம் கேட்டு மிரட்டியதாக பொய் குற்றச்சாட்டை கூறினார்.

இந்நிலையில் சென்னையில் 18.07.2011 அன்று செய்தியாளர்களை சந்தித்த நித்யானந்தாவின் வழக்கறிஞராக இருந்த ஸ்ரீதர் கூறியதாவது,

நித்யானந்தா அளித்த பேட்டி ஒன்றில் என் மீது சில குற்றச்சாட்டுக்களை கூறினார். முதலாவதாக, நானாக நித்யானந்தாவிடம் செல்லவில்லை. சென்னையில் இருக்கும் எனது அலுவலகம் அருகில் நித்யானந்தாவின் தகவல் மையம் உள்ளது. ஒருமுறை சாமியாருக்கு மிரட்டல் வருவதாகவும், அது யார் என்று கண்டுபிடித்து தர வேண்டும் என்றும் என்னிடம் கோரிக்கை வைத்தனர். இதனை தொடர்ந்து நான் விசாரித்தேன். பின்னர், குற்றவாளிகள் உங்கள் அருகில்தான் உள்ளனர் என்று அப்போதே கூறிவிட்டேன்.

பரபரப்பை ஏற்படுத்திய ஆபாச சிடி முதலில் நித்யானந்தா, ரஞ்சிதா, லெனின், எனக்கு (ஸ்ரீதர்), ஆர்த்தி ராவ் ஆகிய 5 பேருக்கு தான் தெரியும். இந்த சிடியானது, சன் டிவி மற்றும் நக்கீரனுக்கு மட்டும் அனுப்பப்படவில்லை. மொத்தம் 68 சேனல்களுக்கு சிடிக்கள் அனுப்பப்பட்டுள்ளது. எல்லோரும் ஒளிபரப்பத்தான் செய்தார்கள். இந்த நிலையில் நான் மிரட்டலில் ஈடுபட்டதாக குற்றம் சாட்டப்பட்டுள்ளது. உண்மையில் சொல்ல போனால், எனக்கும், சன் டிவிக்கும், நக்கீரனுக்கும் எந்த தொடர்பும் கிடையாது. நான் எந்த கட்சியையும் சாராதவன்.

ராம் நகர் நீதிமன்றத்தில் ரஞ்சிதா புகார் தாக்கல் செய்துள்ளார். அதில், சிடியில் உள்ள சமாச்சாரங்களை ரஞ்சிதாவுக்கு முன்கூட்டியே லெனின் காட்டியுள்ளதாக ஒத்துக்கொண்டுள்ளார். மேலும், நித்யானந்தாவுடன் ரஞ்சிதா இருக்கும்போது அந்த அறையில் கேமரா இருப்பது ரஞ்சிதாவுக்கு தெரியும். இதில் இருந்து நான் ஒரு உண்மையை கண்டுபிடித்தேன் அதாவது ரஞ்சிதா உதவி இல்லாமல் இந்த ஆபாச சிடியை எடுத்திருக்க முடியாது. எல்லாமே, ரஞ்சிதாவுக்கு தெரியும். ஆனால் பிரச்சனை ஏற்பட்ட உடன் வெளிநாட்டிற்கு சென்று தலைமறைவாகி விட்டார். ரஞ்சிதாவுக்கு உரிய செட்டில்மென்ட் வழங்கப்பட்ட பிறகுதான் அவர் மீண்டும் தலைகாட்டியுள்ளார்.

தற்போது நித்யானந்தா ஆசிரமத்தின் நம்பர் 1 ரஞ்சிதா தான். நம்பர் 2 தான் நித்யானந்தா. ரஞ்சிதாவை வெளியே விட்டால் ரகசியங்களை சொல்லி விடுவார் என்பதால் அவருக்கு ஆசிரமத்தில் அதிக அதிகாரங்கள் வழங்கப்பட்டுள்ளன.

நான் தொழில் தர்மத்தின் அடிப்படையில்தான் இதுவரை வாய் திறக்காமல் இருந்தேன். எனக்கு எதிராக குற்றம் சாட்டப்படவே, நான் உண்மையை சொல்ல வேண்டிய நிலைமை ஏற்பட்டுள்ளது. என்ன காப்பாற்ற வேண்டும் என்று என்னிடம் வந்தார்கள். காப்பாற்றி ‘பேக்’ செய்து கர்நாடகாவிற்கு அனுப்பினேன். ஆனால் அவர் தேவையில்லாமல் மீண்டும் தமிழகத்திற்கு வந்து விட்டார்.

எனது பெயருக்கு கெட்ட பெயரை ஏற்படுத்திய சாமியார் நித்யானந்தா, நடிகை ரஞ்சிதா, ஆத்மானந்தா மீது சிவில் மற்றும் கிரிமினல் பிரிவுகளில் மானநஷ்ட வழக்கு பதிவு செய்து ரூ.10 கோடி நஷ்டஈடு கேட்கப் போகிறேன். எழும்பூர் 14வது கோர்ட்டில் இந்த வழக்கை தொடர உள்ளேன். இன்னும் 1 வாரத்திற்குள் அவர்கள் என்னிடம் பகிரங்க மன்னிப்பு கேட்டால் அவர்களை விட்டுவிடுவேன் என்றார்.