ராணா படப்பிடிப்பு தொடங்கிய சமயத்தில் ரஜினிக்கு கடும் உடல் நலக்குறைவு ஏற்பட்டது. அவரது உடல் நலம் குறித்து பல்வேறு குழப்பமான தகவல்கள் வெளியாகின. அவருக்கு என்ன பிரச்சினை என்பதே பெரும் குழப்பமாக இருந்தது.
இறுதியில் அவர் சிங்கப்பூர் அழைத்துச் செல்லப்பட்டு அங்கு சிகிச்சை அளிக்கப்பட்டது. தற்போது அவர் மருத்துவமனையிலிருந்து டிஸ்சார்ஜ் செய்யப்பட்டு, சிங்கப்பூரிலேயே தங்கி ஓய்வெடுத்து வருகிறார். விரைவில் அவர் வருவார் என்று அவரது மருமகன் தனுஷ் கூறியுள்ளார்.
இந்த நிலையில் மீண்டும் ராணா பட வேலைகளை முடுக்கி விட்டுள்ளனர். ரஜினிகாந்த் திரும்பியதும் படப்பிடிப்பில் கலந்து கொள்வார் என்றும் கூறுகிறார்கள்.
அதேசமயம், ராணா படத்தில் சண்டைக் காட்சிகளில் ரஜினி நடிக்கக் கூடாது என்று சிங்கப்பூர் டாக்டர்கள் அறிவுரை கூறியுள்ளனராம். பழையபடி சண்டைக் காட்சிகளில் நடித்தால் உடல் நலம் பாதிக்கப்படலாம் என்பதால் டூப் போட்டு சண்டைக் காட்சிகளை எடுக்குமாறு அறிவுறுத்தியுள்ளனராம்.
ரஜினி டூப் போட்டு நடிப்பது புதிதல்ல. பல படங்களில் ரஜினி சண்டைக் காட்சிகளில் டூப்பை பயன்படுத்தியுள்ளனர் என்பதால் ராணாவிலும் டூப் பயன்படுத்தப்படலாம் என்று தெரிகிறது.
No comments:
Post a Comment