விமானத்தில் சிறுநீர் கழித்த நடிகர்

பிரஞ்சு நடிகர் ஜெரார்டு டிபார்டிழூ, இவருக்கு இப்போது வயது 62. இவர் ஜீன் டி புளோரெட்டே, கிரீன் கார்டு ஆகிய படங்களில் நாயகனாக நடித்தவர் ஆவார்.

இவர் ஏர்பிரான்ஸ் விமானத்தில் பயணம் செய்தார். விமானத்தில் ஏறி உட்கார்ந்ததும் விமானம் புறப்படுவதற்காக ஓடுபாதையில் ஓடதொடங்கியது. அப்போது அவர் எழுந்து பாத்ரூம் போவதற்கு முயன்றார். விமானம் டேக் ஆப் ஆகும் போது எல்லோரும் இருக்கையில் இருக்க வேண்டும்.

அவர் விமானம் டேக் ஆப்பில் இருந்த போது பாத்ரூம் போக அனுமதிக்க வேண்டும் என்று பிடிவாதம் பிடித்தார். அவர் குடிபோதையில் வேறு இருந்தார். விமானப் பணிப்பெண் அவரை இருக்கைக்கு திரும்பும்படி வற்புறுத்தினார். இதனால் கோபம் அடைந்த அவர் விமானத்தில் ஒரு ஓரத்தில் நின்றபடியே சிறுநீர் கழித்தார். இதை பார்த்து விமானப் பணிப் பெண் அதிர்ச்சி அடைந்தார். சகபயணிகள் கோபம் அடைந்தனர்.

இதை தொடர்ந்து விமானம் மீண்டும் தரை இறக்கப்பட்டு சுத்தம் செய்யப்பட்ட பிறகு விமானம் புறப்பட்டு சென்றது. இதனால் பயணிகளுக்கு அசவுகரியம் ஏற்பட்டது. அவர்களின் நேரம் வீணானது.