விஜயகாந்த் மகனுக்கு இயக்குனர் கிடைச்சிட்டார் !

எதிர்கட்சி தலைவர் விஜயகாந்த், மெல்ல மெல்ல சினிமாவை விட்டு முழுநேர அரசியலுக்கு வந்துவிட்டார். தனது கலையுலக பயணம் தன்னோடு நின்றுவிடக் கூடாது என்ற ஆர்வத்திலும், அக்கறையிலும் படித்துக் கொண்டிருந்த மகனை படவுலகத்துக்கு அழைத்துவரப் போகிறார். இந்த தகவல் எல்லாம் உங்களுக்கு தெரிந்தவைதான்.

தினந்தோறும் பலரிடம் கதை கேட்டுக் கொண்டிருந்த குடும்ப உறுப்பினர்கள், கடந்த சில வாரங்களுக்கு முன்பு பூபதி பாண்டியனை வரச்சொல்லியிருந்தார்களாம். தனது மகனுக்கு ஏற்ற மாதிரி ஒரு நல்ல சீட்டு எடுத்துக் கொடு என்று கிளி ஜோதிடராக்கினார்கள் இவரை. மன அலமாரியில் விதவிதமான காமெடி கதைகளுடன் திரியும் பூபதி பாண்டியனும் ஒரு கதையை எடுத்துச் சொல்ல ஆரம்பிக்க, அந்த அறையே கலகலப்பானதாம். விழுந்து விழுந்து சிரித்தார்களாம் அத்தனை பேரும்.

அடுத்த கட்ட பேச்சு வார்த்தை துவங்கியிருக்கிறது. பார்க்கலாம்...