உலகக் கோப்பைப் போட்டிக்கான இந்திய கிரிக்கெட் அணி இன்று அறிவிக்கப்படவுள்ளது. இதில் பெரிய அளவில் சர்பிரைஸ் இருக்காது என்று தெரிகிறது. இருப்பினும் சுழற்பந்து வீச்சில் சிறப்பாக செயல்பட்டு வரும் தமிழக வீரர் ஆர்.அஸ்வினுக்கு வாய்ப்பளிக்கப்படுமா என்ற எதிர்பார்ப்பு எழுந்துள்ளது.
இந்தியா, இலங்கை, வங்கதேசம் ஆகியவை இணைந்து உலகக் கோப்பைக் கிரிக்கெட் போட்டியை நடத்தவுள்ளன. பிப்ரவரி 18ம் தேதி தொடங்கி ஏப்ரல் 2ம் தேதி வரை இப்போட்டிகள் நடைபெறவுள்ளன. இதற்கான 30 பேர் கொண்ட உத்தேச அணியை ஏற்கனவே இந்தியா அறிவித்துள்ளது. இன்று 15 பேர் கொண்ட இறுதி அணி அறிவிக்கப்படவுள்ளது.
ஸ்ரீகாந்த் தலைமையிலான இந்திய தேர்வாளர் குழு சென்னையில் அணியை அறிவிக்கவுள்ளது.
தற்போது உள்ள 30 பேர் கொண்ட உத்தேச அணியில், கேப்டன் டோணி, சச்சின் டெண்டுல்கர், வீரேந்திர ஷேவாக், கவுதம் கம்பீர், விராத் கோலி, சுரேஷ் ரெய்னா, யுவராஜ் சிங், முரளி விஜய், ரோஹித் சர்மா, ஹர்பஜன் சிங், செளரப் திவாரி, பார்த்திவ் படேல், ஜாகிர் கான், திணேஷ் கார்த்திக், விருதிமான் சாஹா, யூசுப் பதான், ஷிகார் தவன், ரஹானே, சட்டேஸ்வர் பூஜாரா, பிரவீன் குமார், ஸ்ரீசாந்த், ரவீந்திர ஜடேஜா, அமித் மிஸ்ரா, இஷாந்த் சர்மா, பியூஷ் சாவ்லா, பிரக்யான் ஓஜா, ஆர்.அஸ்வின், முனாப் படேல், ஆசிஷ் நெஹ்ரா, வினய் குமார் ஆகியோர் உள்ளனர்.
No comments:
Post a Comment