இந்தியாவை தாண்டி வெளியேவும் கேட்க ஆரம்பித்துவிட்டது அன்னாஹசாரேவுக்கு ஆதரவான கோஷம். சற்றே மந்த கதியில் எதையும் டீல் பண்ணும் தென் இந்தியா, அதிலும் குறிப்பாக தமிழ்நாடு இப்போதுதான் விழித்துக் கொண்டிருக்கிறது. ஊழலுக்கு எதிரான ஹசாரேவின் குரலுக்கு வலு சேர்க்க கிளம்பியிருக்கிறது தமிழ்சினிமா.
தயாரிப்பாளர் சித்ரா லட்சுமணன், விநியோகஸ்தர்கள் சங்க தலைவர் கலைப்புலி சேகரன், தயாரிப்பாளர் சங்க தலைவர் எஸ்.ஏ.சி ஆகியோர் தலைமையில் நாளை அடையாள உண்ணாவிரதம் இருக்கப் போகிறார்களாம்.
சென்னை அண்ணா மேம்பாலம் அருகில் உள்ள தென்னிந்திய திரைப்பட வர்த்தக சபை வளாகத்தில் நாளை அவர்கள் ஒரு நாள் உண்ணா விரதத்துக்கு ஏற்பாடு செய்துள்ளனர். காலை 9 மணி முதல் மாலை 5 மணி வரை இந்த உண்ணாவிரதம் நடைபெறும்.
நடிகர், நடிகைகள், இயக்குனர்கள், தயாரிப்பாளர்கள், திரைப்பட விநி யோகஸ்தர்கள், திரையரங்கு உரிமையாளர்கள், திரைப்பட தொழில் நுட்ப கலைஞர்கள் என அனைவரும் உண்ணா விரதத்தில் பங்கேற்கின்றனர். இது குறித்து போராட்ட அமைப்பாளர்களில் ஒருவரான தயாரிப்பாளர் சித்ராலட்சுமணன் கூறும் போது அன்னா ஹசாரேயின் ஊழலுக்கு எதிரான போராட்டத்துக்கு ஆதரவு தெரிவித்து தமிழ் திரையுலகினர் நாளை நடத்தும் உண்ணாவிரதம் உணர்வு பூர்வமானது. இதில் திரையுலகினரின் அனைத்து தரப்பினரும் பங்கேற்பார்கள் என்றார்.
No comments:
Post a Comment