களவாணி இயக்குனர் திருமணம்!

விமல் நடித்த ‘களவாணி’ படத்தை இயக்கியவர், சற்குணம். மீண்டும் விமல் நடிக்கும் ‘வாகை சூட வா’ படத்தை இயக்குகிறார். அவருக்கும், பட்டுக்கோட்டை செண்டாங்காடைச் சேர்ந்த பழனிவேல், சாந்தி தம்பதியரின் மகள் சரண்யாவுக்கும் திருமணம் நிச்சயிக்கப்பட்டுள்ளது. இதுகுறித்து சற்குணம் கூறுகையில், ‘இருவீட்டு பெற்றோர் சம்மதத்துடன் நடக்கும் திருமணம். சமீபத்தில் நிச்சயதார்த்தம் நடந்தது. ‘வாகை சூட வா’ ஷூட்டிங்கில் இருந்ததால், செல்ல முடியவில்லை. சரண்யா எம்.பி.ஏ முடித்துள்ளார். ஜூன் இறுதி அல்லது ஜூலை மாத தொடக்கத்தில், ஒரத்தநாடு அருகிலுள்ள ஆம்பலாபட்டில் எங்கள் திருமணம் நடைபெறும். தேதி முடிவாகவில்லை’ என்றார்.