ரஜினி நலம்... ரசிகைகள் நேர்த்திகடன்

ரஜினிகாந்த் உடல்நலம் குறைவு ஏற்பட்டு மேல்சிகிச்சைக்காக சிங்கப்பூரில் உள்ள மவுண்ட் எலிசபெத் தனியார் மருத்துவமனையில் சேர்க்கப்பட்டார்.

ரஜினிகாந்த் பூரண குணமடைய வேண்டும் என்று தமிழகத்தில் உள்ள ரஜினி ரசிகர்கள் சிறப்பு பூஜைகள், வேண்டுதல்கள், கூட்டு பிரார்த்தனைகள் செய்தனர். அவர் நலமடைந்துவிட வேண்டும் என்று பல்வேறு தெய்வங்களுக்கு நேர்த்திக்கடன் செலுத்துவதாக வேண்டி இருந்தனர்.

தேனி மாவட்டம் ஆண்டிப்பட்டி ஒன்றியம் மற்றும் நகர ரசிகர் மன்றம் சார்பில் சக்கம்பட்டி சிவன் கோவிலில் பாலாபிஷேகம் செய்வதாக வேண்டி இருந்தனர். தற்போது ரஜினிகாந்த் பூரண குணமடைந்து ஓரிரு வாரத்தில் சென்னை திரும்புவதாக தகவல்கள் வெளியாகி உள்ளது.

தன் உடல் நலம் பெற பிரார்த்தனை செய்த தன் ரசிகர்களுக்கு நன்றியும் தெரிவித்திருக்கிறார் ரஜினி. சென்னை திரும்பியதும் ரசிகர்களை தான் முதலில் சந்திக்க இருக்கிறார் ரஜினி என்றும் சொல்லப்படுகிறது.

இதனையொட்டி ஆண்டிப்பட்டி ரஜினி மன்ற நகர செயலாளர் ஹரிகாந்த் தலைமையில் நேர்த்தி கடன் செலுத்தப்பட்டது. ஆண்டிப்பட்டி பால விநாயகர் கோவிலில் 51 பால் குடங்களை அர்ச்சனை செய்து 51 பெண் ரசிகைகள் ஊர்வலமாக சுமந்து சென்று சக்கம்பட்டி முத்துமாரியம்மன் கோவிலில் உள்ள சிவனுக்கு பாலாபிஷேகம் செய்தனர். பின்னர் அன்னதானம் வழங்கப்பட்டது.